مكتوبتلك

الحلقة الاولى

الـحلـقة #الـأولـى1⃣

.
.
.
#مـكـتـوبـتـلـگ❤
.
.
.

.
.
.
أولاً نعرف بِأَصحاب الرواية🤗
.
.
أنا #شـمـس مواليد 95 نقرا صيدلة😍 مواصفاتي شعري طويل👧🏻 طولي متوسط امممم عندي غمازات😊💕 راس بنت مع 4اولاد😪🤕والباقي تو تعرفوه😉🤗
.
.
.
ماما مرام 😍وبابا فوزي😍 وخوتي محمد😍و تيم😒و يوسف😗 و حازم😘
.
.
.
انا..ماما مامااا مااامااااااا
يوسف..خيرك تعيطي سكريه فمك
انا..نسيت المنشف انتاعي فوق سرير احدفهولي😊
يوسف..هاك😑ياحصلة
انا..شكرا اوسيفة😊 كملت دوش طلعت لبست ونزلت لقيتهم مقعمزين يفطرو
ماما..خيرك تنادي بكري؟
انا..ماما هدا وين خطرلك تسئلي😮
ماما..نسيتك😁
انا..لا شي سلامتك
تيم..نوضي ترا يا شمس جيبيلي تلفوني من داري
انا..نعممم😞
تيم..نوضي توا
انا..تي خليني نفطر انت فطرت
تيم..نوضي قتلك☺
انا..هففففف😒مبردك ديما واني حاصلة فيك امتى بنفتك منك مش عارفة حاصل في رقبتي لا يبي ينزل لا يركب😩
تيم..نسمععععع فييييككك😎
جبتله فونه وقعمزت نفطر
يوسف..امي تعالي نبيك في موضوع
اني..نبي نعرف☺ حتى اني
يوسف..تو تعرفي💛
ماما..ها نعم
يوسف..تبي الحق يا يما في بنية نكلم فيها
ماما..باااه
يوسف..واني ماكنتش ناوي نخطب توا لكن اماليها عرفو بالموضوع و
ماما..شن دارولها غبارتك السودة😲
يوسف..ضربها خوها رقدها في المستشفى من اسبوع توا هيا في الحوش
ماما..وكيف عرفت انت
يوسف..كلمتني اختها وقتلي ع كل شي وقتلي يا تلحق يا اما البنت اعتبرها انخطبت ومشت منك
ماما..تبي نمشو اليوم اني واختك نمشو حتى توا😨
يوسف..اي لكن العشية وادعيلي اني بنمشي نكلم بوها وان شاءالله خير 😟
ماما..ربي ينورلك طريقك وتاخد الي تبيها ومايحرقلك قلبك يارب🤗 وتجينا العشية نكونو واتيين سلم وليدي باهي😘
يوسف..اااه باهي تمام
.
.
.
.
طلع يوسف ومشي درس قدام حوش حبيبته💕
طق ع الباب مرتين وانفتح الباب وكان راجل كبير في العمر👴
أحمد..تفضل ولدي!!
يوسف معاش عرف يتكلم
احمد..نكلم فيك تفضل من تبي عامر!!
يوسف..اااه اسف اه لا نبيك انت ياعمي
احمد..تفضل باه مانعرفكش اني
يوسف..تبي الحق نبيك في موضوع
احمد..باه تفضل خش هي
يوسف..زيد فضلك😓
قعمزو احمد ويوسف مع بعض
يوسف..اني ياعمي ماعرفتش كيف نوصل فيك وتبي الحق جايك من الباب نبي بنتك ع سنة الله ورسوله
احمد..😳
يوسف..بنتك نشوف فيها ديما ومشاءالله عليها ترباية واخلاق وكل من نسئله يشكرهالي واني توا مبدئياً هكي مالقيتش كيف نوصل في رقمك ونبي نقوللكم ان اماليا العشية جايين
احمد..تفضلو مرحبتين
يوسف..زيد فضلك😍
احمد..عيلة منو انت وشن اسمك وشن اسم بوك ووين تسكن وشن تخدم وعندك حوش او لا؟
يوسف..اني يوسف فوزي الـ... نسكن في الـ.... مش بعيد عليكم ونخدم في التجارة فاتح معرض سيارات والحوش قاعد كيف بادي نبني يعني مزال نبي وقت والحمد لله اموري متيسرة😊
احمد..تاجر شنو!!
يوسف..سيارات نبيع ونشري ونجيب في سيارات من برا وماشية الامور الحمد لله
احمد..شن شهادتك
يوسف..شهادتي مهندس ديكور لكن زي ما تعرف نقرو ونتعبو وناخدو الشهادة وفي النهاية نخدمو حاجة خارجة عن شهادتنا😂
احمد..اي والله صدقت فيها ياولدي بوك حي ؟
يوسف..ايه الحمد لله مسافر هو كنهدا جي معاي😊
احمد..ان شاءالله خير ياولدي ويتفضلو اهلك العويلة قاعدين
يوسف..ان شاءالله😊هي السلام عليكم ياعمي
احمد..وعليكم السلام ياولدي
طلع يوسف وهو فرحان😍 ومباش يقول ان هو نفسه الي يكلم فيها باش ماتصيرش مشاكل ومرات مايعطوهالاش💔
.
.
.
احمد..يا هدى تعالي
هدى..نعم يا حاج منو الي كان عندك؟
احمد..بعدين العشية جايينكم عويلة بيخطبو اميرة
أميرة..💔
هدى..أميرة!!
احمد..ايه أميرة وبنعطيها راه الولد مشاءالله عليه كامل مكمل ومزال نسأل عليه بسسس لو شكروهولي الناس حنتم الموضوع☝🏻
أميرة..بس بابا😔
أحمد..ماتتكلميش معاي😏
هدى..😦
احمد..في حاجة ناقصة؟
هدى..ااا لالا كله عندنا نبو حلويات بسس
احمد..تو نكلم وليد يجيب
أماني..نوضي دوشي واستشوري شعرك
أميرة..فوتيني🙄
أماني..نوضي والله تاخدي طريحة تانية منهم نوضي سلم وخيتي هيا بالله عليك
أميرة..مانبيشي اني نبي يوسف😭
أماني..اسكتي فيش حد يعرف اسمه مش ناقصنا
أميرة ناضت دوشت ودارت شعرها ولبست قفطان قصير وكل ماتحط حاجة ع وجهها تغسله وتقعد تبكي
أماني..هييي الناس لوطة وانتِ قاعدة مادرتيش وجهك
أميرة..مانبيش🖤
أماني..غر هيا سلم وخيتي الله غالب عندكش فيه نصيب💔
أميرة..لالالا يوسف ليا واني ليه والله ماواخدني واحد غيره😭
أماني..باهي هي نوضي مرات تعجبيهمش🤣
أميرة..يارب
دارت وجهها شوية لمسات😍 وبخت من بارفانها ولبست الكعب ونزلت خدت القهوة وطلعتهالهم
أميرة..السلام عليكم🙂
ماما..وعليكم السلام😊اهلا بعروستنا😍
اني..😍مشاءالله تبارك الرحمن
أميرة..تفضلي☺
ماما..زيد فضلك❤
اني..شكرا😍
ماما..تعالي قعمزي جنبي
أميرة شبحت لأمها وامها فنصت فيها جت قعمزت جنبها
ماما..مشاءالله تبارك الرحمن كم مواليدك؟
أميرة..95🙄
ماما..مشاءالله
هدى..كم مواليده؟
ماما..89
هدى..باهي مشاءالله😊
ماما..اسمه يوسف وغمزتلها 😉
أميرة..😨
ماما..احني من عيلة الـ...😉
أميرة..😍💖
ماما..😊
هدى..ايه قالي الحاج ان شاءالله ع خير يارب🤗
ماما..ان شاءالله واحني عجبتنا البنوتة ربي يحفظها تبارك الرحمن عليها
اميرة تحشمت وناضت تجري للمطبخ وسكرت الباب وراها وحطت يدها ع قلبها
أماني..خيرك بسم الله😲
أميرة تغمرت اختها..😍😍نحبببه
أماني..من هوااا😦😳
أميرة..يوسف يا اموني يوسف اماليه الي داخل😍😍
أماني..قولي والله😍
أميرة..وحق ربي هي باهي مش مصدقة اني مش مصددقة😍😍😍
صبتلها اميا..خودي اميا سلم وخيتي😂😍
أميرة..والله ما مصدقة
أماني لكن ديري روحك ماتعرفي شي وديري زي ماقلتي ماتبيشي وجو الحزن 😉
أميرة..تم بس كيف قبلو بيه
أماني..شن قالولك مقعمزة في عقلهم اني اشبح شن دار😂
روحو امالي يوسف وهما مرتاحين وجوهم مليح
ماما..جمالها تبارك الرحمن حتى يناري تحسها ضاعفة وعيونها محلقات من البكي وخاشتلنا بالسيف لكن لما قتلها ع اسمك ولقب طول تغير لونها وفرحت وضحكت وزادت قنانة😍😍 هدي الكنة الي نحلم بيها اني😊
اني..تعرف أميرة هدي سحرت امي😂
يوسف مبتسم وخلاص😊
احمد..شن رايك؟
هدى..حتى اماليه مشاءالله عجبوني وحتى بنتهم عجبتني عاقلة وهما شكلهم ناس ناس 😍
احمد..سئلت عليه بكري الولد مافيش حد دمه وبنزيد غدوا وردي عليهم انتِ
هدى..ان شاءالله
احمد..مادارت شي هيا؟
هدى..لالا خايفة ماقدرتش ادير شي
احمد..باه مليح بكل😊هي طفي الضي بنرقد
ورقدو وكل واحد فرحان😍
.
.
.
.
اني نضت الصبح لبست ع السريع وطلعت ركبت سيارتي..ااه ياربي سخرلي الحال يارب هيا اخر سنة يارب نطلع منها بإمتياز😌
طلعت خطمت ع كافي خديت بريوش وعصير وركبت فطرت في السيارة وانطلقت للجامعة💕
.
.
.
.
وهكي الايام تمشي لا جديد يذكر ولا قديم يعاد💜
.
.
.
.
في يوم مروحة من جامعة وكان يوم نو ومش قادرة نتحمل روحي جيت لقيت واحد مدرس وراي
اني..ياوالله عليك حالة توا ناقصاته اني هدا!!🤕
جيت شفت لقيت مقعمز في السيارة مستمخ وجوه فوق الريح طقيت عليه المرش
اني..افتح
فتحلي المرش
اني..خوي مدرس وراي نبي نطلع لو سمحت حول☺
هو..اصبريلك دقيقة بس وطالع اني
اني..تو وقتك هوا ماااهو هيا حول نبي نطلع
هو..تو نحول باهي هدي اعصابك بس
جيت ركبت السيارة وولعت االمكيف..ياااارب صبرني خير ماندير جريمة😣في هالنو
طلعت اني بالسيارة وروحت
ماما..جيتي وجابك ربي
اني..شنو في
ماما..نبيك ترفعيني لي خالتك مريضة
اني..ماما توا!!
ماما..ايه هي اطلعي
اني..خلي نقول لبابا
ماما..قتله اني هيا
اني..باه تمام
طلعت وصلت ماما لحوش خالتي
ماما..روحي ديريلهم غدي مادرتش😊
اني..باه تو ناخد حاجة من برا
واني مروحة خطمت ع مطعم جت النية في سكالوب😍 خشيت طلبت لي بابا وخوتي وخديت اني كليته في المطعم
اني..ااه الحمد لله😍 توا هكي نقدر نسوق زين
ركبت السيارة واني بنطلع ماعرفتس كيف نطلع قدامي سيارة ووراي سيارة نزلت شفت لقيتها نفس السيارة انتع الصبح لكن مافيها حد
اني..ووووه عليا ووه😫شن الهم هدا قعدت نستنى شي شي ماطلع حد بيبت مافيش حد طلعت نزلت للمطعم وقعدت نسئل من سيارته  BMW 🚘 حمراء
كان في واحد مغطي وجهه بالمجلة قعدت نشوفله قربتله عرفته هوا والله هوا
اني..لو سمحت شن الي تبيه مني😒
هو..ولا شي
اني..باه لو تتكرم تنوض تحول سيارتك لاني مستعجلة بنطلع
هو..خيرك لاحقتيني وين مانمشي☺
اني..هيييي طلعت اني الي نلحق فيك؟؟ علاش ماتكونش انت الي تلحق فيا🙂 !!؟
هو..اني جاي للمطعم وبناكل يعني شن الموضوع ؟؟
اني..واني حاية بناكل امالا جاية نراقب فيك!! في حاجة هيا احسن من الماكلة؟؟ تي هي نوض حول سيارتك ياوخيي بالله عليك والله ماوقتك
هو..الصبر
طلع وركب سيارته حولها
وطلعت اني مشيت للحوش خشيت حطيتلهم من السكالوب تغدوه واني ركبت رقدت من النو والشمس💔
.
.
بابا..امتى البيان؟؟
يوسف..الخميس الجاي قالت امي
بابا..باه كويس ربي يتمم على خير
يوسف تحشم خدي ساندويتشه ومشي بيه لي الدار
بابا..وانت يا c محمد مش ناوي ؟؟🙂
محمد..اني هكي مرتاح
بابا..بنقول لأمك بعد ما اتم دوشة خوك هدي تمشي تخطبلك بنت عمك نادرة مشاءالله عليها😊
محمد..لالالالا
بابا..اختار يا بننت عمك يا اما ادورلك بنت !!
محمد..قولها ادورلي مانبيش من العيلة اني😏
بابا..باه على راحتك المهم عرسك انت وخوك مع بعض
محمد..باه
بابا..وانت يا حازم حوشك مزال ماكملش كأنه عطل؟
حازم..لالا مزال الزواق من داخل ومن برا والاتات😊
بابا..وهي شنو كملت قرايتها اوو!!
حازم..ادير في مشروعها توا
بابا..باه باه كل شي بتسخير الله
حازم..ان شاءالله خير الحمد لله هي ماتبي شي بوي؟
بابا..وين تيم؟
حازم..متغدي برا
بابا..باه سلامتك ..ياشمسسس يا شمممس
شمس كانت راقدة
ركب خش لدارها لقاها راقدة وفاتحة المكيف ومش متغطية
بابا..شمس شمس بنتي خيرك سخونة يا شمس نوضي بابا المكيف والع وراقدة هكي؟؟ هبلتي؟
اني..صقعاانة يا بابا🤕
بابا..غر نوضي نوضي تعالي هي نخششك للدوش
خششني بابا للدوش وفتح عليا الميا مصققعة باش نبرد طلعلي حوايجي وعطاني المنشف وطلع لبست وخشيت طول لفراشي
خش بابا سكر المكيف وعطاني بنادول ودارلي كمادات ع راسي وقعد جنبي لين نزلت حرارتي🤒
طلع مشي يروح بماما روحو وخشو عليا لقوني راقدة مستني ماما لقتني باردة
ماما..باهي نازلة حرارتها
بابا..ايه الحمد لله😌كيف حالها اختك؟
ماما..الحمد لله اليوم خير من الايام الي فاتو
بابا..باه الحمد لله هي اطلعي خليها ترتاح
ماما..تبي نديرلك عشي؟
بابا..ياريت
ماما..باه هي خلي نبدل ونطيب❤
.
.
.
.
.
.
.
هوا..بس بس
اني..لاحول ولا قوة الا بالله شن الهم هوا لاحقني لاصق فيا😣
هوا..كيف حالك اليوم قالو مرضتي😄
اني..بسم الله اللطف منين عرفت انت
هوا..العصفورة قالتلي😎
اني..ومن هيا العصفورة هدي
هوا..مش ضروري
اني..كويس☺
هوا..ايه هي تشاو
اني..شن العبيط الي حصلت فيه هدا اني مثقل دمه يتلصق تلصيق
هوا..سمعتك ونبيش نرد عليك😋
اني..ووووووك ياربي صبررني
قمر..خيرك😳شن فييي
اني..اااخ درهت كبدي عييت يابنت عمي نو وضي يهرب وغم وزيدي عليها هدا شطان الرجيم يتلصق فيا ناقصني اني من يتلصق في هالنو😡
قمر..😂😂غر بالشوية عليك قعمزي تعالي وهدي روحك
قعمزنا اني وقمر وهدتني وقعدنا نقرو ونراجعو في اسئلة وحجات وجي وقت الامتحان خشينا امتحنا وطلعنا فرحانين لاننا جاوبنا😍😍
اني..اول مرة في حياته تجي منه حاجة باهية😂
قمر..تعرفي لين دخت منها الاسئلة نحل ونقول زعما ساهلة والا اني انخدعت😂
اني..الحمد لله افتكينا هي نوضي روحي معاي بتقعدي تستني في النو
قمر..خلي نتصل بيهم
اني..هي نستنى فيك في السيارة
قمر..ايوا خليل اسمع بنروح مع شمس بعدين مع المغرب تعالالي عندهم باهي؟
خليل..باهي فكيتيني من المشوار
قمر..قول لي ماما
خليل..باهي هي ماشي
قمر..سلامات😍
جت ركبت قمر معاي
شمس..شن صار
قمر..قالي خليل باهي بري
شمس..باه مليح
روحنا للحوش
ماما..اهلا اهلا قمر عندنا😍
اني..اي قتلها تروح معاي
ماما..زين مادرتي
قمر..كيف حالك مرت عمو
ماما..الحمد لله بخير يابنتي وانتِ كيف حالك وكيف حال امك وبوك وخوتك
قمر..الحمد لله بخيرر🤗
ماما..باهي الحمد لله
اني..بنركب نغير حوايجي ماما تو نجي
ماما..قمر بلكي تبي تغيري حوايجك بري مع شمس البسي منها حتى ترتاحي 😊
قمر..لالا عادي
ماما..غر بري بري خودي منها بجامة ارتاحو فوق ووقت يطيب الغدي تو اناديكم
قمر..حاضر
ناضت قمر ركبتلي
اني..ااااه ياربي تعبااانة😩
قمر..احرف منك😦حتى النوم مارقدتاشي واني نقرا
اني..ايه الحمد لله هاك خودي توتة بدلي حوايجك نو حتى ترتاحي
قمر..صحيتي😍
غيرت قمر واني غيرت وقعمزنا في المكيف😍نهدرزو ونضحكو لين رقدنا
.
.
.
بابا..فوق هيا؟
ماما..اي اكيد راقدين
بابا..باهي اني نبيها قمر لي محمد ضروري هكي ماديرو حاجة باش يقول نبيها مانبيش بنت خوي تمشي للغريب لانها مشاءالله عليها وطالعة عليه😎
ماما..حتى اني مانبيش نفلتها😎
ماما..محمدد
محمد..نعم يمي
ماما..بالله سلم وليدي اركب لي اختك فوق نوضها تنزل تتغدا😎
محمد..تو انادي عليها ماعندي جهد
بابا..اركبلها ماتقعدش تصيح🙄
محمد..باهي
ركب محمد طق طق ع الباب مارد حد
كنت اني في الحمام ندوش وقمر راقدة
محمد..شمسس يا شمسس نوضي
..
محمد..اووف ثقيلة النوم هدي
فتح محمد الباب وخش
محمد..شمسس نوضي يابنت خير امك هكي😬
قمر فتحت عيونها وتلفتت وشبحاته قدامها
محمد..😳قمممر
قمر..ءءء محممد
تلفت محمد..سامحيني ءء ماكنتش نندري عليك اهني😵
قمر ناضت قعمزت قعدت تحك في عيونها ومش مصدقاته قدامها..تو انت باش مسافر!!
محمد..ليا اسبوع مروح😞طبعا هه مش هامك انتِ
قمر..محمد انت ظالمني والي في راسك كله خرافات ومافيش شي من الي سمعته
محمد..انتِ شن جابك اهني اصلا؟؟
قمر..جيت اني وشمس روحنا من جامعة مع بعض
محمد..تنوضي توا نتغدو وتتصلي بي اماليك تروحي فاهمة مانبيش نشوف وجهك اهني👈🏻
اني نسمع فيه ومصدومة وكنت واقفة وراه..محممد شن الكلام هدا😡
محمد..😳
قمر..😭😭شمس وين فوني نبي نروح توا روحي بيا والا نتصل بي خوي
محمد..مدابيك توا تروحي😒
اني سكرت الباب بالمفتاح..توا تحكولي شن في بينكم ليا فترة ملاحظتكم تي كنتو ماتقعدوش من غير بعض شن صار بينكم شن في؟؟؟ احكووو
محمد قعمز ع الكرسي ويهز في رجله.. خليها هيا تحكيلك😞
اني..قمر شن في احكولي
قمر تبكي وخلاص
اني جيت عطيتها اميا وهديتها..هي احكي
قمر..يوم بيان هنادي
اني..ايه
قمر..الطباخة قتلي زيديني 4حكاك طماطم شوية مشيت طلعت للجنان خشيت لي دار الخزين وكانت الامبة محروقة فاتحو فلاش فوني وندور فيه خديت 4حكاك طماطم وحطيتهم في شكارة واني بنتلفت نطلع حسيت بحد وراي جمدت في مكاني تلفتت لقيته ولد خالتي😢
محمد..بنطلع اني كمليلها بروحك😠
اني..محمد قعمز واسمع الحق قمر ماتكدبش اني نعرفها
قعمز محمد في مكانه وحط راسه بين يديه ويهز في رجله
قمر..قتله
.
.
قمر..اااه احمد شن تبي ؟؟
احمد..نبيك انتِ
قمر..احمد شن تخرف حول خلي بنطلع
احمد..لا مافيش طلوع
قمر..حول والله انلم عليك الناس توا
احمد..مش حايسمعك حد
قمر..حول بالله عليك نبي نطلع 😭
احمد..مانيش محول اني نحبك ونبيك
قمر..واني لا
احمد..اي انت تبي هداكا وله تبيه وله تبي ولد عمك وله
وقربها ليه
قمر..حول حول اطلقني ياحيوان حووول
وقعدت تضرب فيه
احمد..مش طالقك لين تقولي موافقة عليا
قمر..موافقة ع قهرتك خليني حووووول
احمد..طالعة تهبلي
قمر..😭يانااااااس تعالووووليييي 😭😭حووووووول
احمد.. #يتبع
.
.
ان شاءالله تكون نالت اعجابكم يااااااااااارب هي تفاااااعل نااااااار نبيه🔥 وتوقعو شن صار مع قمرر🌩 هيااااا😍😍
~
~منقوول
~
لـلـكـاتـبـة #حـنـو🌷