البارت الثامن
الاسبوع خلص وباجر سبت كملت دراسه 3فصول من كل ما ده وهذا اخر سبوع يعني صدك بعد ماشوفه هاهي خلصت القصه اللو اللي استفاديتي شغله وحده تركتي التدخين بس غصه بكلبي توجع والله من اتذكره مثل مجنت اتذكر امي واخاف ابجي ليرزلني بابا ويفشر عليها جيت انام توني اغفه اندزت رساله عالفايبر ولاني ماحيه رقمه يطلع طلب مني اضهار فكيت عيني منو هاي دست اضهار الرساله طلع رقمه كمت راسن علكت التيبل لامب فركت عيني كلبي وجعني بس قريت كاتب
كاعده؟
وهاي دموعي جرت اريد اباوع زين مدااكدر باوعت الساعه 12ونص مكدرت ارد بس طلع عده مرأي اكيد رجع دز
موجوده اكدر احاجيج?
بقيت اباوع عالرسايل وابجي مدز شي بعد ذبيت التلفون كلبي مفور عليه بس مدااكدر ارد تعبت من كل واحد يحبني وبعدها يتركني براحته نمت بس والله مغفيت بس اتكلب عمي نيال الفقره والله العضيم بس كون عدهم بيت واهل وهاهي كعدت الصبح داومت جتني رساله قبل لااسلم الجهاز انتبهت هاي يمكن بالبيت من جنت مكنكه وصلت انكتب
اليوم عالموعد
باوعتله للجهاز قفلته ونطيتهيا للمشرفه وطبيت للصف وبقيت لحد نهايه الدوام زمن مداومت اليوم وتندمت اني هم لو ادري منداومه بس شسوي بالبيت اي اقلها حان قريت قررت ماداوم بعد كاعده بالصف وعلى اعصابي بس اطلع اروحله بس بقيت كاعده خلص الدوام وطلعت من المدرسه لمحت بنات اخته مجموعين من اباوع زين شفته واكف يمهم يحاجيهم كلبي كام يدك سريع سرعت مشيتي ونصيت وطلعت من المدرسه صعدت وي ابو غايب وطلع مباوعتله وماريد اباوعله اتمنى يختفي ماريد اتعلق باحد بعد اليريد يروح يروح ليضل رايح وراد وصلت للبيت احس روحي مريضه مخنطله يمكن لان منمت البارحه ام غايب ركضت ورايه بالشوربه واني اتوسل بيها
خاله والله ماريد
بس هالطاسه
ماريد نترت تركتني ومزلت نمت بله مااحس على روحي حسيت ب6 بابا يكعدني فزيت
بابا كومي لاغده لاشي شبيج
شوي مالي خلك
دكومي اوديج طبيب
بقيت اباوعله اريد اساله خايف عليه لو حتى متمول ماما عايفها مريضه بقيت هالسوال بكلبي وكفت عدلت شعري ونزلت تغديت وصبتلي خاله عصير برتقال شربته رجعت اصعد فوك كالت
عصرتلج فراوله خدودج صايره حلوه يوكعلج العصير
اي خاله ميخالف ابتسمتلها-- تقهرني ام غايب تدور دور الامومه ويايه بس اني ابتعد عن اي شي ممكن اتعلق بي اخاف احس نفس الوجع الجنته احسه بليل باول شهرين من تركتني ماما اضل كل ماتندك الباب اكول جتي وتطلع موهي اضل اتخيل انه بابا من حيسفرني حيسويلي مفاجاه ويشرفلي ماما ويمولي رجعنا سوه وهم ميصير الردته مجرد احلام طفله بديت اقره بالفيزيا وطبت ام غايب جايبه دولكه العصير
شكرا داده
حبيبتي بالعافيه
نزلت شربت العصير بارد ومنعش كملته وذبيت الدولكه ورجعت اقره وصلت رساله باوعت التلفون من عده اخاف افتحها وكلبي يميل اله تركته للتلفون بس كمت اقره ومااستوعب بس خل اشوفها شنو مكتوب فتحتها كاتب
انتضرتج
مرديت جريت نفس ورجعت لكتابي دز رساله ثانيه
دتقرين ؟
وراها جتي صوره فتحتها صورته مبتسم هو والكتاب لابس التراك اللي انطاني جاكيته كبال تنكه الخطب عالرحله استكان الجاي وباكيتي وجداحتي ابتسمت رجيت راسي عالتاج مال جربايه اباوع عالصوره رجع كتب
وين الصوره
مرديت وبقيت مارد ومراح ارد وماريد اررررد شمرت الجهاز واضرب براسي اطلع من خرب بيه شورطني شجابني مو جنت ولد وماريد افكر مثل البنات امدايه كمت افتر بالغرفه واريد بس اهدا جكاره اريد جكاره المن ادز ام غايب لو تموت متجيبها اطلع وي ابو غايب يكول لبابا اذا شك مالي خلكه باوعت عالحمام اخذت منشفتي وطبيت سبحت هدات اعصابي وطلعت تمددت اقره لل11بليل تعبت كلش راسي يوجعني وضهري وكل عضامي عرفت بروحي تمرضت ذبيت الملازم بالكع من الفراش تغطيت لزمتني البارده شوي وصعدت ام غايب اشرتها
خاله غطيني
اي يمه بردانه خاف مريضه
جسمي يوجعني
ليش
مااعرف
جابت غطه وغطتني ونزلت شوي وصعدت جايبه حبوب بلعتها وطفت الضوه ونمت كعدت الصبح ب9 مصحصحه بس عضامي تون عليه بقيت متسطحه بالفراش بلوعت التلفون اخر رساله كاتب
نمتي ؟
تصبحين على خير
ذبيت الجهاز كمت غسلت وبدلت غركانه بالعرك وريحتي مطيبه لبست زين باوعت لروحي بالمرايه خدودي تخبل حمر يمكن مصخنه تريكت وطلعت بالخديقه بردت رجعت طبيت مدري علشنو ادور نااعرف اخر شي صفيت كعدت اقره بالصاله والوكت مشه خابرت زمن وجتي يمي وي امها وكعدنا نقره هناك طبت ام غايب كالت
يمه اللو اني وام مصطفى حنروح للخياطه اخيط كم دشداشه وارجع هاي سويتلكم كيك وعصير هيه من يطفه الفرن الكهربائي قسميها واكلو زين
اي خاله عادي
زمن- ماما تجي وياج
اي بلي
ماماااا
ها يمه
باعي جيبيلي قلم صبوره خلص
اوهوو ذاك اليوم جبتلج 2
خلصت
شنو ترسمين تدرسين
اهوو ماريد
همستلها عدي دسته ههههه
ماريد ماما ملازم
راحو وخرطت لزمن كلشي كالت
دير بالج تتنازلين وتجاوبي شلعي كلبه
ليش رجع يراسل مو رزلني وكام ميراسل
لبسييي ها حتكوم تسوي ليش مليش لبسي بابا
اوك اليوم داومتي
اي محد اخذنا همزين مجيتي اني بعد ماداوم
اريد مدرس للعله الرياضيات
تعاي ويايه للمدرس مالتي
ها زين يعني
اي يخبل والله شرحه يطب للدماغ ركض ا
بقيت اباوعلها عكدت حاحبي شسمه
استاذ معن
ها يله سجليني وكوليله وحدها اوك
اوك ماشي
كملنا دراسه واكلنا كيك وعصير وطبو امها وخاله ام غايب راحت زمن وصعدت التلفون عالشحن فتحته راسل
ليش متردين
بقيت اباوع عالرساله شون مال اذبله قنبله هسه. ذبيت التلفون وبقيت اقره مااعرف شنو الخله واهسي بكتابي فزيت متاخره عالسادس ضليت لليل اقره مرت يومين ايس مني وكام ميرسل واني روحي تلوب مو بيدي ارجع ارسل لا مااكدر احاجي لالا ماريد اربع ايام وصار يوم الخميس مكدرت ردت اروح للدوام ابوغايب وداني ادري محد مداوم حتى لو ابقى بالمكتبه اقره طبيت كالت المشرفه ماما ليش داومتي
ست مرشحات يم صديقتي جابتها الي وحبقه بالمكتبه اقره عادي
اي عادي
طبيت للمكتبه وبديت اقره اسلاميه ابد مفاتحتها المكتبه فارغه مامو احد بيها غيري مرت ساعه ساعتين صبري نفذ السبب الرئيسي اللي جايه علموده. مدااكدر اصبر عنه بعد بس اشوفه وجهي اشوف عيونه شون تصير عدلت نفس شعري الطولان شوي والكدله الرفعته بماشه سوده قميصي دكمت الدكم وطلعت من المكتبه افترين والتفت كلهم بالصفوف وعساس داروح للحمامات مال مدرسه وافتريت عالحمامات الوراها مشيت وثكلت رجلي شجابني لهنا كلبي كام يدك سريع مشيت خطوه لخ عالحديقه سمعت صوت اغنيه بصوت ناصي هيثم يوسف
لا عيني تشوف النوم لاكلبي فرح مره بين الالم وبين اللوم حياتي صايره مره-- وكفت مديت راسي بهدوء شفته متمدد مخلي رجله عالكرسي يباوع عالنار يمه ترمز الحاي والملازم عالميز مشيت خطوه لخ بقيت واكفه اباوعله مجتف ايده ولابس بوتينه ولابس الكلو مال تراكسود شارد فمره صافن مديقره بقيت واكفه مدري شنو طكطك جوه رجلي يمكن غصن يابس غمضت عيني نصيت انلكفت التفت عاكد حاجبه
وكف بلهفه بقه يباوع جر نفس عيونه تريد تبجي تقدم خطوه ابتعدت رجع وكف نصه راسه كعدل وجر الكرسي باوعلي بقيت منصيه راسي عيونه عليه ذب الكلو وره ضهره تقدمت جتفت ايدي وكعدت عالمرسي اباوع عالنار خانكتني العبره بقه يباوعلي واني اباوع عالنار سمعت صوت الترمز انفك وصب جاي قدمه تجاهي باوعت عالاستكان وعلى ايده رفعت عيني باوعتله غرغرت عيني مكدرت بعد برطمت بقيت اباوعله
جر نفس غمض ودار وجهه اخذت الاستكان من ايده وهيثم يغني
لكل بشر عزه نفس بس لا يعز كلمه حبيبه
ابقى حارمني سكوتك كول احبك اطفي ناري وكل لهيبك
لاتخليني امام ريح طاير لاتخليني بليلك ابقى ساهر --- كملت الاغنيه وجر الفون طفاه باوعلي ميل راسه باوعت بعينه يعني حتى السكوت حلو وياه صوت النار من تطكطك الحطب بيها بقيت اباوع عالنار الهدوء يخبل وياه كام كطع ورده وتقدم خلاها على الملزمه البيدي اني منصيه راسي من وكف كدامي شفت الورده شلتها شميتها رفعت راسي باوعتله ابتسم خله ايده بجيبه جر الرحله جلاها كدامي البعد بيننا شبر بقه مميل راسه واخيرا نطق كال مبتسم
راسج بعده يوجعج
بقيت اباوع بوجهه نصيت راسي --ججج
اني اعتذر بس انتي الخليتي نفسج بهالموقف
رفعت راسي اني اشرت على روحي رفعت حاجبي هز راسه اي انتي
ليش شون بله كلتها وكعدت عدل اريد اتعارك
انتي ضعيفه الليسار
شنوو اني موضعيفه
لا ضعيفه
اني مو ضعيييييفه اشرت باصبعي
ضعيفه بدليل مدافعتي عن روحج ولا كلتي بنات اختك هنه الدخلنني
بقيت اباوع بوجهه خزرته ماريد اسوي مشاكل لاحد درت وجهي عنه
انه ماراح اكلهن تره يعني خليتيني اتخيل انج دخلتي للغرفه
انت ششايفني قاطعته. بنتره انت ششايفني هيج وحده مااستحي اخذ المفتاح من البسمار واطب لغرفتك ليش بله
هه جريت نفس مديت ايدي بجيبي حتى تخليلي هاي باوعر بعينها طلعت الورقه من جيبي
نصيت راسي اني ماسوي هيج واني مو ضعيفه لو ضعيفه جان رفعت اصبعي وسكتت
كملي جان شنو
بقيت اباوعله يباوعلي مبتسم وهيهز راسه
كملي جان شنو
جان جاوبتك البارحه همست اباوعله بخزره ضحك ورفع راسه ليفوك
ليش هيج يراد قوه حتى متردين على رسايلي
مرديت درت وجهي جر نفس بديره وجهي سكت دااحسه يباوعلي وبعدها كال
شطالعه شصايره شمسويه
مسويت شي
شنو هالكيمر
انداريت عليه نصيت راسي عيونه تخبل ذبلانه من تباوع عليه قدم روحه عليه كال
انه اعتذر
هزيت راسي اباوع عالنار
بس شوي باعيني
رفعت راسي ابتسم وجر نفس ضرب عكس عالرحله يباوع بعيني كال
انه شون بيج
عكدت حاجبي شكو
شجاي يصير بيننا
بلعت ريكي درت وجهي ارتبكت
باعيلي
نعم باوعتله امثل البرود
انه شجابني عليج
مادري بقيت اباوع بعينه لزم باكيتي وجره ورث جكاره
ماريد نترت
مو الج الي
فكيت عيني كلها حر النفس وذب الدخان باوعلي ابتسم
شني مستغربه
معبالي تدخن
ادخن وكت اليحترك دمي
وليش محترك دمك جيف اني جيت
هه نصيت راسي رجعت رفعته اليسار
نعم باوعتله
مصطفى شيصيرلج
باوعلي عاكد حاحبه جر نفس ثاني سكتت عرفت شافني جاوبت
مصطفى اخو زمن صديقتي
شون يخليج تصارخين عليه بنص الشارع
اني ميانه وياه صاح
يابههههه انتي بنيه
لتصيح عزه بعيني وكفت اباوع خاف احد اجه اباوعله كام وذب الكطف بالكع وجرني قوي هذا شبي هذا وين موديني عزه
لك ابو ذيبه
اششش اكتمي ضربت على حلكي
وصلنا للغرفه مالته طببني وسد الباب كال
احجي
شنو شبيك
مصطفى منو
يابه اخو زمن
وهيج تحاجينه بالشارع عادي ترزلي وتدكين على سيارته مثل الزلم عادي مايحاجيج ومايبهذل امورج شنو البكلبه الللج
مصطفى بابا مصطفى مجرد صداقه من جنت صغيره بقيت صافنه عليه صاح
هاااا صداقه اللهم صلي على الرسول يعني مثلنا اصدقاء وهاي ياهو التعرفتي عليه وكتيله صديق
بس بس كافي افتريت اطلع من غرفته جرني قوي وسذ الباب كال
تلحكين يابا تطلعين وبعد ماتشوفيني
بقيت اباوعله هاي شبيك همست بتوسل
انتي ولد انتي تدكين عالبنيد وتكوليله اطلع حباب
انت شفت شسوه بالبنيه علمود مرايه خبلها رادت تبحي
منيه عكدت حاحبي
عزيزه غير نترت صفنت على روحي
اكفي عزيزه شلها خص
اباوعله وجهها جمر بلعت ريك باوع
اي داباع احجي فضيها
عيني عزيزه عثرت وجلبت بالنرايه انكسره وهو رزلها واني رزلته وخلص صفكت ايد بايد جر نفس طويل. رجع شعره ليوره باوعلي
يبنت الناس انه ماجاي اكدر
شنو اباوعله راح منا واحه منا كال
هاي اخر مره نتشاوف بيها لاانا الدااكدر ولا انتي اللي مثلي انه مااتحمل هالركبه البيضه يشوفها احد ولا اتحمل تشاقين الشباب بنص الشارع ولا انه اللي اتحمل لبسج هذا وفرفرتج بالمولات انه ورطت روحي وورطتج انه بروحي مزرف اكمل هالسنه وطالع ادافع عن ولايتي شمدريني رجعت لو لاله هذا اخر كلامي وياج
بقيت صافنه علبه برطمت كمت اتنفس سريع كال
لاتبجين يابا انه العلي نصحتج وانتي ذهب اخذتي النصيحه بس اعذريني مو انه الارتبط بوحده بغداد كلها متفرجه على طولها وجمالها
ضاق نفسي شنو هالاستعجال شبسرعه بدينا وشبسع انتهينا ساكته ودموعي تجري
كال
مااستاهل انه هالدموع انه عربي وان اخذتج ماراح تكدرين تتحملين وياي طبعي صعب حييل لاتشوفيني دكتور اكمل وارجع لعيشه هلي
انت منو كلك تزوجني منو كلك اني مردت بس نصير اصحاب
بويه لااكذب عليج ولا اكذي على روحي انتي خشيتي كلبي وبس لشوفج ارجف من فوك ليحوه انه انه الواوي اللي ارجف. زلم مخويه ذياب ارجف كدامج تفهمين لو لا صحت
ليش الذيج وارجع اتركج انه دااتاثر بكل كلمه منج يابا انه مو ثوبج ولا انتي ثوبي
بقيت اباوعله مسحت دموعي هزيت راسي اوك ردت اطلع صاح
اكفي وكفت التفتت تقرب مني فتح سحاب تراكسوده ونزع شي من ركبته باوع بعيني مبتسم ولبسه بركبتي كال
هذا لا تنزعينه يحفضج ويستر عليج الخلقج
ابتعدت خطوه فتحت الباب منصيه ودموعي تجري كال
لا تهملين دروسج وخليج قويه اريد اشوفن قوتج
هزيت راسي اوك
الله يحفضج
يعني بعد ماشوفك هنا التفتت غركت عيوني رفع راسه مدمعه عينه كال
راح اترك المدرسه راجع للشقه انه
هزيت راسي ماشي احم بيباي
مودعه بالله بس اليسار
نعم التفتت مسحت دموعي
لا تتخلين عن كونج انثى
كمت اشهك شهكتين ووكفت روحي عن البحي كوه مسحت دموعي باوعتله اني قويه
الله يستر عليج
هزيت راسي وتركت المكان وتركت روحي هم رجعت اخذت الملازم والورده بقه هو بغرفته وطلعت اباوع عالبواري والحمامات والتنكه والحديقه واخر نضره عالباكيت حسيت روحي اودع كلشي وعيوني تجري دمع طلعت من المدرسه رجعت مشي شوي واتصل ابو غايب كال
اني جاي وكفت واجه اخذني ورجعت للبيت شعدي خيل ذبيته بفراشي كلت اليوم اخر يوم بي ابجي وهاهي بعد اني قويه حخلي اليوم مثل وداع حتى لدموعي وفعلا بجيت بجي لحد ما تعبت لزمت التلفون جان داز رساله
عليج الله لا تبجين بس كوني بخير ردت ادز رساله لتروح ابقى واني اكون احسن وحده متوصل رجعت دزيت متوص جل متوصل متوصل سوالي بلوك شمرت التلفون ونمت للخمسه الفحر حسيت صوت اذان براسي. باوعت مدياذن ورجع صوت اذان قوي براسي لزمت اذني سديتها قوي ورجعت فتحتها ورجع الصوت اللللله اكبر الللله اكبر كمت ابجي بحركه وصوتي انسمع شنو هالصوت اللي باذني اهدا ويرجع ينصرخ كمت ابجي وصوتي عله صعدت ام غايب وبابا اجاني فاز
ابجي واصيح
والله صوت اذان براسي ام غايب تقره وابويه يتعوذ من الشيطان ويرجع الصوت وارجع اصرخ والزم راسي ام غايب صاحت كومي صلي اذن وذان الفجر
خاله ياصلاه بخياتي منصليه مااعرف احجي وابحي
صاحت بيه كومي اني اعلمج شون الصلاه بس كومي كمت وكفت توضيت تعلمني ويصرخ باذني صوت وارجع ابجي واكعد بالكع اسد اذني شي غريب مصايرلي بحياتي ونااعرف شنوه وكل الديباوعلي صافن ومستغرب وكفت اصلي لبست الجادر وارجف كبرت كدامي ام غايب واني دموعي جرت اصلي وابجي كملنا صلاه نصيت عالسجاده كال اندعي يمه اندعي واني لزمت طرف السجاده كمت اشهك وابجي تركتني وحدي ومصدكت روحي بقيت ابحي واكول
ربي ماريدشي بس ترضى عليه ربي مسويت شي غلط وانت تدري شكد تعلق كلبي بي وشكد وجعني فركاه ربي اخذه من كلبي اني مو عبدك مو انت الكلت بالقران فانتم باعيننا ربي دخيلك. عينني دوم احس روحي وحدي وارجع اكول الله ويايه غمضت عيني برد كلبي كمت تمددت بفراشي وتغطيت والشهكه بيه راح الصوت من راسي بس سكينه كلبي مو طبيعيه. حسيت الصبح ب11 اباوع وجهي احس نفسي احلى من قبل وجهي ابببييض لبست الجادر مال ام غايب ورجعت صليت نفس مكالت وهديتها لوجه الله نزلت امشي وراها مااعرف شريد همست
خاله
ها يمه
ااريد
شتردين. كولي
اريد الله يرضى عليه
ههه ليش انتي الله مراضي عليج
تلمست شعري كالت
ماما اليسار انتي هواي مساعده ناس ومحد يدري
نصيت راسي
انتي ابد مدورتي نفسج يعني اني هيج وحده طيبه مشايفه والصار البارحه الله ادلج الهدايه
هزيت راسي اي علميني عالصلاه
من عيوني بس لبسج شون تصلين انتي وهذا لبسج
شبي
ضيق ياامي وانتي كبرانه وجسمج حلو يغري
هزيت راسي اي البس مثل زمن
اي زمن عاقله لبسي مثلها تتحجبين يعني
نصيت راسي دورت ابو ذيبه بداخلي ملكيته مو علموده الحجاب يعني هزيت راسي اي اتحجب كالت
اي واوديج ازورج كل المراقد ترتاحين هناك خوش حبيبه
اي خاله
يله تعاي نامل هسه لان انه منمت وراج ضل بالي تخبلت كلت بس لا البنيه دايسه مكان نكس بس من كلتي صوت وذان ارتاحيت
اي والله صوت وذان
لعد ها هي الله ايد الهدايه واني داشوفج اليوم هواي احسن
الحمد لله --------
يتبع
سويره علاوي
بجتني يسوره وعلي
