جنون الصحافه

مقدمه

لما الانسان بيبقي بيحب شيء اوي ممكن يتحول الحب ده لجنون ويعمل اي شيء ف سبيله
زي بطلتنا المجنونه
جنون الصحافه
الحلقه الاولي
في مكتب المقدم فارس
يجلس المقدم فيجد دوشه ف الخارج
فارس:يافتاح ياعليم يارزاق ياكريم ع الصبح ايه الدوشه دي ونادي ع الامين الواقف بره
فارس:ياامين ايه الظيطه اللي عندك دي
فيجد من تدخل عنوه مع الامين فتاه لايبدو لها ملامح من الكاب الذي ترتديه فوق رايها و يداري نصف وجهها وتي شيرت وجينز ومعها مصور
بيري او بيريهان تعمل صحفيه باسم مستعار للتخفي واسمها المستعار هدي ومعها حسن المصور
هدي:معاك الصحفيه هدي ياباشا ودا حسن المصور
صور الباشا صورتين حلوين ياابو علي
فارس:ايه اللي صور وماتصورش هي وكاله من غير بواب ازاي تخشي كده امشو اطلعو بره
هدي:ياباشا بس كلمتين بساط نفسي اعمل سبق صحفي
فارس:يلا يا انسه بالسلامه وخدي الاخ ده معاكي
................
خرجت بيري من عنده اتفو انسان رخم وغتت
حسن:انتي جايه مع اغتت شخصيه ف الداخليه وتكلميه
بيري :فين ايام الظابط حسام مايتعوضش والله
حسن:هو في زيه دا كان ناقص يقعدنا علي حجره
بيري:كلهم صنف واحد هو عشان كان محتاجنا ف قضيته انت مش فاكر لولايا ماكنتش خلصت
حسن :مش هترجعي الجريده
بيري:لا اتكل علي الله انت وانا مجرشه هنا حبتين.
.................
وجلست بيري تفكر ماذا تفعل لتتحدث معه
فوجدت طريقه وانتظرت حتي ينهي عمله ويخرج
خرج فارس لسيارته فوجد فردتين كاوتش ع الارض
فارس :يانهااار مش باينله ملامح ايه الارف ده ع المسا بقي
فاتت بيري لا حول ولا قوه الا بالله ولاد الحرام ماخلوش لولاد الحلال حاجه معلش ياباشا تلاقي شويه عيال منهم لله بقي اتفضل وانا واوصلك ف سكتي
فارس:انتي توصليني وانتي عندك عربيه اصلا دا انتي كبيرك عجله
بيري:ليه بس كده ياباشا الغلط
يوضع سره ف اضعف خلقه
فارس:شكرا ياسيتي هاخد تاكس
بيري:ودا هتلاقيه فين ف الزحمه دي تعالي تعالي مش هشربك حاجه اصفره
فارس:ههههههه انتي الي هتشربيني هو الحال اتشقلب
بيري اتفضل اتفضل ماتكسفش زي عربيتك واكتر
فارس :ايه دي عربيتك
بيري:اه عربيتي
فارس:انتي اكيد سرقاها
بيري:سرقاها وجايه لحد االقسم بنفسي ببلغ عن نفسي مثلا والله بتاعتي
فارس:هي الصحافه بتكسب اوي كده
لو كده استقيل وتشوفيلي شغله معاكي
بيري :تعالي وبكره تفهم
وركب فارس معها وحاولت ان تاخذ منه اي معلومه ولكنه لم يبح باي شيء
ووصلو الي فيلته
بيري:ايه ده دا احنا جيران اانا فيلتنا علي اول الشارع
فارس :نعم بلاش فشر بقي دي فيلا اللواء حمدي
بيري:برافو هي دي
فارس:انتي والدتك بتشتغل عندهم
بيري:يادي الغلط هو في ايه يا باشمهندس
فارس:باشمهندس
بيري:اعملك ايه بس انا بنت اللواء حمدي استريحت اديني كشفتلك عن شخصيتي مع ان ماحدش يعرف لاني بشتغل متخفيه باسم تاني
فارس: وسياده اللواء سايبك ازاي كده
بيري:ايه سايبني كده ماشيه احضن وابوس ف الناس ولا بقطع ف هدمي واشد ف شعري
فارس:ماقصدش بس لغتك مش بنت لوا خالص
بيري :لا دي قصه طويله
فارس:طب معلش الفضول هيقتلني انا اسمع ان له بنت مدارس اجنبي واكادميه
بيري:ماهو انا بس دخلت صحافه واعلام بعدها لاني مجنونه بالصحافه وممكن اعمل اي شيء وطبعا داد عمره ماهيوافق ع اللي بعمله والخطر اللي بتعرض له فماحدش يعرف خالص غير صاحب الجريده دا صاحب داد وانا وصيته مايقولش لحد عشان كده انا بكتب باسم هدي بنت غلبانه
بس اوعي تشكني مهموز عند سياده اللوا ولا تهلفط معاه بالكلام
فارس :لا بعد مهموز وتهلفط دي لايمكن اصدقك
بيري:يادي النصيبه هفهمك وعد الجمايل بقي حسابك تقل
فارس :معلش اصلي غبي وفهمي علي ادي قولي ياام العريف
بيري:انت فاكر قضيه الست اللي بتاجر ف الاعضاء البشريه القضيه الكبيره دي اللي عملت ضجه
فارس:اه اللي كان حساام ماسكها
بيري:بالظبط كده مش كانو زارعين صحفيه ف وسطيهم ويعتبر هي اللي فنيشت القضيه
فارس:اه كان حسام ساعات بيستشيرني فيها القضيه دي
بيري:اهو انا بقي الي قعدت شهرين وسطيهم
عاوز واحده مصاحبه عطيات نفخو وسوكه وطماطم بانجو تبقي لغتها ايه دا نسوني الانجلش والفرينش الي بكلمه بس طبعا الكلام ده بينا ماحدش يعرفه ولا حد عندي يعرفه
دا انا سا عات اغلط بكلمه قدام مامي تقولي انتي بتاخدي كورسات ف لغه جديده اقولها اه عبري وايراني
فارس:وازاي قعدتي شهرين ولا حد حس بغيابك
داد ف الطبيعي مشغول مابشوفوش ومامي نادي وحفلات فقلتلها هسافر شارم مع اصحابي اقضي الصيف وكنت بتصل بيها من اكشاك واقولها موبايلي فصل شحن او كنت بره ونسيته
وعدت
المهم ماتجيب امك وتيجو
فارس :امك
بيري :ااقصد طنط ااصل انهارده عندنا حفله عيد جواز مام وداد ابقي تعالي مع طنط ونكمل كلامنا
فارس:انا كده اكتفيت كلام من مقابله واحده دا انتي جبتيلي كالو ف نفوخي ويخرج ويرزع الباب ايه البت دي
بيري:مستنيااااك