#آحببت_قلبآ_ليس_لي 💘
الحلقة:21
تأليف:إيناس آدم(ننس)
يوسف:اي يا رهف...
رهف:مشتاقين حقي انا
يوسف:كتير...
رهف:يوسف مالك بترد على قدر الكلام كده زي المجبور...
يوسف:مالي انا اسي..
رهف:انا البسأل فيك شنو حبيبي..
يوسف:ولاشي...بس تعبان شوية... كنتي عاوزه حاجه مهمه!؟؟.. لانو انا نعسان وعاوز انوم
رهف:لا بس كنت عاوزه اقول ليك.. جهزتا ملفات جديده عشان توقعهم لي
يوسف:انتي لي مستعجله ع حكايه الملفات دي
رهف:ااا..ولا حاجه.. بس الملفات دي مهمه ولازم تتوقع فهمتا علي
يوسف:طيب طيب.. لمن اجي الشركه بكره تمام.. تصبحي ع خير
رهف:وانت من اهلو.......دا مالو دا... لو ما مصلحتي م كنت فكرتا اتكلم معاك اساسا😒👊..
((يوسف شال اللابتوب حقو وكان داخل غرفتو... لاحظ لي نور الغرفه بتاعت غزل.. عرف انها لسه صاحية... بس م حب يزعجها.... اما غزل كانت بتكتب في مذكراتا... ))
غزل:
*احببتك رغم اختلافاتنا معآ.. رغم البعد... رغم ذاك الحاجز الذي يقف بيننا"التفاهم"...كم أامل ان تفهم مشاعري... وتعلم انني احببتك حقا.. انني من تستحق قلبك...انني من ستكون ملكه ذااك العضو الذي ينبض بيسارك... ااه يا عزيزي... فقط لو تعمل حجم العشق الذي بداخلي ليك... وكثره الحنين والاشواق... ولكن يبقى عنوان قلبي ومشاعري.. ذاك العنوان القاسي جدا.. وتلك الحقيقه المؤلمه"آحببت قلبآ ليس لي💘"*
غزل:استغفر الله يا رب... متين يا يوسف ح تحس بي.. بس متين...
((نامت والدموع في عيونا.. تاني يوم الصباح صحت بدري وجهزت العصير لي روحا.. وقهوة يوسف... ))
يوسف:طالعه مكان ولا حاجه
غزل:ماشه معاك الشركه...
يوسف:جاده انتي.. بي ملابسك دي😒👊💔
غزل:مالا ملابسي
((كانت لابسه ليها اسكرتي اسود... وتي شيرت زرعي كدا... وطرحه سوداء.ساده))
يوسف:كيف مالا😒💔...الاسكرتي دا قصير..
غزل:يوسف...انا م جبتا ملابسي من بيت ماما... وهنا الملابس دي كلها عباره عن تياب.. دا شي الوحيد اللقيتو..
يوسف:البسي توب...م تمشي بالاسكرتي دا😒👊💔
غزل:جادي😳توب شنو كمان
يوسف:يا تلبسي توب يا ماف مشي.. مفهوم😒👊💔
غزل:بس يا يوسف
يوسف:خلاص انا طالع😒
غزل:طيب طيب ح البسو...
((وجررت غرفتا😂😂👊💔طلعت ليها طقم كده رووهيب❤لبستو....وجات طالعه))
غزل:كده احسن😷
يوسف:اااي..يلا
((وطلعوا...... وصلوا الشركه... والبنات كلهم يعاينوا لي غزل ويعلقوا😍....خاصه انهم اول م نزلو من العربيه يوسف كان ماسك يدها❤لحدي م وصلو المكتب🎀...))
يوسف:اها ح تبدي تفتشي.. ولا كيف
غزل:جاايبني بي توب وبتسأل😒👊اسي دا اتحرك بيهو كيف...
((شويةة وجاا محمد الزين ابو يوسف.....))
محمد:وانا اقول الشركه نورت كده لي😍.. اا
غزل:اهلين عمو محمد
محمد:كيفك يا بتي ان شاء الله بخير
غزل:والله بخيير... كيف انت.
محمد:عااال...ويوسف كيف معاك.. اووعى يكون بزعلك
غزل:هههه..يا ريت كل الرجال يوسف❤🙈
محمد:الله الله... طيب اطلع منها انا.. ههه.. اخدي راحتك يا بتي
غزل:طيب...
يوسف:اريت كل الرجال يوسف.. بالله😂💔ما اتعرفنا لكن...
غزل:اننن😒👊...مهضووم شديد...انا ماشه ابدا شغل...
((غزل طلعت ومشت المكتب البقاصد مكتب يوسف...والهو مكتب رهف😱...وهي كانت لسه م وصلت الشركة))
غزل:نبدا بالمكتب الموظفو ماف دا..
((وفتحت اللابتوب... بس كان عليهو باسويرت😷💔👊....))
غزل:اوووف....
((شويةةة ولاحظت لي علامه في اللابتوب... ))
غزل:دي علامه ربط😳..دا الجهاز المراقب..جهاز يوسف
((.طوالي غزل طلعت من المكتب....مشت مكتب يوسف....))
غزل:يوسف..المكتب المقاصدك دا مكتب منو؟؟؟!
يوسف:اا..مكتب رهف
غزل:😳رهف..
يوسف:اي لي
غزل:((في سرها.. لو كلمتا يوسف مستحيل يصدقني.. عشان كده خليها بي رواقه))
يوسف:مالوو...
غزل:اا.ولا حاجه.. المهم عاوزه منك شي واحد بس
يوسف:شنو
غزل:الليله م توقع اي ملف او مستند.. من اي موظف... استلمهم بس وجيبهم معاك البيت...
يوسف:لي!!!؟؟
غزل:انت بس اعمل كده...
يوسف:طيب..
غزل:اا خلاص انا ح ارجع بعد كده
يوسف:بسم الله.. متين فتشتي الاجهزه كلهم
غزل:لا م بحتاج.. انت بس جيب معاك بعدين الملفات طيب...
يوسف:خييير...
((وطلعت من الشركه... قابلت رهف في وشها😪💔...))
رهف:العرووس...ههههه... لسه عايشين زي الاخوان ولا...
غزل:ما بخصك😒
رهف:يا حرام..معناها لسه اخوان😂😂..وابشرك ح تفضلوا اخوان العمر كلو.. لانو يوسف م شايف غيري... تمام... بعد اذنك
((كلامها بقى م بأثر معاها💔😪.....طلعت من الشركه اجرت امجاد ورجعت البيت.......في تركيا❤🙈ميرال كانت راقده في رجول غسان❤))
ميرال:غساني😢
غسان:عيون غسانك❤
ميرال:والله اشتقتا لي ماما وبابا... وغرفتي... اشتقتا لي تفاصيل بيتنا.. واشتقتا لمن اغيظ ماما.. وتقلب وشها كده😒...
غسان:😂😂ههه... ممكن اشتقتي لي ماما وبابا❤.. بس غرفتك دي احلمي بيها حلم تاني👏😝
ميرال:غيااظ يا غسان☹💔...بالجد يووخ عاوزه ارجع...
غسان:يا بت يادووب لينا اسبوعين...وانا اخدتا اجازه شهرين...عشان عاوز اشبع من شوفتك.. وضحتك وحركاتك وجنونك..
ميرال:جن كلكي👊😒
غسان:سجم😒👊
ميرال:المشكله انك انت زاااتك سجم😒بس انا بعشقققك يوووخ🤤❤
غسان:انتي زي الترمادول وانا ادمنتك❤👊
((ونزل راسو وبقى يهبش خدها بي دقنو👊😂😂💔👏))
ميرال:خشششنه يوووخ😒💔👊
غسان:تخفيفيها لي🙈❤
ميرال:طووالي والله😃يلا قوم ارح الحمام
غسان:لقيتك جاااده😂
ميرال:يلا يوووخ.. قووم☹❤
((وبقت تجرجر فيهو😂👊💔لحدي الحمام.... واخدت المكنه وبقت تخفف ليهو... قام ملا ليها وشها بالصابون))
ميرال:غسان😤....
((ومسكا جضمها في خدودا وباسا❤🙈طبعا سكتا😂👊💔غزل رجعت البيت.. وبقت تفكر بينها وبين نفسها ))
غزل:البعرفو..انو رهف وسمر ديل م محتاجين قرووش... طيب رهف مصلحتا شنو.. انها تنهب شركة عمها بالطريقه دي.... لازم اعرف اذا قدرت تسحب اموال كتيره ولا لا💔....
((المساء غزل كانت مستنيه يوسف... وماجاا...في الاخر صلت العشاء واتعشت ودخلت غرفتا ورقدت نااامت😴...يوسف جا الساعه11...لقى غزل ناايمه... عمل ليهو قهوة... وغير ملابسو... رقد في السرير وكل ما يحاول ينوم تجيهو شخصية غزل😴❤....في الاخر مشى غرفتا.. ورقد جمبها❤وحااوط يدينو حوول خصرها❤😴))
يتبع
✏ننس🎀
