Hinahanap ang sarili
Sa mapanghusgang marami
Walang gustong umintindi
Sa depresyong tumitindi
Sarili'y kinulong
Sa matang mga naka bantay
Mga bibig na bulong ng bulong
Tsismis sa lipunan bakit di mamatay
Kamatayan daw ang solusyon
Sa repleksyon ng depresyon
Walang nagbigay atensyon
Itinakda sa sarili ang limitasyon
May mga hindi bumitiw
Ngunit nawala sa sarili't nabaliw
Depresyon ginawang pang aliw
Tila mga gagambang walang agiw
Merong mga nakaahon
Sa depresyon ng malalim na balon
Malalakas ang loob, para magpatuloy sa panahon
Tinalo ang depresyon na minsan naghamon
-1/30/18-
-John Christian S. Paz
