naaalala ko pa no'n diretso sa tindahan ng turon
pagkatapos ng ating klase kwentuhan hanggang matapos ang hapon
pag madilim na ang kalye sinasabayan ka sa pag-uwi
mapalayo man sa'king bahay kahit galit na naman si nanay
agad kang tinatawagan paglapat ng likod sa higaan
dinadaan pa sa assignments marinig ko lamang ang iyong boses
gumigising ng maaga kahit lunes ay ganado't handa
makita lang ang iyong mukha ilang taon pa ay inamin ko na.
hindi ko alam kung bakit masakit maging kaibigan lang
kahit sa pagkakaibigan naman nag-umpisa ang lahat...
pero ayos lang basta ikaw maghahangad pero maghihintay
ayos lang basta para sa'yo masasaktan pero 'di sususuko .
pasasaan ba at baka doon din tayo mapunta
pero kung talagang hindi 'di pa rin aalis sa'yong tabi
basta ikaw...
Hahawakan ang kamay mo Papatunayan na kaya ko
Titimplahan pa rin ng paboritong kape Sa maulan at malamig na gabi.
Hahawakan ang kamay Magsisilbing gabay
Karerang malapit nang matapos, Naalis na rin ang taling nakagapos.
Hanggang sa huli Hindi mo na nga tinapos, mga pangakong kapos.
Bumulong ka sa dilim, umaasang ikaw ay mananatili. Ngunit kumiliti ang mga salitang,
Hanggang sa muli.
Yayakapin ka nang mahigpit Pinagkainan mo'y ako ang magliligpit
Tititigan ko pa rin ang mga mata mo Kahit na malabo na ang paningin ko rito
Iintindihin kita sa pagiging makakalimutin mo Habang ipapaalala ko ang pagmamahal sa iyo
Madali na rin siguro ako makalimot Ngunit pag-ibig ko sayo'y hindi ipagdadamot
Marahil puti na ang ating mga buhok Matatamis na pagkain bawal na tayong makalunok
Uugod-ugod, kulubot ang balat Ikaw pa rin ang aking prinsipe hangga't ako'y nakadidilat.
BINABASA MO ANG
Pag - Ibig Poems and Quotes
PoetryKeep Calm and Fix a Broke Heart. Isang tula na babago sa buhay mo at tyak na marami kang matututunan na lesson from this poetry. Basahin at unawain . Or you can apply this lesson to your self. Para sa mga pusong nagmamahal,nagmahal,nasaktan, at iniw...
