#ليتك معي"" يامجهول الهويه""##سنابل#

#سنابل #
# مجهول الهويه#
الجزء الثاني
جنت حييل شاطره بالدراسه لان شيخلصني من عماد اذا مدروس او اذا مجيب عشره بالاملاء واذكر مره اخذت 9 بالرياضيات وجنت خايفه ادخل للبيت ودخلت وختلت بالحديقه الخلفيه مات البيت وتالي بعد قلق وخوف ورجييف!!!!اتجرأت ادخل للبيت والحمدلله هو مسئلني وتالي بالغده واني كاعده وقلقه خاف يتذكر وجان يتذكر ويسألني واني معرف اكذب كوتله واني منزله راسي اخذت 9 واحس اللكمات تصطرن بلعومي وجاوبت واني مخنوكه ومحس الا اجالي الكف الايسر منه وطبعآ ماما وبابا كاعدين وكل العائله واني جمدت بمكاني وكلي كملي زقنبوت وتالي للغرفه اشوف احسابي وياج واني دموعي منزلت طبعآ من جان يظربني مجانت دموعي تنزل ابد ولا حتى اكول اااخ لان محب احسسه انو ااني اتأذيت وطبعآ لحد هسه هو يذكر هذا الشي يكول جنت اظربج وانت متبجين ابد لو شكد مظربج وانت طفله تحسيني انت قويه ...ايه...ايه....كملت زقنبوت و رحت اجر برجل اخاف امشي وصلت لغرفته دكيت البابا كلي منو كتله بصوت يرجف اني كلي تعالي حيوانه دخلت وجان يطلع الصونده السوده ماته مخليه للكتل الي ولأسو حبيبي.. وجان يجلدني بالصونده لحد متعب وكلي يالا ولي ياويلج اذا جبتي 9 بعد اصولخه لجلد ياغبيه وطلعت رحت لسريري اتغطيت وظليت ابجي وجان الي يواسيني اسو وعلا لان همه نفس حالتي همان شابعين كتل من عمااااااااد اويلي علينه واذكر مره كعدت من النوم واني دتريك وعلا همات وجان ماما كايلتله لعماد علينه والله متذكر شنو مسوين وجان يسحب صوندة المبرده ويوكتلنه واحنه دنتريك علا خلصت نفسه بجي بس اني لا جنت اروح.لفراشي اظم راسي واظل ابجي او اروح اطلع ملابسي من الكنتور واظل ابجي لحد متعب واكتب ع الكنتور بالطباشير اكرهكم اكرهكم وتالي امسح الكتابه وامسح دموعي وارجع طبيعيه كأن شىء لم يكن اتذكر من جنت طفله اهلي يكولولي لكينلج بالشارع واظل ابجي او يكولولي حنبيعج ع المصري واني اخلصه لنفسي من البجي وتالي يكولولي يالا بطلنه منبيعج وبابا ميقبل يكول هذه ام الخيير مبيعه ع عينه انفتحت علينه وجنت اتعارك اني وعلا ع حظن بابا وجنن انخلي جفوفنه بوسط جف ايده ونتعارك ع حظنه ...أااااخ ...ااااخ ....اسرعلكم الاحداث اذكر اخر مره ظربني بيه عماااااااااد واني عمري13 سنه كلتلي ماما افرشي الفراش ع السطح ومقبلت كولتله خلي الي يمج هنه يفرشن اقصد لمى وعلا طبعآ لمى دلوعة بابا ولانه حلوه وتشبه ام بابا فمحد يندك بيه واني ع كولتهم صغير القوم خادمهم فمطيحين حظي بهذه العباره خلوني اتعقد من كد ميصخروني ...وطبعآ ماما صاحت ع عماااد كلتله شوف هذه الادبسزز اكوله افرشي الفراش متقبل وجان عماااد يكولي تعالي لج اني مو كولش خفت كلت كبرة بعد.ميظربني ورحت لغرفة طبعآ غرفة غرفة الاعدام والأعتراف والتحقيق !!!!!رحتله وجان يطلعلي السوده وكل عاده يجلدني وطلعت رحت للكنتور وهمات فرغت كول الي بقلبي وتالي رجعت ملابسي ومسحت دموعي وصعدت الفراش جنت بالبيت عنيده حسب اقوالهم ولساني طويل بس من اطلع بره البيت بالمدرسه بالشارع اروح خطار جنت هادئه وصوتي ميطلع وحيييل مؤدبه واخاف من خيالي وحتى اذا احد يأذيني اني مرود عليه اخاف يعني شخصيتي داخل البيت وبره البيت معندي اي شخصيه وجنت متميزه بالمدرسه اي فعاليه او مهرجان اول وحده يختاره وجنت اشارك باي معرض مهرجان سفرات يعني جانت المدرسه عالمي الثاني عكس البيت الي هو كأبه بكأبه من ادخل البيت اخلي ايدي ع قلبي لحد مطلع منه اكبرت صرت بالمتوسطه وبده جسمي يترتب وعيون الطالبات عليه واني جنت حييل اظوج من هذا الشي كول ظني هذا شي محلو انوا اني جسمي انثوي اكثر من الطالبات الي بعمري واكثر من خواتي الي هنه انعم مني. وصلت للعداديه ودخلت علمي وجان كول همي اطلع صيدله وعمااااد جان يكولي احنه غير كلية التربيه منريد لان اذا طلعتي غيره مصيرج البيت. مخليج تتعينين بمكان بيه ولد جنت اتمنى اطلع صيدله واخويه اياد محجيتلكم عنه اياد ورده حباب ودمه عسل ودائمآ يتشاقه ويايه شقه عنيف يعظ لو يربط اديه لو يربطني الدرج ويظل يظحك عليه شلون احاول افتح الحبل لو ينكعني مي واني مدري المهم جان بحب يتشاقه ويايه عكس عماااد بس العمده ميعجبه هذا الحجي فجان دائمآ يكوله لا لا لتتشاقه وياهه لك مو تظل متحترمك وبعد متخاف منك وايودي ميديرله بال بس مرات يسمع كلامه ويتأثر بشخصيته ويحاول يقلده لان عماد اله تأثير قوي عليه طبعآ عماد مهندس حاسبات بأحد مصافي شمال بغداد اويلي منه شكد.كرهنه بحياتنه جان من يسمعنه نضحك اني وخواتي يكول وسم وجع ظحك بلا سبب من قلت الادب وطبعآ جنه بسرعه نسكوت ونخاف مرود عليه ليش هو منو يتجرآ يرود عليه وجنه ويه نفسنه نكول هو انت شمعرفك ظحك بلاسبب ويكول عودينه من تاخذن حمير اظحكن ببيوتهم ولو اني لو اشوفجن تحتظرن كدامي مزوجكن ولا خليكن تطلعن بره البيت جنه من الدوام