#صراع_سلطان
الجزء 20
عمي خليل صارلي ايام أنتظر منك جواب أعتبر نفسي سمعت جوابكم بالموافقة الليلة راح اجيب سيد واخطبها رسمي وخلي تبقى يمكم يمتى ماحبت تنور القصر تعرف كل هالشي اسوي لخاطر بنتي
هذا اللي جنت خايف منه صار شكوله هسة باوعت على رامز ابني احتاجه هالايام سندي وابني الجبير
نعتذر منك حبيبي ماعدنا بنات ألك للزواج همه اثنين هديل وماتت ومي متزوجة خو مجاي تخطب الخدامه هاي الباقية وتستاهلها اذا تريدها.
تخبلت كمت هجمت على رامز شنو تقصد متزوجه يمتى لحكتو تزوجوها اليوم راح أذبحك ياعار ليش بكيفكم
أكعد قصي كافي تهديد وحجي فاضي مي متزوجه سلطان من أيام جدها اذا عندك شي روح أوكف بوجهه وهسة اطلع برا اذا متحترمني وانت كاعد ببيتي
اذا مخليت دمكم يسيح بهالبيت وياكم سلطان الجلب فلا اني قصي
هاي تاليتها اللي خفت منه صار شفتي أخوج شلون كسر ظهري وتزوج بنت اليامور ولا يخجل رأسا جابها وخلاني على أمر الواقع شكول للناس شيخكم متزوج سكيتي أخ كلبي محروك على ابني .
يا ماما مادام هو رايدها ويحبها احنا شنريد غير راحته وسعادته ومي ماكو منها منا وبينا مو غريبة شفتي هالايام شلون فرحان دايما يضحك الله لايحرمني منج يمه ولا من سلطان
كمنو غيرج يدافعله متونسة متزوج بالسر اخوج مو ياما حامت ازفه بايدي واشوف احفادي قبل لا اموت تمنيت عمري طويل اشوفكم مرتاحين بس انتو بالعكس تردوني اموت قبل يومي
أخذت عمتي صفية للمستشفى دايما تبجي وسرحانة متغيرة لابسة أسود ممخلية مكياج منهارة جانت قوية الله يسامح ابو كمال كسرها بعد التضحيات اللي سوتها اله شفت بالطريق ام ليلي سلمت عليها انطيتها المقسوم سألت على غدير نسيتها من مشاكلي
الله يخليك ألنا شيخ قبل شهر أنطتك عمرها وصتني انطيك صندوق جبتها قبل فترة وسلمتها لست سارة الله يرحمها عانت بالايام الاخيرة ويا المرض وانت مقصرت وياها الله يجازيك ويخليك ذخر للمحتاجين والايتام
بست راسها هذا واجبي ماكو من بعد خيركم واي شي تحتاجين انتي والبنات ميردج الا لسانج بابي مفتوح الكم دايما صار عندي فضول شنو بي هالصندوق وسارة شلون نست تنطيني ياه ابد متسويها
مراح اخليهم يعيشون براحة كل اللي سويته يروح بلاش مستحيل اخلي سلطان يغلبني راح أحرك كلبه أنطيت الطفلة لأمي تربيها ماعندي خلك أقابل وأربي بنت منصور
بعد ماراحت مي وخطتي فشلت
بابا أني لازم أرجع لتركيا راوية مو راضية تجي تعيش بالجزيرة خايفة على جهالنا وبنفس الوقت ماكدر أخليك وحدك أمي بالمستشفى لاحول ولا قوة عايشة على الاجهزة تعال ويايه
