Tambok ko, Ngano?

PART 1

"Maaa? Haman akong baon? Mo adto nako!" mura kog buang dires kalsada gasinggit-singgit sa akong inahan nga nowhere to be found.

"Hoy Telang! Ayg singgit-singgit diha kayg makamata gali na imong silingan dihaa nga mubuga ug kayo, ayy letchon jyud ka," singgit sa akong ate nga bahog ilok. Haha joke ra.

"Aha man diay si Mama te? Hapit na ko malate, wa pa ko gitagaag baon!"

Bahala pog mo skwela way baon.

"Hoy bogo! Imong baon tuas ibabaw sa Ref. Giingnan baya kang mama gaina! Mao na kay daghan nama'y borders sa imong dunggan! Pangkuhaa na nang uban dihaa para di sad ka mabungol!"

Gibahak! Gaina ra siya nakakita na gasinggit-singgit ko dire wa jyud ko niya gi ingnan!

"Gaina rako ga singgit-singgit dire wa jyud ko nimo giingnan? Maayoha ni sa!" reklamo nako.

"Ay so sala pa nako?" gitudlo pa niya iyang kaugalingon.

"Ha? Unsay sala? Hastang salaa!" panugsog nako.

"Hilom Telang! Adto na didto. Sige pa man kag mama!"

Gisipatan ra nako siyag pina side view ug ming sulod nakos balay para kuhaon ang kwarta sa ibabaw sa ref. Pagkakita nakos  kwarta, nalipay ko kay ning increase ang baon nako. From 15 pesos to 20  pesos! Wohoooo! Gipaminaw jyud ni mama akong proposal about inflation rate hehe.

Walking distance ra ang balay paingon sa eskwelahan mao ng sakto rasab ang kwarta nga ginahatag ni mama nga baon sa ako.

Pag-abot nakos skwelahan, mailhan jyud nimo ang mga estudyante nga excited. Dili para makabalo sa mga lessons, pero para magpa-ibog sa ilang mga bag-ong mga gamit. Char-char mga bataa.

"Tefanieeee!" nakalingi kos akong likod kay naay mi tawag saako.

"Angeeeel!"

Hala uy! Akong best friend ning samot ug ka-gwapa tas ako ning samot ka yagit! Thug Life!

Pero proud jyud ko ani akong bespar ba. Bisan gwapa, puti, Sexy ug Bright siya, down to core, mantle, og crust gihapon.

"Tefanie I miss you!" iya dayun kong gigakos.

"Say miss ba nga gakita man ta gahapon?"

"Haha magbuot diay ka nako?"

"Haha di gali. Hoy section A gihapon ka Gel?"