غلطة مراهقتين
الحلقة الثانية
كهرمانة
سألوا الطرفين على بعض ...
ام هيفاء أخت العروسة ...
عيني ام أركان دزي خبر للجماعة يجون
انطيناهم مرة خلي أم عادل تجي نتفق
على المهر وبخصوص لقاء بيناتهم أبو
هيفاء ماقبل يكول امه شافتها هاي هي ياخذ مرته ويسكت ...
أم عادل ... رحنا على بيت العروس اني
وعادل حتى يشوف العروس ويحجي
وياها واهم شيء هي تشوفه مثل
ماهو ... وخالاتة وام أركان ... دخلنا
بيتهم رحبوا بينا وتفاجأت بردهم على
عادل ماقبلوا يدخل يشوفها كالت انت
وصفيها اله وهاي هي أنتهت الشغلة
عادل يبين نفسه هو هادئ بس داخلة بحر هائج كال
هذا هو اني ابقى بالفرع انتظركم من تخلصون ...
تم الإتفاق على المهر الحاضر والغايب
وكل أمور الزواج العروسة قدمت المي
والعصير وهي كل شوية تبتسم وتطلع
صوت بضحكتها واحنا نسولف نكطع
سوالفنا على إثر ضحكها تطلع صوت
بضحكتها وتسوي حركات غريبة بأيدها
تحك بشعرها ... شوية واشرتلها أختها
بنظرات غاضبة تطلع برة اشوفها خافت
منها وجهها بقى ينطي ألوان وطلعت بسرعة ...
عادل ... قبل لا تصير الخطوبة رسمية
رحت بنفسي و سألت عنها هي بالتحديد
كل واحد سألته عنها كال هسة من عندك
عرفنا عدهم بنية ما متزوجة فرحت
وكلت اي هاي تمام يعني ماالها لافوته
ولاطبه مثل مااريد دجاجة مصلحة
ماتعرف شي ... بعدين صدمتني اختها
ماقبلت نتشاوف ليش شبيه ما خلوني
اشوفها إذا ماموافقين بيه ليش انطوني
مرة منهم ... خاف البنية مجبورة عليه
اني مااتحمل واحد يشفق عليه هاي هي
من تطلع امي منهم اطلب منها تخربها
مااريدها بعد وطابت نفسي من العرس
أنت تقرأ
غلطة مراهقتين
Literatura Femininaتدور أحداث القصة حول شقيقتين اقترفتا غلطة أودت بهما إلى ما لا يحمد عقباه ... فما هي تلك العواقب تجاه غلطة مراهقة طائشة 🔞🔞🔞
