البارت 15
هشام: طلعنه بره بالحديقه هيه لهسه تبجي
خايبه اشسويتلج كافي اسكتي
فاطمه:انتقم مني بس مو بهالطريقه
هشام؛لج شنو انتقم اشبيج انتي مابالي هالشي انسي ماشي
فاطمه :ماشي
هشام:اريد احجي وياج بشي ممكن
فاطمه:اي تفضل
هشام:لاتحسبين نفسج مرتي لاتتقيدين بيه اني وياج مجرد ارضي اهلي فقط كم يوم واطلكج ترحين لهلج
حته روح اخويه ترتاح احسن اله مايحب الضلم هوه
فاطمه:هوه هذه المطلوب ضل يسالني دراستج وكذا ومن هالحجي كمت انعس
هشام:كومي نامي جوه
فاطمه:اريد منك شي ممكن
هشام:كولي
فاطمه:السعلوه انطتني بس بطانيه وحده المخزن بارد اريد بطانيه باجر ارجعه
هشام:سهله هسه اجيبلج طبي نامي
فاطمه:شكرا😪
هشام:العفو
رحت فتحت غرفتي سحلت بطانيتي كلت اني افتح غيرهه جديده اوديلهه هاي نزلت لكيتهه نايمه مكرفصه روحهه خطيه هالبنت اشذنبهه يربي غطيتهه
فاطمه :بعدني بين نايمه بين كاعده احس عطر هشام حوليه لان اعرف اميزه بس مااكدر افتح عيوني غمضت ونمت الصبح كعدت لكيت بطانيه حلوه كولش مغطيني بيهه العطر منهه يفوح اوف اشكد احبه لهالعطر اشمه مااشبع منه يشبه ريحت التراب من يتبلل يدخل لنفاسي بهدوء اوف
كمت بدلت غسلت حته ماصليت الصبح اعوذ بالله
هشام:صعدت لغرفتي للصبح افكر بوضعهه وشلون نايمه مداتروح من بالي كوه نمت نزلت لكيتهه اتسوي ريوك كعدنه نتريك هيه واكفه بعيد
ام هشام:تعالي يمه اكلي
ام حيدر:لا ميصير تاكل بعدين هيه خدامه لااكثر ولااقل
ام هشام:تعالي ماعليج
فاطمه رحت يمهه كلياتني ارجف السعلوه اتباوعلي صفح هوه هشام كاعد يم امه كعدت يم هشام انطاني خبزه بيه طبع محلوو اله اخلي عكس ايدي ع رجل الي بصفي مو بيدي كنان كان يعاني مني بسبب هالحاله حطيت ايدي ع رجل هشام ونتجيت اكل دنك همسلي
هشام:ودي اصيح هسه
فطومه:منو الازمك صيح
هشام"رجلي انشلعت ولج وخري ايدج
فاطمه:يا اسفه اسفه
هشام:هف شنو ولج ايد لو كوسره كصيتي رجلي كص
فاطمه : كش اشكد خجلت من تصرفي استحيت مااكلت شي هو يباوعلي ويبتسم
هشام :يمه باجر رايح اني
فاطمه؛مااعرف ليش صفنت من كال رايح
ام هشام :ضل باجر اذا ماعندك محاضرات
هشام :اشوف صاحبي هسه اخابره
فاطمه خلصت ريوك ماشفت هشام بعد.لليل يله اجه بس وجهه اصفر ماتعشى
اني نفس روتين هذه اليومي اكضي
لل2 كعدت اصلي شفت هشام يشهك احس شهكاته يمي توصل خفت عليه رحت يمه كعدت
فاطمه:احسك مو ع بعضك
هشام:اي والله عندي حساسيه حاده بالقصبات اختنك حيل بين فتره وفتره
فاطمه:وضل هيج تشهك
هشام:لا عندي بخاخ اوكسجين جهاز بس فوك بغرفتي مااكدر اصعد
فاطمه :اني راح اجيبه الك هسه اصبر
هشام:حتعبج (بعيون حمر وبخنكه تكتل )
فاطمه:اش هسه اجي
ركض للغرفه فتحتهه اتجنن ديكورهه تركي يخبل ونضيفه والعطر تارس الدنيا ماهتميت دور بالكنتور مصفط ملابسه حسن مني 😂دورت بالجرارات لكيته نزلت اركض لكيته مخلي راسه بين رجلي خطيه
انطيتهيا اخذ بخات 3 ورتاح خطيه بس حسيته تعب مااعرف شنو الخلاني اسحبه الحضني حضنته حيل عسى انو يرتاح مااعرف احس خنكاته بيه ليش خفت عليه مااعرف شنو السبب
هشام :اختنكت جابتلي البخاخ اخذته بس انصدمت بيهه سحبتني الحضنهه حيل الصراحه ضعت بعطرهه ماحسيت هيج احساس بحياتي مجرد بس غمضت وعشت الحضه بهالتصرف حسيته متلكتني كلياتني وصلت الدرجه غفيت بحضنهه
فاطمه؛شفته غفى بحضني كعدته كتله اصعد
هشام:مااكدر اصعدي ويايه انتي ونزلي بعدين ( كلشي مابيك هاي حجه 😂😂 ابو درب ميكدر)
فاطمه:ماشي صعدته الغرفته نام غطيته ردت اطلع صاح ورايه
هشام:فاطمه ضلي يمي اليوم فدوه اول مره اطلب منج طلب
فاطمه؛ليش اضل احسك زين وصرت تمام
هشام:ضلي وخلاص بدون نقاش
فاطمه؛ماشي ضاله نام واروح
هشام:اوك تعالي يمي
فاطمه:زين اجي يمك 😲
هشام ؛سحبتهه حيل نمت بحضنهه صدك احساس ميوصف بين جمالهه بين برائتهه خلال 3 ايام كدرت تحتل كلبي وعقلي كمت مااشهك اله عطرهه ماحس بنفسي زين اله اشوفهه اوف يربي صبرني
فاطمه:اتقديت هوه بحضني احس خشبه وجمدت مابدي اتحرك حته استحي احرك اصبعي اتمنيته ينام اريد انزل للمخزن بس فاجاني بكلامه
هشام :فاطمه لاتتركيني
فاطمه:حسيته صدك محتاجني كتله ماشي
ماحسيت اشكد مر وقت كعدت لكيت الساعه 8 بعدته عني نزلت اركض ع الدرج شعري مفلول
ام حيدر: هلا بالعروس عيني شسوي العروس ل8
نايمه ومنو السمحلج اتصعدين فوك تردين اتسطرينه للولد حته تحكمين البيت لا ماحزرتي يله كدامي اذا شفتج دخلتي للصاله الله يكتبهه عليج بنات مامربايه
فاطمه:انهانيت غسل ولبس بسببه صارت دمعتي بطرف عيني رحت للمخزن بجيت اهواي لما بطبطت عيوني اني مربايه اكثر منهم كوه كمت اغسل للمغسله حسيت واحد ورايه
هشام:اشبيج
فاطمه؛مابيه شي
هشام :احجي الصدك شنو تندمتي لو تسرعتي بالي سويتي
فاطمه:ولا وحده منهن
هشام:اذن حسيتي بالخيانه
فاطمه:شقصدك
هشام:قصدي تأنيب الضمير لان عندج شخص يحبج
فاطمه:مشكور ع اتهامك بس الصوج مو بيك باليوكف وياج من اليوم مالي كلمه وياك اني خدامه بس مو عاهره سمعت
هشام:لحضه مو دااحجي اشلون تعوفيني وتمشين
فاطمه :بعد شنو تريد تحجي
هشام:فهميني سبب دموعج
فاطمه :انته مو كلت لاتحسبي الي ديصير زواج اذن مااخصك اني رحت للمطبخ اسمع الاهاين والحجي بنات ميستحن ينزلن من صبح شعرهم مفلول بنات حرام ومن هالحجي واشتغل ودموعي تصب
شرايكم بالاحداث حبايب كلبي اسفه حيل ماعندي نت مجاني حتنشر البارت بدالي دلفين اسماعيل احب رئيكم يهمني ....
