قلوب_ حائره

الجزء الخامس عشر

نواره: من سمعت صوتهه كمت ابجي بحركه حيل محتاجتهه ومحتاجه لحضنهه
ام نزار: اسمع احد يبجي بتلفون رف كلبي اكيد هذه نواره. نواره يمه هذه انتي يبعد امج
نواره: ماما حبيبتي ابجي واحجي اشتاقيتلكم هوايه.
ام نزار: يمه ليش هيج سويتي وعفتي ضناج
نواره: يمه والله مسويت شي غلط تزوجت ع سنة الله ورسوله. يمه صدك انتي مريضه وبلمستشفى؟
ام نزار: ارتفع سكري بس لا مو مال مستشفى
نواره: يعني كلام بكر صحيح هذا فخ حتى يكمشوني اوووف ونوب اذيته بكلامي وهو خايف عليه.
ام نزار: يمه مرتاحه خو مامأذيج رجلج؟ هو نفسه ابو نور مو
نواره: اي يمه نفسه بس لا يمه خوش رجال ويحبني. لاتحطين ابالج قنوده شونهه 
ام نزار: اوووف كاسره خاطري تسأل عليج ماما وماما
نواره: كمت ابجي زايد يمه كلبي ممرود عليهه بنفسي احضنهه واشمهه
ام نزار: ديري بالج نزار متحلفلج اله يحط طلقه بيج اخذي حذر
نواره: انشالله يمه ديري بالج ع نفسج وع قنوده.
ام نزار: انشالله يمه مع السلامه
نواره: سديته منهه واني روحي طالعه كلشي وياي عكس مشتاقه لبنتي وامي هذه بجفه وزعل بكر بجفه ثانيه شلون هيج حجيت وياه بعد كل الي سواه علمودي اووف كمت سويت غده وسبحت وبدلت لبست ثوب فرو جوه الركبه لونه بنفسجي ووياه حفايات ام الفرو بنفس اللون وعفت شعري مفتوح وحطيت مكياج وطوخت الحمره وضليت انتظره يجي للضهر سمعت الباب المطبخ انفتحت نزلت اركض
بكر: طلعت الصبح اشتريت كم شغله للبيت محتاجينهه ورحت يم ولد صديقي ضلينه كاعدين اني وياه ورجعت للبيت شفت نواره اجت تركض بس شلون طالعه خرب بعمي تكتل والرجلين الطالعه واني ديني كامز وجفاف عندي اجت كبل حضنتني
نواره: رحت اركض عليه حضنته من صدك مشتاقتله كومه احس من حضنته رجعتلي روحي هو مسوه أي ردة فعل ومابادلتي الحضنه اكيد لسه زعلان
بكر: مسويت اي ردة فعل بس حيل مشتاقلهه ومشتاق لعطرهه بدي اشيلهه وافتر بيهه واطفي ناري بيهه
نواره: باوعت بعيونه وكتله حبيبي اني اسفه والله مجان قصدي بس والله جنت منهاره واني ام وكلبي طاك ع بنتي مو بيدي ونوب كالو امي حتموت تخبلت
بكر: واني مفكرتي بيه تعلين صوتج عليه وتكليلي عينك عينك ماريدك وماريد حبك
نواره: دنكت وكتله حالة عصبيه مو قصدي وبعدين اذا مو انت تتحملني مو يتحملني احجيه بدلع وفتحت اول دكمه من قميصه وبسته
بكر: تحجي بدلع وباستني بصدري خرب ماتحملت حضنتهه كل قوتي وبستهه من شفايفهه بقوه حتى يمكن اذيتهه بس ماحجت شلتهه بحضني وصعدت الدرج وهي تبوس بركبتي جدي اشتعل بس اريد اوصل للغرفه
نواره: شالني بحضنه واني ابوس بركبته وصلنه الغرفه خلاني ع الجربايه وطفه الضوه صارت الغرفه شبه ضوه بيهه لان البردات ثخان فقليل يدخل ضوه منهن نزع سترته وبنطرونه واجه صار فوكاي يبوس بشفايفي وبركبتي انتهيت خدرت نزعني الثوب بقيت بس بلداخليات وهو هم صرت اني فوك وكمت ابوس بي بشفايفه وخدوده وبلحيته وركبته وبصدره.
بكر: خبلتني برومانسيتهه اخذتني بغير عالم حسيت نفسي مجنت عايش ووياهه الحياة الهه غير معنى هستوني اريد انزعهه باقي ملابسهه جان يدك التلفون. خرب هذا وكته
نواره: فزيت ع صوت للتلفون عبالك جنت منومني مغناطيسيا. منو هذا الي دا يدك
بكر: باوعت ع التلفون هذه امي هسه وكتهه ضيعتي الاول والتالي جاوبت هاا يمه شونج
ام بكر: ولك يمه الحكلي نور انخطفت
بكر: يمه شنو انخطفت لخاطر الله
ام بكر: اخو نواره الي اسمه نزار خاطفهه ويكول اذا مترجع نواره يحلم يشوف بنته
بكر: عيوني صارن بكصتي هسه جاي اني
نواره: اسمع واني مصدومه معقوله نزار يسوي هيج زين هذه الطفله شنو ذنبهه حتى يدخلهه بلموضوع كمت ابجي
بكر: سده منهه وباوعلي واعصابه نار كلي لاتكولين اخوي اليوم اكفر بي
نواره: بكر!!
بكر: لاتحجين ولا كلمه. ابقي هنا وممنوع تفتحين لباب واقفليهه عليج اني راجع للحله
نواره: وين ترجع لخاطر الله تصير مذابح اخواني مراح يسكتون فدوه ابقه
بكر: خطفو بنتي تعرفين يعني شنو بنتي تلكيهه هسه ميته خوف يمهم هي تخاف من خيالهه انوب يم اخوج نزار هسه خبلهه
نواره: خلص همه مو يريدوني اني اروحلهم واخليهم يوصلون بنتك للبيت بس انت لاتروح فدوه اخاف عليك
بكر: ابقي هنا لاتشلعين كلبي ماكدر استغنه لا عنج ولا ع نور
نواره: هزيتله راسي معنى اوك طبعا هو يلبس ويحجي راد يطلع حضنته كل قوتي عبالك اخر مره اشوفه كلبي مقبوض وخايفه فدوه دير بالك ع نفسك لاتتهور وخلي خط رجعه بينهم وبينه ولاتنسى همه هم حقهم
بكر: باوعلتهه بس الا بنتي خط احمر بستهه من راسهه وطلعت الطريق كله اكل بروحي بس اريد اوصل بالي يم نور.
نواره: طلع واخذ كلبي وعقلي وياه كلت خلي اخابر امي افتهم منهه بلكي تساعدني دكيت عليهه مرتين ياله جاوبت الوو
ام نزار: هاا بنيتي
نواره: يمه شكو نزار ليش ماخذ نور هذه الطفله شنو ذنبهه دا احجي وياهه جان اسمع نزار
نزار: ذنبهه بركبتج والله اذا ماخلي طلقه براسج اطلع مو نزار بس خلي الكفج وخلي الكف هذا العار
نواره: خويه والله مسوينه شي غلط تزوجنه ع سنة الله ورسوله دا احجي وجان يسده بوجهي احس جسمي كله كام يرجف ماعرف من الخوف مدري من الي راح يصير اوووف ضليت افتر ساعه ابجي ساعه يجي ابالي راح يتكاتلون من وراي تخبلت. دكيت ع بكر حبيبي وصلت
بكر: دقايق واوصل ديري بالج ع نفسج واذا مارجعت دير بالج ترجعين لأهلج خوش واكو فلوس بلكنتور تاخذيهن وتروحين لاربيل ماشي
نواره: من سمعته هيج يحجي تخبلت حبيبي فدوه لتحجي هيج اموت بدونك والله. ارجعلي راح انتظرك لاخر يوم بعمري اني ماسوه شي بدونك.
بكر: احبج نواره حبيتج من اول ماشفتج اخذتي كلبي وعقلي
نواره: اعشقك واتنفسك احجي وابجي
بكر: وصلت يله مع السلامه.
نواره: من سده رحت توضيت وكمت اقره قرأن وادعي وابجي بحركه.
بكر: وصلت لبيت اهل نواره دكيت الباب قوي ......

وللحكايه بقايه😉