البارت 7
فصليه الشيخ هشام
للكاتبه :Um Fatima
فاطمه :شفت الزلم طلعوو واني وخالتي ام قيس انباوع من الشباك سلموو وسد الباب وراهم عمي ابو نها دخلوو للمطبخ
فاطمه:ها عمي اشصار بشر
ابو قيس:يردون 80 مليون وفصل مره
فاطمه:دكيت ع وجهي منين اجيبله مره و80 مليون ولااخويه يروح بيهه
رجليه خرت من الهبطه وكعدت بالكاع وابجي قيس اجه يمي يهدء بيه وعمي ابو نها حاضني حسيت كولشي انتها
ابو قيس :بويه ورث ابوكم مضموم اني حجيتلج عنه يجن ب60 مليون وراح اشوف غسان اكيد عنده كشه راح اروحله للسجن ونطبكهم وننطيهن شغله الفلوس محلوله بس الممره اشلون
قيس :بويه صرت اعصاب من هذه شيخهم سمعتى يكولك لاتلعب ويانه شفنه اخت غسان وانتي شكو طالعتلهم (بعصبيه )
فاطمه:لعد منو اكو غيري بالبيت
قيس:هف استغفر الله
ابو قيس :بويه القرار يمج وبيدج انتي يردونج فصل الهم تقبلين بهالشي انتي بنيتي مايهون عليه انطيج فصل للنذال بس يبويه حياه اخوج معلكه بيج
كنان:طبه مرض خلي ينعدم فاطمه ماانطيهه فصل خلي ينعدم لان من ايده المفروض المطابكهه هم تنكتل وياه مو بس هيج تعوفوهه
ابو قيس:غسان يطلع ويتصرف وياهه اول وتالي مرته ع شرع للله هذه غير موضوع موضوعنه انخلص اخوك من الموت
كنان:كل عقلكم انطي اختي عمود واحد يدك عليهه نهار بليل مسويهه خدامه(بعصبيه)
ابو نها:تصفنلهه يرجع اخوهه هذه لاتضل اتخربط كنان
ام قيس:يا يومه فاطمه سوده عليه لا ابو قيس حلهه بروح الغالي تره هاي بنتي دخلت بكلبي
فاطمه:يحجون واني دافنه راسي بحضن عمي ابو نها وقيس لازم ايدي وكل حجايه يحجوهه اعصر ايده بكل قوتي بدون وعي ولامنتبهه
قيس:احس ايدي راح تنشلع من كد ماتعصر بيهه حسيت بالمهه صدك فاطمه اصغيره حامله ضيم الدنيا ع راسهه
فاطمه:قررت اروح فصل بلكت حياتي تتحسن بلكت يطلعون خوش ناس
ام قيس ؛ها يمه فاطمه اشكلتي
فاطمه :حروح فصل الهم موافقه اتحمل
كنان:اكفر بيج ومكه وماتشوفيني بعد ولج فاطمه خلي يموت غسان الي شبعنه ضيم صدك جذب تحجين
ابو قيس :اش ولك يبقه اخوك لاتضل تخبط بالحجي
قيس:سمعت قرارهه هديت ايدي منهه
وكمت عنهه
ابو قيس :هاهيه اني رايح الغسان يله مصطفى امشي ويايه
فاطمه :راحو الغسان واني كضيتهه بجي بحضن ام قيس كنان يبجي وقيس يكفر ويتوعد الهم ومرتضى ساكت عمي ابو نها يهدء بيهم ساعه ورجع ابو قيس
ابو نها :ها اشكلك
ابو قيس :يوصي يكول كولو الفاطمه لاتروح راضي بالموت
ابو نها:عوفيه يمسلت هذه اشكالك ع افلوسه اشكد عنده
ابو قيس :مستلم سلفه 35 من الدوله ساحبهه هستوه بعدهه بالمصرف مخليهه اروح اجيب منهه 30 وناخذ من ورث ابوهم الباقي انضمهم لكنان
ابو نها :امشينه خويه نجيبهه ونجي
فاطمه:سلمتهم الاوراق مال غسان بالغرفه اني انضفهه فاندل كولشي بيهه ونطيتهه الهم وراحوو
💗💗💗💗💗💗💗💗💗💗
هشام:طلعنه من بيتهم ماعرفت اشصار بس سالت ابن عمي كالي شيخنه رضه بمره فصل و80 مليون
هشام:خايب خلي يولون همه ونسوانهم العاهره اكيد نفس ابنهم غسان اشتطلع زليخا مثلا
سعد:لك هشام كافي اتصعب الامور راح ينطون بتهم واحد منه يعقد عليهه ويذلهه يخليهه خدامه مثل ماراح اخونه انضيع عمرهه بدينه يكولون الرجال ينكسر ضهره بكسره اخته
هشام:انشوف شصير بس ها لكدام للتورطوني باخت النكس تره مااتقبلهه سمعتوو ياعمامي
ابو حيدر:خايب الصم غصبن عليك تتقبلهه انس مزوج وعندي جهال بس انته عدنه وباسم مات المن ننطيهه اولاد عمك مالهم دخل مالهم ذنب نجبرهم ع فصليه انته تاخذهه هاي مشاكلنه وانته تتحمل مسؤليه
هشام:والله ياعمي لو تنصب ذهب مااريدهه
ابوحيدر :مراح تجي يمك حته تتزوجهه تجي بس خدامه اعقد عليهه مومن عن الحلال والحرام وهالحجي عود اذا وافقو واذا ماوافقوو ع شروطنه ابنهم يجي يم رجلينه
هشام:يارب كون مايوافقون اله اندمه لهذه النكس الي حرمني من اخويه
💗💗💗💗
فاطمه:صعدت الغرفتي لميت غراضي كلهه بجنطه والجدد الي جابهم عمي وكعدت ابجي وحدي لما تعبت اشويه انفتح الباب اباوع كنان ركض حضني ويبجي اهدء بي لو اهدء نفسي حرت يربي افتحهه بوجهي تعبت دخيلك اخويه بامانتك ياربي دخيلك بعده طفل واذا ضل وره غسان راح يضيع مثل ماضاع غسان طلع مني كنان بعد ماطمنته حكون بخير ومن هالحجي نزلت العمي ابو نها
فاطمه:عمي عندي طلب منك
ابو نها:كولي بنت الغالي
فاطمه:عمي خاف اروح وبعد ماشوفكم كنان بامانتكم اريده واذا اضطر الوضع ابعدوو عن غسان اخذوو هناك اشتروله مجتمل بفلوس ابويه وكعدوو يمكم هوه يكون نفسه يزوج ويستقر غسان مايتعدل وكنان بسبب العوز راح ينجرف وياه
ابو قيس :بنيتي فكري بنفسج كنان ولد يدبر نفسه
فاطمه:اها انته حجيتهه ولد مو رجال هوه بعده اصغير
ابو نها:الي تردي حيصير وعد مني الج وهذه الفكره خوش حته احوي جهال اخويه
ابو قيس:انته اعرف بعد بقرارك نخلص المشكله ونتفاهم وي كنان
فاطمه:مراح انسه فضلكم (بدموع)
ابو نها:اش انتي بنيتي واعوض اخطائي وي ابوج بهالشي انشاء الله يرضه عني
فاطمه:شنو خطأك وي ابويه
ابو نها:سالفه طويله حيل
فاطمه:احجيلي
ابو نها:بالزمنات ابوج حب بنت عمه الي هيه نفسهه ام نها اني ماجنت اعرف هوه يحبهه كمت كلت لمي الله يرحمهه تخطبهه الي خطبتهه بيوم الملجه يله دره ابوج لان جان بالجيش يداوم من عرف اتسودن عليه اعتبرني نذل حاولت اشرحله مافاد ترك البيت وترك كولشي واجه البغداد عافنه 16 سنه مايجي امي وابويه الله يرحمهم همه يزورو لما امي خطبتله امج جيرانه جانت وزوجهه هذه سبب خلافي وي ابوج لحد بيوم ستشهد متت قهر الندم اكلني
فاطمه:بس انته مالك ذنب ماجنت تعرف
ابو نها:ابوج عصبي نفس كنان بالضبط الهذه السبب ماخله خط رجعه بينه وهذه سبب بعدنه عنكم والا انتو منه بينه انتو من دمنه مانتركم
ابو قيس:الفاتحه الله يجعل مثواهم الجنه
فاطمه:اقره الفاتحه وابجي اشكد اتمنيت اروح لامي
واشم اترابهه 😢😢😢
هلا حبايب مساء الخير هذه بارت جديد شرايكم بالاحداث لهنا انشاء الله تعجبكم ارفعو المنشور حته يوصل الاكبر عدد ممكن حته الكل يقراهه وياخذ العبره منهه 😍😍😘😘😗
