مشتاكلك يل مدري بيمن مشغول
ويل مدري منهو العلمك عل نسيان
چا وينه ذاك الما يغمض بلياي
صبح وعصر شو هسه شوكك نعسان
بكد شوگي الك تتصنع وياي اعذار
انا شردت منك يابعد الشريان
غير ال الووو وشخبارك شعندي وياك
قابل شخسرك هيه چلمات لسان
هو اليحبك لو جمر يقبل بيك
خاطر تشبكه يكلك شكد بردان
لوكون اصيرن مثلك شكد ارتاح
لاذال دمعتي ولا اظلن سهران
بس هيه شمره طيبه عندي ومليت
ابچي عله واحد يظحك لياهو الچان
مدري البخت مايرضه يكعد وياك
مدري اليحب من كلبه حصته الهجران
اذكر گبل تبچيلي حته اقبل بيك
وهسه انه الابچيلك واشوفك فرحان
ياكبرياء الما سحكته بملكاك
هيه الكرامه احساس بس انته انسان
معقوله متقدر بشر ميت بيك
بس هوه قاسي بعيد كلب الدفان
رغم الالم ارجع واكولك مشتاك
والله ليعوض لمثلي لو رد خسران.....يسعد مسائكم احبتي بكل خير وعافيه وسعاده وتحقيقا لامنياتكم يارب طبعا هذا أول بارت واول مره اكتب....اتمنه تدعموني حته اعرف استمر ام لا واشكر كل شخص ساعدني ووكف وياي اتمنالكم كل التوفيق يارب❤️❤️❤️