نمت شوية من التعب احس جسمي يون عليه من الركض وره اخواني من الصبح الهسة وبلاضافة الئ شغل البيت
نمت وحسيت اشم ريحة عطاب غلست
وغمضت عيوني زادت الريحة
وسمع صوت طكطك قوي كمت ع طولي
الله يستر من الراح الكاه دخلت المطبخ
ضليت صافنة ع الخراب الصاير
المطبخ عبارة عن قطعة بيضة الكاع متروسة طحين وكرار وزيد يركصون ويكمزون
عليه بنعالاتهم. يحجون بكلام ممفهووم
احس. روحي صارت بخشمي من العصبية والفراش المعدوم البارحة نكسر ضهري بليل علما خلصت فرش
والطباخ يشتغل طلعت ناسية مميات عباس ع النار ومايعات بجدر والمي ناشف
ضيت صافنة شنو اسوي اكوم اموتهم كتل مايفهمون اسكت انفجر احجي ميفيد
دموعي كامو ينزلن كعدت بلكاع وكمت ابجي بكل حسي ياارررربي تعبت
نص ساعة صافنة وهمة كامو يجيبون مي من السنك ويكتون ع كاع
صارت عجين مالي خلك اسوي شي بس اباوع وابجي
عباس يصرخ واني جامدة يمكن فقدت الاحساس او شي بداخلي مات
وذوله فوك راسي يضحكون ويعيطون
بدقيقة اجت ع بالي احرك نفسي واحركهم وياي
طلعت بترك شفت دبات النفط صفنت عليهم تقربت منهم
،،،،،،،،،، يتبع
