ابو ذيبه-
ها انا على قارعه الطريق واجتازتني فرحه دخولك لحياتي انستني نصف اوجاعي واذا بكل الفرح ياتي مع خطاك لقلبي حبيبتي ما انتي امراه انتي حواءي الجميله انتي ورقه النعناع التي عطرت جوف قلبي ورقبتي ولا اكتفي بشمها انتي بستاني الاخضر اللذي خضر كل ما تمرين به من يابس ياعشق العاصمه يا بغداد روحي غيرتي فكري وعقيدتي بوفائك وحبك وكانت خطواتك تزين حياتي المضلمه واخرها كانت عوده من كان سبب دماري الاول بفراقه -----
خابرت امي والنوب خابرتج
متعرف شصار بيه باوعت بعينه وجريت نفس بس هلكد ربي كريم يبوعلي وينصي مدمعه عينه ومبتسم
ردت اموتن خوف كلت بس لا يجرالها شي بسبتي
نصيت على ايده بستها رفعت راسي شفته مغمض وكفت وهو كاعد نصيت بسته من راسه اسمع نفسه تخربط بسته من مكان الورم ونزلت على خده ممصدكه هذا حبيبي بيدي هذا اللي البارحه جنت ابجي بس لا عافني ابوس بوجهه وعيوني تجري بسته من خده واذنه ونزلت لركبته بستها وشميتها النبض يدك سريع رفع عينه باوعلي منتهي كال. و ايده الاثنين على زنودي ورفع راسه ليفوك يباوعلي
وحدج كفيله بانتزاع الشفته وجع كلبي.
يعمر اليسار انت ماعوفك ولاراح تعوفني
ام بله اعوفن روحي وماعوفج
بس طيني وعد من هسه وكلمه رجل
شني يبت بغداد چن كلامي وياج ماعدتي تصدكينه
ابتسمت نصيت بسته من راسه جر نفس رجعت وكفت
لا حبيبي اصدك كل كلمه تكولها بس ادري بنخوتك شنو من الشي
اي كولي التردي واعتبري تم
ابو ذيبه اريد متنزل بعد للموصل
هز راسه وجر نفس ماانزل بعد
وعد واعدذني
وداعت التنكه والدفو الحنت احس بي مو من النار لابل من كربج
حضنته قوي وكف حضنني رغم كتفه اللافه بس جنت احسه يريد يخليني بصدره من كدما عصر راسي عليه ابتعدت باوعتله
حبيبي خل نطلع
اي بالله عيب. امشينا وصل للباب التفت قبل ليفتحها نصه راسه ورجع رفعه جر نفس كال
حبيبه الواوي ابوي ابوج شماحجه لا تشيلين بكلبج عليه
بقيت اباوعله متفاجاه
ابوي رجال تعبان تره مايهم اذا سمعتي منه حجايه
لا خبيبي انت واهلك مازعل منكم لتخاف عليه. تكدر تنسند وتعتمد
كفو يبت بغداد كفوو
طلعنا جانو ديصبون بالغده ساعدتهم بالصب كلسا وابوهم صايح وين فلان عبالك تذكر ويجاوبو لو باالله يرحمه لو مسافر جان يوم متعب بابا راح كال كعده عائليه ورجعي وي توفي جان الاب كلما يحجي يباوع لتوفي والي ويرد ينزل راسه يكمل كلام بتعب انتبهت يباوع لامهم ويجر حسره مبتسم صبينا وكعدنا ناكل كلنا فد سفره ابو ذيبه سوالي مكان يمه اشرلي بيده عالكع رحت مبتسمه كعدت بصفه كلسا مهليلي شي بماعوني. همست باذنه
يااول عشك يااول كلمه حب طلعت من كلبي
التفتت ابتسم وعكد حاجبه كال
شجاج بويه بعد مامخلص اكل
من اشوفك تنفتح نفسي انت احلى شي بالدنيا واوي
هههههه ضحك والتفت عليهم كلهم يباوعولنا ويبتسمون ميدرون شكو الا ابوه يباوع ويهز راسه وينصي صالح كال
بويه شفتها لبنت بغداد دكتوره اليسار سبعه حيل
الله يستر عليها. ويكفينا شر بغداد
عكدت حاجبي مصطفى بقه فاتح حلكه باوعلي كال
عمي الولايه ناسها طبيبن
انت شنو كتلي يسموك
عمي كتلك مصطفى
باوع هناك ماعدهم صاحب صديج كل همهم روحهم وشون يجمعون فلوس انه عشت وشفت
مصطفى كال
لا عمي اعذرني غلطان مو كلهم هيج وكل مكان بي الزين وبي المزين من حجاها نتر اباوع عيون الواوي وصالح وعلي واحمد ابن صالح وخالهم رفوعها يباوعون عليه عكدو حاحبهم رجع نصه عالاكل اكل لكمتين وكام كال الحمد لله جر نفس كال
عزيزه بويه انتي تجين ويايه لو تضلين
لالا اجي وياك عدي امتحانات بس بعد موهسه ماشبعت من جدي
حقج بويه يله ب6نطلع اني مااكدر ابات
اليسار- بقيت اباوعله تضايق ابو ذيبه كال
مصطاف شني السالفه بويه دكعد نشوف المكاين يول
اي ابو ذيبه شفتهم وافتريت وصلحت وبدلت وايرات غير انت متدري
اي والله عاشت ايدك ماتگصر الا ازوجك على مريتك
ها خالي كدرتك علييي
مصطفى- ليش اني بعدها هم تحلى بعيني مره هذا شون حجي ابو ذيبه هسه دتزوج انت اول ساعه تزوجتي وساعه تزوج محمود
ماضل شي زواجنا تاجل زايد عن اللزوم مو اليسار
نصيت راسي هزيت راسي اي باوعتله لابوهم كال
انت بويه مجهز امورك
اي يابا كلشي مجهز
باوعلي ابو ذيبه وكال
والبنيه قنوعه ترضى بحصيره
ابتسمت نصيت كرصني من خدي كدامهم حسيته ديريد يثبتله انه ميكدر دوني وواثق من قراره صار العصر ترخصنا وطلعنا اكو غصه بكلبي وهو مجلب بيدي
كليلي شون بيه جا مو المفروض انتي زوجتي هالوكت وانه حاضني ونايم شيصبرني انه
ميخالف حبيبي كضت هلصت نصيت بسته من ايده شال ايدي باسها كال روحي بويه الولد تانه هواي بطينا عليه رحت راسن طبيت للسياره اشرتلهم بيدي انصاف ذبت مي ورانا وطلعت السياره مصطفى بس يافاف ويستغفر ربه وصلني للبيت نزلت وطبيت ركضو عليه الجهال شلتهم وافتر بيومها جنت طايره خفيفه حيل كلسا واباوع للسما هلكد كريم بعبدك طبيت نمت وكانما صار شهر منايمه نمت لليل يله كعدت لزمت الموبايل خابرت على زمن حجينجتلها كلشي وساره هم محمود كلسا داز مسج يشاقه ويايه كلسا واباوع خبيبي مخابر وارجع واكول ملتهي خطيه وي ابو اكيد هواي حجي يريد ينحجي واتذكر ضحكته
شني السالفه بويه بعدنا ناكل اوووف يراحه كلبي دزيت
احبك لان صار هواي مكايلتها رجع وره شوي
اعرف ومتاكد مراح يهز حبج شي لا بعد لا موت لا فقر لا مشكله ولا غيابي وتقصيري
امممم بس اصير عصبيه اذا تغيب
ماغيبن بعد بس كونج لاتهديني وتحضنيني دوم وتبوسيني نفس مابستيني الصبحيه
ههه ممصدكه انته كاعد تحجي ويايه
صدكي بويه صدكي سبوع اليجي زفتنا بعد مااجل تعبت حيل
كلبي رجف عبالك من جديد المشاعر تجددت
ها شو سكتتي
لا هاهي
ماشي كولي لابوج حبيبه
اوك
راح انامن ماتنامين صوبي
لا ههه نام بفراشك وانه بفراشي
زين لابسه شي لو كاطته جوه المخده هههههه
امشي روح ماحاجيك بعد
النوب احمر اويل يابا ماتعرفين العربي يموت بالاحمر اللي يشتغل وي بياض جسمج اخخخخ ربي
شنو هاي شورصاير وكح
بعدج ماشايفه من الوكاحه شي يحلالي.
واوي حروح
روحي حبيبه نامي وعساني ساكن احلامج نفس ماانتي ساكنه وجداني
ميحتاج تدعي انت باحلامي حبيبي
احبج اليسارحيل احبج
اموت عليك باي
هله يابا
نام
اي بويه نايم
اوك سديت وتلفلفت ابتسم غفيت بتعب للصبح نزلت كلت لبابا سكت باوعلي كال
شو هذا ابو ولا ينجرع
ليش بابا شبيه
مادري ميحترم عبالك ولو مكال شي بس اني حسيته متضايق من عدنا حتى من يجون عالم ميعرفهم علينا صالح يعرفهم انه احنا نسابتهم من بغداد
بقيت ساكته بابا خاف تعبان ومريض
اي هو هم حقه صارله كومه عدهم لعبو بي طوبه يحجي ويغص ويكمز رجلج يمه ينطي مي بس هلكد يحبو يعني اني كرار هلكد حيحبني ويخاف عليه
طبعا شون مااني اخاف عليك من الهوا بسته من خده وصعدت خابرت ماما كالت لعد خلي نهيا للحنه وفعلا بدت التحضيرات خاله ام زيد تحضر وخاله فضه وماما وساره جتي من يوم الاثنين يمي وعزيزه دائما تمر تدز شغلات امها توصيها تشتريها وتوديها الي وجتي زمن جنت خايفه من اللقاء بينها وبين ساره بعد زواجهم بس انصدمت شفتها صايره تخبل اركبتها. اثر قبلات همام. وهي طايره بي اسمه بركبتها بالانكليزي وبس تحجي بي جانت مرتاحه حيل كشختها وابتسامتها ولمعه عينها من تذكره خلتنه نفرحلها. ساره تباوع لبطنها وتكول
شوكت تصير عدي اني هم اريد.
هههههه تصير ويكوم يضحك عليج بالليل من تلوبين متدرين شون تنامين تالي ينومج على ايده
بقت عين زمن على ساره وساره تباوع بعينها ابتسمو ثنينهم ودارو وجهم ساره ابد متحجي بمحمود كدام زمن عكس زمن واني سويت جسمي وي ساره وزمن وحفولي وجهي خاله تهلهل وماما تطش جكليت جان جو البيت كلش حلو رغم عدم راحه ماما من بابا يطب ويصعد فوك يصيح
فضتي
احسها محرجه وخاله واعيه مو من النوع التتلوك وتبين كدام ماما انه يحبني وهالسوالف----- ها عيني متكوله بس اي جيت لو صار
اغلب الوكت ماما بغرفتي يمي جنت شبه طايره عروس بمعني الكلمه حضرو بدلاتي وبابا احسن الاشياء سواها للحنه من كلشي بلشت الحنه ام الصالوت جتي للبيت الواوي مقبل كال متوصلين صالون اغار من الطريق يكفي المهر وفعلا سوته بالبيت كلش حلوه طلعت بدلتي وردي وصخ نفش واللخ سوده. اهله وي بس انصاف وعزيزه. لان الولد هم مسويله حنه عزيزه طكت ميت صوره الي جنت اعرف بيها تدزها اله وكفت بصفي كالت باعي شيكول
كاتب
اشتعل شيب الخلفج لاتصورين بت الكلب لا بالغلط تروح لاحد غيري لا اشعل الخلفج
هههههههههه ضحكت ركصنا وتونسنا جنت فرجانه من كلبي زمن وساره ويايه وماماهم وحتى زيدو طب لبست وطب يركص ويايه هناك صاحت عزيزه والتلفون بيدها صاحت
يابا خالي حنو حنو البنيه كلبي راح عمه ام زيد حنتني لان لازم وحده مسعده ماما متقربت مني حنوني وعيوني تجري حضنتني ساره همست
حسيتي بيه حسيتي بالتاخذ التحبه هزيت راسي
اي اي حسيت بيها
صورت عزيزه وكالت خالي راد يشوفها بكت الحنه حنت خاله واني دموعي موكفت حضنتني ماما باوعت للكامره ابتسمت قربت التلفون من شفتي لان هوسه كتله
شكرا على هاي الفرحه شكرا على هذا الحب الداحسه. شكرا لكوني خلقت ك ححواء. شكرا لوجودك بحياتي كذكر ودزيته باوعتلي عزيزه مفتهمت شوي وخابرني كال
والهوسه يمه مكلوبه كلاب صاح
لج احببببببج. لاتخليني ازامط الكل واجيلج
ابتسمت رفعت راسي ليفوك ربي تمم فرحتي عليه وعليه ربي دعيتك ووثقت بيك ومخذلتني كملت الحنه راحو العالم لل12 وجابت عزيزه البدله والهلاهل انكلبت بيتنا بابا اباوعله عيونه موكفت دمع وجدو هم وعمي عبد مبتسم بس بداخله الم شكد ماانتو متاذايين اني فرحانه فرحو لفرحتي بابا جدو اني طايره لبست بدلتي البيضه وافتر بيها كدامهم وزيد يفتر ورايه زيد جان اخ يوم البس حجابي منه ويوم اذبه مفذ يوم حسيته شي غير الاخ كعدو ويايه عمامي دو نمت بحضن بابا لاخر مره كطفله ومتشوقه لباجر محد مثلي فرحان مستحيل جانو يحجون ويوصون واني بس ابتسم ختمها بابا كال
اللي مصبرني بس فرحتج اللي بحياتج مشفتج هيج فرحانه شنو بابو ذيبه الخله عينج هلكد بيها فرح
ابتسمت
رجوله بابا وشهامه
اي بابا صدكتي مبروك عليج حبيبتي وبنتي وامي بيوم من الايام
