تدابير القدر بقلم نسرين الجبوري الناشربارق العراقي

البارت الاول والثاني

#تدابير_القدر
#بقلم_نسرين_الجبوري
#البارت_الاول
#الناشربارق_العراقي

القدر هو ما كتبه وقدره الله لنا في حياتنا من افعال واقوال وكل ما يحدث معنا فهو مكتوب ومحسوم ولكن كل ما هو مكتوب ومقدر لنا فقد كانت نتائج اختياراتنا فلا يجب ان نلوم القدر في اي شئ يحدث معنا ....

كاعده واتذكرت حياتي المضت نعادت مثل الشريط كدامي وين جنت و وين صرت نرجع للماضي احجيلكم قصتي
اني نسمه عمري 8 سنين عندي إخوان اثنين صلاح عمره 15  و صباح 13 و اخت وحده أماني 9 وامي اسمهه بلقيس و والدي صفاء مواصفاتي بيضه شعري اسود عيوني كبار وزني 64 و طولي 163 الي يشوفني يكول حلوه بس اني احس شكلي طبيعي
صح كل الي يشوفني طفله بس احس عقلي جبير ....
بيوم كعدت الصبح طلعت من الغرفه اسمع امي تكول الاختي ضمي ملابسج الجديده لتشوفهم و تبقى تبجي سمعت كلام امي بس متصرفت مثل مكالت
نسمه..... صباح الخير ماما
الام .... صباح النور يللا غسلو و تعالو تريكو اليوم دوامكم ظهري
أماني .... اني راسي يوجعني ما اريد أداوم
الام .... صار حبيبتي ابدل واروح وياكم اخذلج اجازه
نسمه. ... انقهرت حيل لان قبل أسبوع اتمرضت وكلت لماما تاخذلي اجازه رزلتني و اتهمتني اني ادعي المرض حتى ما أداوم ضجت و طبيت للغرفه ابدل وطبت ورايه أماني تضحك
أماني. .... على عنادج ماما تاخذ بس الي اجازه وانتي لا
نسمه. ... اي لان اني شاطره وانتي كسوله ام بوله يوميه تكعدين بايله على نفسج
أماني ..... ماما تعالي لنسمه تغلط عليه تصيحلي ام بوله
الام .... لج حقيره ليش تغلطين على اختج اليوم ماكو مصرف للمدرسه
نسمه. ... رحت بدون مصرف و بل فرصه اشون البنات اشون يشترون و ياكلون واني اباوع عليهم وميته جوع جان يجون صديقاتي افين و سيلين همه خوات كرديات توم ابوهم متوفي من همه صغار
افين .... نسمه اشبيج ضايجه تعالي ويانه اشتري
نسمه .... ها لا ما اريد
سيلين. ... حبابه دمشي
نسمه .... مو ناسيه مصروفي بل بيت
افين .... امشي ربع من عندي و ربع من سيلين و اشتري
نسمه ... رحت وياهم واشترولي جنت احبهم أكثر من اختي لان يحبوني و مياذوني عكس اختي تضربني و توز ماما عليه بعد أيام رحت الماما وكتلهه ماما اريد بنطرون بناطيري صغرو عليه
الام .... اي عود اخذي مال اختج القديمات واني اشتريلهه
نسمه .... سكتت بس جنت بداخلي انقهر رحت الوالدي بابا اشتريلي انته بنطرون جديد حباب ما اريد مال أماني
الاب .... بنتي سمعي كلام امج واخذي مال اختچ
نسمه ... عرفت بابا ما منه فايده و يسمع كلام امي
مضت الأيام والشهور والسنين واني كوله اطلع الأولى وجان محد يدرسني اني ادرس و أماني جانت ترسب وامي تنطي فلوس للمعلمات ينجحوهه و صرت صف ثاني متوسط و أماني ثالث متوسط بس بطلت متحب المدرسه و وصلت للثالث متوسط و مدرستي جانت بعيده عن البيت جنت اروح مشي و ارجع مشي ماما جانت تكول فلوس الخط تفيدنه بغير شي و مصروفي جان 500 دينار و افين و سيلين ويايه ابد معافوني و اخويه صلاح الوحيد جان يحبني خطيه حتى ملابس المدرسه هو ينطيني فلوس اشتري برغم هو يشتغل عماله
صلاح... تعالي نسومه هاي هدية نجاحج من ثالث متوسط
نسمه .... صدك هاي الي فتحت الهديه لكيت موبايل الله شكد حلو
صلاح.... هذا موبايل وخليتلج سيم كارت بي بس اريدج ترفعين رأس اخوج وما اريد تستخدمي بشي غلط و لتخلين الموبايل يلهيج عن دراستج
أماني .... عود ليش بس هيه جبتلهه موبايل واني هم اريد
صلاح.... اي اجيب لان هيه شاطره مو مثلج فالحه بس بل نوم
الام ... ماما معليج اني اجيبلج واحد واحلى من هذا
صلاح ... اي يمه طلعي عينهه بعد غلط الي دسوي المفروض تخليهه ترجع لمدرستهه مو تلبيلهه شتريد
الام .... انتي معليك لتتدخل بنتي واني اعرف اشون اربيهه عود حاسب مرتك من تتزوج
صلاح ... اللهم طولج يا روح اروح للشغل احسن طلعت وطبت الباب حيل  اشوكت تكمل فلوسي واتزوج واخلص ...
نسمه .... ضجت من كلام امي ويه صلاح احسهه مثل متفرق بيني وبين أماني تفرق بين صلاح و صباح يعني صاح ينطيهه مصرف تروح تنطيهم الصباح الي كاعد عطال بطال بل بيت ومخلصهه نوم حرام عليهه لان تاخذ تعب صلاح تنطي الغيره خطيه من بعد مجان الشاب الحلو الأبيض صار هسه اسمر من الشمس ومن وره شغل العماله و جان يحب جيرانه من هو صغير و قبل سنه خطبناها اله و ديحضر حتى يتزوج  اوووف اشوكت تخلص العطله كرهت كعدت البيت اروح انظف غرفتي وامشي الوكت
الام ... تعالي نسمه اغسلي المواعين
نسمه ...ماما خلي تغسلهن أماني يعني ليش كوله براسي
الام ....ولج اختج رجليهه توجعهه انزلي غسليهن لا اصعد اكسر راسج
نسمه ... حجيت ويه نفسي والله تعبت وكرهت هل عيشه يعني أماني مخلصتهه اكل و نوم و علاقات تصادق هذا تعوف هذا واني مخلياتني خدامه جواهن ياربي ليش خليتني بهاي العائله بهل اثناء جان نسمع صوت انفجار هزنه هز خابرنه على بابا جاوب الو بابا وينك
الاب.... ها بابا ماكو شي يمي هسه راجع للبيت
نسمه.... اخابر على صلاح يطلع مغلق كلبي نغزني لج ماما صلاح جهازه مغلق
الام .... يمه ابني راح وليدي مات
نسمه. ... ماما لتكولين هيج اسم الله عليه
أماني حبابه كعدي صباح خلي يروح يشوفه وين رجعت دكيت على بابا
الاب .... ها مو كتلكم جاي
نسمه. ... بابا عفيه ندك على صلاح يطلع مغلق
الاب ... هسه راح اروح اشوفه
صباح ....ها شكو نسمه انطيني محفظتي اني هم راح اروح اشوفه
نسمه .... ماما كاعده تلطم وتصيح ابني مات و أماني بس دموعهه تنزل واني ابجي و ادعي يارب بس رجع سالم يارب بس هو الحنين عليه لتاخذه وتكسر ظهري بي  كاعدين ننتظر وماكو خبر
الام ... دكي على صباح شوفي وين صارو
نسمه ....دكيت طلع صباح يبچي
صباح...ولج نسمه صلاح مات اخويه راح فجرو مسطر العماله و مات اخونه
نسمه ..... لا لا جذب اخويه ميموت ولج يمه الحكي اخويه مات و عافني وصار صوت ألصريخ
الام .... يبوووو لا انتو تجذبون ابني مو ميت هسه يجي اريد اشوفه جيبولي ابني
أماني ... اني بس اباوع على امي و نسمه اشون يصرخن و يلطمن بس اباوع وابجي جان يندك الباب ركضت فتحته اجوي الجوارين على على صوت العياط والبجي  و اجتي وداد خطيبة صلاح لان هيه جيرانه
وداد ..... فهموني شكو شصار منو مات
نسمه. ... ولج اخويه مات حبيبج مات راح اشون يموت وهو قبل ساعه يتريك ويايه وجابلي هديه اشوووون
وداد .... انصدمت من كلامهم صرت اضحك وابجي مثل المخبله انتو شتحجون لا صلاح ميموت حبيبي ميموت بعد شهر نتزوج اشون يعوفني كمت الطم
نسمه ...اجوي بيت خالي والكرايب بدو يجون ما اعرف منو مخابرهم ولد خالي اثنين ليث و محمد كلش يحبون صلاح
ليث ....خابرنه صباح يبجي و يكول ولك ليث صلاح اخوك وصديقك مات سديته بوجهه اجيت على ابويه كاعدين يتريكون  هو امي  ومحمد يابه كوم نروح ابن عمتي صلاح استشهد
الخال حسن ....ولك اشتحجي انته
ليث ...والله يابه مثل مسمعت
مرت الخال ابتهال....دكيت على صدري سوده بوجهج بلقيس تعزيتي و تصخمتي يللا كومو بسرعه نروح
محمد ...خابرت على صباح كتله يا مستشفى
صباح ...روحوا لبيتنه راح نجيبه للبيت
محمد ...استعجلو راح يجيبو للبيت
ليث ...وصلنه البيت عمتي واشوف بس الهوسه والكرايب بل باب طبينه وشفت عمتي والبنات وخطيبة صلاح بحاله تصعب عل كافر
بلقيس ...وصلنه لجلب خيه ابتهال مات ابني راح الحنين
ابتهال...اترحميله خيه الله يصبركم
نسمه ...عفيه ودوني للمستشفى اريد اشوفه آخر مره
ليث ...نسمه تتوسل بس تريد تشوفه اشكد قهرتني اتقدمت عليهه نسمه كافي مو زين البجي ياذي اترحميله
نسمه ... نسمه والله مو بيدي اخويه هذا بموته كسرني   اباوع عليهم اخذو وداد و ورا اشويه رجعو ملبسيهه بدلت عرس  ومسوين صينية الحنه بهل اثناء دخلو التابوت نزلو بل بلكاع ركضنه اني وامي نريد نفتحه ونشوفه بس مخلونه كالو متكدرون لان متشوه شكله طلعو جنازته من البيت والتشيع مالته صار بل مقدمه الرياجيل و بل اخير النسوان يمشن و وداد تمشي بدلة العرس مثل المخبله بل شارع ملخت نفسهه والموسيقى ادك شيعو تشيع عريس