MRHS Batch ’82, welcome sa lahat ng dumalo
Salamat at tayo’y muling nagpanagpo;
dalawampu’t siyam na taon ang tumakbo
ano na’ng nangyari sa aki’t sa iyo?
Maraming nagbago sa ating hitsura
sukat ng katawan, tangkad at pigura;
kayraming payat ang nangagsitabaan
ilan ding matataba ang nagpayatan.
Yaong dati’y mga maliliit lamang
ngayo’y ilang pulgada, kanilang lamang;
di ko akalaing sila’y magkaganyan
ilang star margarine ang nilantakan?
Buhok nating kulot, rebonded na ngayon
Tambak na uban, kinulayan ng salon;
Gusot na mukha at maraming peleges,
sa salon kayang-kaya, wala nang talkies.
Sa dumaraming myembro ng ARABU(HOK)
maraming solusyon, so don’t have a sad look;
andyan ang aloe vera, wig at hair implant
at ang bullcap kung di na ubra ang lahat!
Mabuti na lang at tayo’y nasa era
ng mga makabagong teknolohiya;
kung saan, halos lahat ay may paraan
salamat kay Doc at sa magic of science!
Napansin nyo rin ba tayo’y matanda na?
marami sa atin ang lolo’t lola na;
may mga apo nang inaalagaan
nagbibigay sa atin ng kasiyahan.
Meron pa rin sa ating mga iilan
status na single pinangatawanan!
at marami pa ring matibay ang marriage
nguni’t iba’y nais, may ka-double naman!
Marami na rin diyan ang balik single
mag-isang binubuhay kanilang angel;
Meron namang iba na di maiwasan
status complicated, puno ng kaguluhan!
Wala pa bang masakit sa inyong body?
nirarayumang ugat nanggagalaiti;
nanginginig na rin pasmado mong kamay
gulay na munggo iyo na ring kaaway.
Gaano na kataas ang iyong presyon?
Iwasan mga bagay na nakakatensyon;
kinakapos na ba ang iyong hininga?
pintig ng iyong pulso, mahina na ba?
musta na ang cholesterol at blood sugar?
dapat na tayong mag-diet at exercise;
hindi na rin pwede tayo’y mag-extra rice
bawal na rin sobrang yosi at San Mig lights!
Siguradong lahat tayo ay eksayted
sa pagdalo sa pagtitipon na ito;
Muli nating makakasalamuha
dati nating kaklase, friendship at crush pa!
Lalo syang gumanda, tumaba nang konti
Gumwapo siya, tumangkad, noo’y lumapad!
Kakabakaba ka ba? , lalapit ka ba?
Papansinin ka kaya ng dating jowa?
Magkahalong kilig, may nerbyos at saya
after long 29 years, we are face to face
to each other na talaga namang namiss
so do not waste the time, mingle with everyone!
