اليسار- بعد مسمعت كلام ساره وزمن قسى كلبي ودموعي نشفت يعني هذا الحان رابطنا عسه ساعدتيني وساعدتج صفه الحساب ماشي ماشي الله كريم العطله بدت سافرنا لايران جانت شي اشبه بالخيال بس مو احلى من بلادي شهر ورجعنا وشهر وشهر واني كاضيتها صفنات يوم احن ويوم اقسى ويوم اشم بالفلوس واحاجيها اكولها نيالج لزمج وهيج. شفت روحي مااشعر بكلبي ابد ماعدي احساس مااتاثر طبه وطلعه كضيتها وي زيد والبنات اغلب الوكت يم ساره وزمن
زمن مستمر تواصلها وي محمود واجه اليوم اللي تقدم بي محمود الها. للاسف رفضو اهلها جانت صدمه جبيره شبعت بجي رد عليه ابوها انها مخطوبه لابن عمها. محمود تخبل راح ورجع بعد شهر وهم تقدم وابوها شبه طارده بوكتها. مصطفى شك بالسالفه وضل يراقب زمن مكدرترتتصل بي ومصطفى منعها من الجيه سوده عليه محمود يتصل يسب ويشتتم على اهلها ويروح مر سبوعين واجه جايب شيوخ من مربلا يتوسطوله وابوها نفس الكلام
يابه مخطوبه لابن عمها شون تردون انطيها افصخ الخطبه من ابن اخويه مكدر احد يحجي واخذو اهله ورجعو رجع مكسور وزمن تمرضت. التهاب امعاء والتهاب امعاء وخلصت العطله ومطابت شتاكل تذبه على عدها التهاب امعاء خفنا حيل ومحمود يسب باهلها اخر شي كال خل تسوي سونر ممرتاح لسالفه معدتها وكلت لامها وفعلا راحت سوت سونر جنت اني وساره وياها وهنا الصدمه الكبرى من طلبت الدمتوره تحليل عام وجهنا كام يضربزالوان اني وياها
دكتوره اكو شي يخوف
لا ماما لازم عالتحاليل يله نحجي
خوش
اخذنا تحاليل عامه واني كلبي معصور ساره تباوعلي بقلق وتدير وجهه وامها حايره وتدعي اخذنا التحاليل ابو التحليل باوعنا وجر حسره كال وينها المريضه
يابه هيانها
كال
استغفر الله بعدها صغيره
شكو نترت الام
روحو للدمتور المختص هو يفهمك
اباوع الممر مبي اربع امتار صار شطوله وصلنا راسن طبيت وامها وساره ويايه هي تعبت لزمت بطنها كالت موتتني معدتي طبينا للدكتوره شافت التحليل كالت
ماما بنتج مبيها شي معدتها مشكل عدها سكر عدكم وراثه
ردت امها
اي عدنا بس بعيده
اي يمه هاي عدها سكر ووجع بطنها حاله نفسيه وضارب عالكله السكر ديري بالج علبها سكرها 400 نمشيها حبوب اذا مشتغلت علبها نحول عالابر
بقت خاله تتصفن واني وساره صافنين هي من عرفت عادي مهتمت كالت
عاد اني شكد دايره بال للدنيا رجعت للبيت وياها ابوها عرف ضل صافن مصطفى عاف البيت وطلع وانفال اختها حضنتها بس هي ممهتمه ابد بيومها اجه عمها اللي بدهوك وامه للولد الولد مااجه وانفتح موضوعها عرفو بيها سكر امه للولد نطت
اذا بيها سكر متخلف اني اخاف من الوراثه
بقيت صافنه عليها باوعت لزمن كالت
وبن الله وتطلع من يمهم مو من يمنا عاط عمي بيها سكتي ام همام واندار على بابا واني من فتحه الباب اباوعهم وي اليسار كال لبابا
يابه ابو مصطفى الخميس نعقدلهم وشهر اللخ زواج
اليسار- واكفه وره زمن وزمن تتصنط بس عمها كمل حجي وابوها كال على بركه الله اباوعها غمضت ونزلت للكع تخربطت
يمه زززمتجن زمن فدوه اخاف اصيح يسمعون صحت خاله بهدوء
ها يمه تعاي شوي
اجتني وشافتها ضربت على صدرها صحيناها كوه. بسكوت كعدت تبجي وتتوسل بامها
يوم فدوه مااحب همام اتخبل منه
يمه ابن عمج ستر وغطه عليج يعرفج ويعرف تربيتج
امي اروحلج فدوه ماريده مااكدر اعيش وياه
ابوج مااكدر اناقشه هسه يكلب الدنيا
يمه اهون عليج ماريده داكولج
انتي بعدج متعرفين مصلحتج يمه همام سبع ولازم شغل ابوه واخوته كلهم مشغلهم
يمه اني معليه بي انعل حضي يمه دخيلج ماريده
سمعي لج تسكتين وتسدين حلكج لا بالله اكول لمصطفى هو يتصرف وياج مليت اني
اليسار- بقينا صافنين اني وياها وفعلا الخميس جتي الهوسه وعقدت ودموعها تجري
محمود- هاهي يعني من الله لا يوفقه لابوها الله لا ربحه. لج زمننن راحت مني
لتصيح محمود فدوه اهدا
لج شهدا حموت اني نار نار تاكل بيه
ساره- محمود عيني انت البنيه حاولت مخذلتك بس اهلها. لحو وهي خوافه الدنيا قسمه ونصيب
اليوم احرك ابهاتهم
اوكف محمود باوع اي شي تتصرفه ياثر على زمن تره مصطفى شاك بيها وتدري بي مخبل ليش تخلوهم يذبون حركتهم بالبنيه هي منا رافضه وانت وعركتك حبجيعرفون امو شي والله اذا حس مصطفى الباله صح يكلب البيت عليها
- ساره انتي مدتحسين شديصير بيه لج حموت نوم مدانام بس افكر امي حتموت من ورايه اني اذا احد لزمها اقتلها لروحي كافي الليسار لتبجييييين الكولي حل شون اخطفها فهموني
ساره- مع الاسف عليك محمود عبالي رجال متوقعت منك هالحجي
ساره روحي لتكفريني
اهدا كتللللك البنيه متاذايه اكثر منك
شسوي فهموننني
هاهي حاولت والبنيه حتموت خليها تشوف حياتها حرام شون يعني مديقتنع ن الليسار احجيلج شي كوليله صاحبتج شصاير بيها من وراه
محمود زمن شكل عدها سكر. -- كلتها واني ميته بجي--- عوفها الله يخليك مو قسمتك بقه ساكت همس
ولج هاي بنيتي شون تردين اعوفها
هاهي مو قسمتك صير رجال وانساها
مااكدر انتي نسيتي للواوي
كالها واني كلبي انمرد مثل اللي لجم جرح جاوبت
اي وغصبا عني لان تركني وعاش حياته انت هم سوي هيج ماشي شبيدي قابل حتى مصطفى حاجيته كال مخطوبه ابن عمها رحتله وكتله رايدها كال معليه حاجي اهلها بله هذا لو رايدها جان حرك الكون من يسمع هالكلمه
معلينا بعد يابه
بقه ساكت وسده بدون حتى ميسلم
ساره- اليسار الولد حيموت شون فهميني
مادري والله شسويله اني هم صديقه عمري روحها دتطلع اني حروحلها كلت لبابا
ماشي
رحت لزمن جانت بالغرفه متمدده وباجر مهرها
زوزو
رفعت عينها باوعتلي وبرطمت تقربت منها حضنتها تبجي بهدوء احسن كاتمه حزنها خفت عليها حيل
حبيبي لتضلين تبجين هاهي
محمود شونه
زين الحمد لله سلم امره لله شو هادئه يولو
تدرين اني جبانه مدااكدر اكول لابويه احبه لان ادري بي حيسوي شي بيه وبعد ميباوع بوجهي
بقيت ساكته اتلمس شعرها
اليسار انتي فقدتي التحبي واني مااخذته
اممم الحمد لله
باوعتلها بس كوليلي شون هعامل همام لج مدااكدر اتقبل غير محمود
بقيت ساكته
لج بعيني بس هو رجال
مكدرت ارد ختمتها
كون بيوم العرس تطلع روحي. خفت عليها حيل طبت امها كالت يله ماما زمن كومي روحي للصالون وي انفال
باوعت لامها مستسلمه كالت
اي ماما وكفت تلبس بهدوء بقيت صافنه على استسلامها جريت حسره بله هاي لو لمحمود هيج جان صار بيها جان الكاها طايره للصالون من الفرحه طلعت وياهم حفتلها ام الصالون وجهه كله صارت بعد احلى كون يشوفها محمود وكون يصير هو العريس اريد اشوف وجهه شون حبجيباوعلها بعدها نضراته تحفر بكلبي والله مصيبتي اهون منهم اقلها الواوي تركني وكم موقف بيننا الا همه حب ورجوله محمود مراح تنساها طلعنا من الصالون وجابو النيشان جوي اهل همام والولد راح بيت عمه اللخ ببغداد واهله هم بليل ماباتو يمهم بتت يمها اني بليل دك محمود رديت
الو
الو هاعيني ارتبكت
ادري بيج يمها
بقيت ساكته كال
كوليلها الله يهنيها وخل تنساني
بقيت ساكته كال
شونها
زينه الحمد لله بس ساكته
واني ساكت هم جريت نفس اني هم ساكت وحبنا رااااح
اششش اهدا
خرب ----
لك محمود
عوفيني لج شون حيلزمها ويشوفها بله حجاب باجر صدك
بقيت ساكته
تدرين ابوها شكال يكولي ماننطي لسنه
استغفر الله محمود بس
داكوت انه وروح ابوي
الله يساعدك باوعتلي زمن كالت
كوليله فرحانه وخلي ينساني خل اعيش حياتي
سكتت وهو سكت وراها كال بهدوء
هيج هيج منها
وسد التلفون ذبيت الجهاز باوعتلها تباوع عالمرايه عبالك تانب روحها وتحملها الذنب اندارت عليه كالت
احنا نستاهل
بقيت اباوعلها كالت
من اول كتله مسمايه باسمه وكال هذا حجي
جرت حسره كالت كلشي راح بعد طلعت الدبله مالتها تكويها بهدوء احسها ايست اي ايست كمت ساعدتهاكملت كوي وكعدت كالت
لتعوفي اللو خطيه ابقي ويله
ماشي جريت حسره شوكت قررو زواجكم
بعد شهر ومصطفى نقلني لدهوك الجامعه
خوش همست باوعتلها شون حنتفارك فهميني خنكتني العبره باوعتلي كالت
اعتبريني متت
لتحجين هيج كافي عاد يوميه نتخابر
اممم
وكل يوم انطيج الموجز
انمم
ومنتفارك ابددد
خوش همست
ثاني يوم راحت للصالون ورجعت لبيتنا بدلت اني وساره ورحنا لبيتهم طبت بالبدله. باوعتلي ببرود كالت
ها حلوه
تخبلين همست بالم اجه الولد لبسها جان ابرد منها وكلسا ناتر بامه لو اخته -------
