Shy D.
"Shawn? Anong ginagawa mo dito? Gabi na ah." Sabi ko nakita ko naman syang tumayo at humarap sa akin. Naka-upo kasi sya kanina sa gilid ng kalsada.
"Ah Ate Shy. Paki-bigay na lang nito kay Shane. Naiwan nya ito sa bahay-matagal na ngayon ko lang naibalik." Sabi nya sabay abot ng payong.
"Ah sige salamat. Gusto mo pasok ka muna sa loob. Masyadong malamig dito." Sabi ko ngunit umiling na lang sya.
"Hindi na ate. Paki-bigay na lang yan may gagawin pa kasi ako." Sabi nya at mag-lalakad na sana sya palayo ng mag-salita ako.
"Shawn, minahal mo ba ang kapatid ko?" Tanong ko sa kanya napa-tigil naman sya.
"Kasi Shawn napapagod na rin ang kapatid ko kakahabol sayo." Sabi ko. Kahit hindi halata naawa na rin ako sa kapatid ko-kakahabol kay Shawn.
Madalas kasi sya noong unuwi ng umiiyak lalo na kapag may nakikita syang may kasamang iba si Shawn.
"Hindi." Mahinang sabi nya-ngunit sapat na iyon upang marinig ko.
"Kung ganon, kalimutan mo na sya. Huwag kang mag-alala hindi ka na nya hahabulin simula sa araw ngayon. Para na rin ito sa nakaka-buti." Sabi ko at pumasok na sa loob.
