بعد مرور عامين ******
عفاف :يابت ياورد اصحي من النوم بقي في عروسة تنام يوم فرحها
ورد وهي تتمطع بكسل :صباح الخير يافوفة احلي فوفة فالمنيا
جلست عفاف علي طرف السرير وهي تنظر الي ابنتها بحنان قائلة :سبحان الله ياورد شكلك واحساسك مختلف جدا وشك مورد قايمة فايقة بسرعة صحيح الجواز عن حب غير وبصراحة اللي عمله حاتم عشانك مكانش قليل خالص السنتين اللي فاتو دول الراجل كان عاوز يجيبلك نجمة من السما
ورد بابتسامة دافئة :بجد ياماما شكلي متغير
عفاف :بصي لنفسك فالمراية وانتي تشوفي عيونك فرحانة اكتر من وشك بت بقولك ايه متاخريناش ورانا مليون حاجة مش عارفة ابوكي راح فين علي الصبح كدة وخالك كمان سرح مع عمرو جوز اختك مش عارفة سابوني وراحو فين قومي بقي
تركتها عفاف وخرجت قامت ورد من علي السرير وذهبت الي المرآة تنظر الي نفسها لتجد عيونها الفرحة وقلبها يرقص طربا فظلت تقفز من الفرحة قامت اختها ليلي باشعال نشغل الاغاني ودخلت السها وهي ترقص مع لبني اختها الكبري ظلو يتراقصوا
ويتحركوا بخفة لاحقهم خالهم الصغير حازم وهو يحمل ورد ويلف بها في الغرفة مع ضحكات والدهم ووالدتهم التي جذبوها لترقص معهم
**********
علي:قوم ياعريس دخل الي غرفة حاتم زهي يفتح الشبابيك ليدخل نور النهار ليضئ الغرفة باكملها ويضئ قلب حاتم معه نهض بابتسامة جميلة هادئة وهو يقول:صباحك ورد يالول
علي:صباحي ورد لاء انا قولت الموضوع كبير محدش صدقني
حاتم :ههههههههههه طيب بس عشان بقلق من قرك ده
علي:قري انا ولا انت اللي نحس اصلا اديلك سنتين بتحاول تظبط البت وهي اصلا اللي يشوفها امبارح واحنا بنكتب الكتاب يقول دي دايبة من زمن فجنابك
حاتم :بجد ياعلي
علي:الا بجد انت مشوفتش ولا ايه
حاتم :تصدق اني من يوم ماخطبتها مبصتش فوشها ولا مرة حتي كلامنا كله سلامات واطمن عليها وبس
علي:لامؤاخذة عشان راجل رخم فعلا ملكش فالحريم
حاتم:طيب اتلم وقوم بقي عشان يدوب الحق اروحلهم
علي :ماشي ياعريس ظبط نفسك انت
دخل الي الحمام ليستعد قام بتشغيل المياه ووقف تحتها وذهب عقله الي وقت بعيد
فلاش باك ********
افاق حاتم في المشفي وجد بجواره علي يبتسم له
علي:حمدالله علي السلامة ياحاتم ايه ياراجل انت حبيت الغيبوبة ولا ايه
حاتم :علي انا فين
علي:انت فمصر فمستشفي الشفا
حاتم :مستشفي ايه انا فاكر اني كنت فدبي فالشغل وبعدين نمت ولسة صاحي
علي:انت تعبت شوية وروحت فغيبوبة بسيطة بتاع ست شهور كدة شكلك كنت سهران كتير وحبيت النوم
حاتم باستغراب :ايه ست شهور انت بتتكلم جد
علي:اه ياحبيبي ست شهور بس الحمدلله قدر ولطف انت كويس دلوقتي
حاتم:انا عاوز اقوم امشي
علي:انت اتجننت تمشي فين انت لسة فايق من غيبوبة اهدي علي نفسك كدة
حاتم :طيب انا عاوز اتكلم مع الدكتور
علي :حاضر هروح اندهولك
خرج علي وحضرت
الممرضة : حمدالله علي سلامة حضرتك
حاتم :الله يسلمك
الممرضة :ما شاء الله احنا بقينا كويسين اهه واكيد المدام هتفرح اووي
حاتم :المدام !!!
الممرضة :ايوة مدام ورد كانت كل يوم تجيني باليل وتتحايل عليا تفضل قاعدة جنبك لغاية صلاة الفجر وتنزل كل يوم من اربع شهور تقريبا ربنا يخليكم لبعض بصراحة وعيني باردة عليكم مسوفاش ست بتحب راجل كدة
حاتم :انتي متاكدة
الممرضة :الا متاكدة طبعا دي بتدبني بقشيش يكفي بلد
حاتم :طيب اسمعي انا عاوزك متبلغيهاش اني فوقت عاوزها تيجي باليل وتكون فاكراني لسة فالغيبوبة
الممرضة :ااااه عاوز تعملها مفاجأة عيوني ياباشا انت تؤمر
حاتم :متشكر تقدري تتفضلي
الممرضة :لنفسها ياخرابي عسل ابن الايه ليها حق تقعد تحت رجلك دانت لو جوزي اخبيك فعوني
هييييبح يالا بخت ونصيب
