مثل ساعة المحشر ساعتي بفركاكـ،
القيامه اشعر فركتكـ في حذافرها
لو عدها حبيب الساعه حست جا
وجا هسه اعله حالي انكسر خاطرها
الساعه بفركتك يكبر عمرها هواي
من تعبر دقيقه يصير منظرها
عجوز مكرمه وعميه اعله عكازات
وشارع عام اكو وتريد اعبرها
انا وبالعكارب حمه وجنت بيت
تجرجر بيه مره ومره اجرجرها
جم زيج التمرعد من زهكت اعليك
جم ياخة الزمان بغيبتك عتلي
تجي بحلككـ يطكطكـ بالعلج بطران
وانا كومة شماته مجالبه لجتلي
هلاهل علي ذبو كومه اليكرهون
وللكاع الشماته جفوف هزتلي
انا جثه وتدور كبر تغفه اعليه
انا بيا حال والدفان يغمزلي ؟
شنو شضل شبقه شبيه شبعد شليت
شرد شرجع شسوي بعشرتكـ شلي
شلم شجمع شعبي شباقي بيه شضال
شحسب شرتجي يالشكشكت شتلي
بهتانآ وزورآ عشرتكـ وياي
الخمر والميسر اشرف منكـ اثبتلي
بجه السابع فرع مو بجه السابع جار
لمن سمع انكـ راح تتركني
_شاماتي
YOU ARE READING
معاتب العاشكـ هيل ... "
Poetryيبنيه اعرفج بيج احس ... خوافه مو مالت # عرس شيطلع اعليج الضوه ؟
