جحيم الثأر

اعلان

صباح الخير
قصه

للكاتبه ذكرى المندلاوي
القصه بعنوان

جحيم الثأر ارجو ان تنال اعجابكم

اليوم
واني اتذكر الي حدث مثل شريط سينمائي
عمري مراح انساه
الظلم الي شفناه اني واهلي منهم مينوصف
يبلغ حد الوصف
النذاله والرعونيه الي مسنه منهم جبير
اخخخخ كلما اتذكر
سفاله عمي ومرته اتجاهنه بودي اكص لحمهم
واسوي وذر وذر واكله بيدي
مو بشر حيوانات بشكل بشر
سميه هذا الاسم ميروح من ذاكرتي
ولا عبد الله الخنيث
كلمه سفاح قليله عليك
منك تعلم الشيطان يحوك الخطط
اخخخ بس لو تسنح الفرصه الي منتضرهة صارلي زمان
بوكته اعلمك معنى الثار شنو
اليوم اجاك ابن محمد ياعبد الله وين تروح مني

رن موبايله
الوووو
هاااا بشر حمامه غراب
افه شتعرف اخوك طبعا حمامه
كول بسرعه

اندليت بيتهم كول قصرهم
اييي نفذ صبري
جايك والله جايك بلحجي اعرفك ماتتحمل ماعندك صبر الوحيد بينه رغم اكبر واحد بينه ولازم انت تعلمناياه
كافي لككك وكمل
همه ساكنين اربيل ماهر اخوي تدري عمك المصون صاير احوال وشخصيه معروفه هناك
صفن ماهر
هذا كله من البوك والاحتيال
اخو احمد
شوف عفوا اسمعني
عمك عبد الله
صرخ
لا تنطققق اسمه مااريد اسمعه
انخبص احمد يعرف بماهر يكره حته اسمه
نسيت بسس
هز راسه
احجييي وفضني
العم يشتغل بتهريب النفط مكفاه الفلوس الي باكهة
منه وعنده مصارف وشركات بداخل وخارج البلد
يعني بصريح العباره
طاكككك
ابنه قاسم الجبير يدير بعضهن
وسام نفس الشي اله
ومقداد بلخارج يدرس
بقت مدلله ابوهة عسل والي نص املاكه باسمهة
هههههع اخوي ماهر طلع يعرف معنى العسل ابن ال٠٠٠٠
ماهر هو هاي الي جان يدور عليهة

اني مااذكر جان عنده بنيه
اي هاي اخر العنقود ودلوعه بابا وبزر الشيب
شكد عمرهة
١٧ سنه اعتقد صايره من احدى زواجاته السريه لان
نفس عمر مقداد
ماهر ويه روحه
شي اكيد هو ابو كيف ونسوان
ماهر
عفيه عليك تعال ارجع ابويه خبلني عليك ادكول رايح للصين مو الاربيل هيه كم ساعه
احمد
هههه اعرفه ابو ثرب ميكدر ينام بلياي
ماهر
دير بالك على نفسك
ادللل ابوي الثاني

*******
احمد انسان
ضحوك الابتسامه والنكته متفارك شفاهة رغم كل الي مروا بيه
لكن ماهر
ابد ميبتسم
ماموجوده هاي الكلمه بقاموسه
قرر يترك الحياه ويطلكه من زمان
وهو نذر عمرهة الباقيه للانتقام من عمه
عبد الله وزوجته سميه
ذوله الثنين حطموا كلشي حلو بحياتهم
هو مستحيل ينسه
امه وهيه تستنجد وتتوسل بعمه
وكأنه مكفاه سجن زوجهة الي هو اخوهة
تهمه بلباطل واستلم املاكه وصار وصي عليهم
وبليله كشره نجح بأغتصاب والدته بعد العديد من محاولاته حته ترضخله واطيع اوامره بخيانه زوجه
ولما حبلت
قررر يخلص منهة بسبب زنهة فوك راسه حسب مكال وسمع بيهم ماهر جان بوكته عمره ١٠ سنين
ام ماهر وهيه تبجي
ليششش الله لا ينطيك شكول هسه للعالم الي تسألني منين هذا شلون صار ورجلج صا راله سنه مسجون
فضحتني الله ينتقم منك ردت اكتل روحي من سمعت الدكتوره ادكولي حامل ولو لا مخافه الله او او ولدي وين اتركهم ويه واحد ضالم مثلك جان كتلت روحي
عبد الله وهو كلاص البيره بأيد والجكاره بأيد وحاط رجل على رجل
هههههه تستاهلين هذا تاليته الي يمشي كلامه عليه
كتلج اطلكي منه وخلي نزوج مقبلتي اكليهة هسه

ام ماهر
ظالمم نذلللل تفو عليك لو تموت ماصيرلك مره اني احب رجلي وابو اولادي وباجر اروحله واكله كلشي سويته بينه
مكفاك الفلوس الي اخذتهن منه وخليت ولده خدام عندك انوب زوجته
اتقرب منهة ولججج انتي اشو السانج طولان هاي عليمن
ضربهة براجدي
لزمت مكان الضربه ودموعه تسيل
الله على الظالم
اني اعرف منو دواك
دواك العكربه سليمه
ماهر لما يوكف عند هذا المقطع من شريط ذاكرته
بوده يهد الكاع
عبد الله جر سلاحه الي جان على ميز الشرب وجه بدون ميرفله جفن

ماهر الطفل ركض عليه
لا عمو لا فدوه اروحلك كله ولا امي شتريد اتسوي بس لا امي
لكن رغم محاولات بتخليص امه من حكم عمه وجبروته وطغيانه
قرر العم الظالم ينفذ الحكم خلص
كانما حيوان كدامه
صاح
باسم تعال شيله الكح ٠٠٠٠واشمره بأي مكان وكللهم غسل عار

التفت للماهر الي جان متمسك بأمه ميقبل ياخذوهة
هيي انت تريد اتحصلهة ماعندي مانع ترى
شال راسه وخنزر على عمه وقبض ايده
الام وهي تلفظ انفاسه الاخيره
لا ماهر مو وكته اخوك احمد بعده صغير دير بالك عليه وابوك من يطلع كله الحقيقه الي شفته وسمعته
واذا تريد ابرد بكبري
اخذ بثاري منه ماهرررر اخذذ بثارر رري
رجع ماهر وكلمات امه بعده ترن بأذانه
كانما البارحه
شمر النفاضه والاوراق الي جانوا يمه
ويننن تروح مني لو الجهنم الحمره
ماهر وراكك

*******