#قصـة_قـتلـت_أمـي
ملاحظة القصة كاملة كاملة كاملة
قصـــة ڪـــاملــة لعيـــونكم
اوجـــعتنــي قــسوة قــلــوبهم
بحـــجم الكــون
وﻻ زلــــــت آردد...♥
صــبرآ يــاقلــبي فــقـد تكـــووووون
آخـطـاء غيــر مـقـصوده.♥
.......1....الى العاشر والاخير
...........القصه حقيقيه ...لكن قديمه بيهه جرئه لاكن الله شاهد موقصدي الانحراف او شي
رحت ع المستشفى دخلت على غرفة الدكتور الاختصاص المسؤول عني حتى اخذ موضوع البحث مالتي ...
=صباح الخير دكتور ...
=اهلا دكتور صلاح تفضل استريح ...
=شكرا ..
=موضوع البحث مالتك حيكون عن القتله والمجرمين..
اريدك ترفع راسي وتطلع بامتياز ...
=ان شاء الله دكتور ...بس شلون اوصل للقتله ...وشنو نوعية الموضوع المطلوب ..
=حضرنالك كتاب من وزارة العدل تروح على السجون
وتختار احد القتله ...بس اريدك تختار قضيه مميزه وغريبه
تكون قضيته ممطروقه واسبابها قويه وتعرف حالته النفسيه
اريدك تدرسها من كل النواحي وبشرط اذا جبت امتياز ع البحث ارفعها للوزاره ويخلوها من ضمن البحوث الي تدرس بالمنهج ....
=شكرا دكتور رفعت معنوياتي ...وان شاء الله يكون البحث مميز ....
اسمي صلاح خريج كلية الطب وخلصت اقامه وممارسه
وقررت اخذ اختصاص وبسبب معدلي الضعيف بالتخرج
ما قبلني اي اختصاص غير الامراض النفسيه
للعلم كان حلمي اصير طبيب اطفال (ليلان )
بس الحظ ما اجه وياي عدل ..
بالبدايه كنت رافض الفكره لان اصحاب الامراض النفسيه
يحتاجلهم صبر وحذر وتعامل خاص
واني ما عندي قدره ع التحمل ..
صعدت بسيارتي ورحت على دائرة السجون بغداد ..
دخلت ع المدير ...
=السلام عليكم ...
=وعليكم السلام ...تفضل ..
=اني دكتور صلاح وعندي بحث عن القتله وهذا كتاب من وزارة العدل يسمحلي التقي بيهم واختار واحد يكون موضوع البحث مالتي ...
=اي اهلا وسهلا ...هسه اخليهم يجيبولك اضابير القتله
بس اغلبهم محكوم اعدام ...
=مو اشكال ان شاء الله منستغرق وقت طويل ...
=سعيد ...جيب فايلات واضبارات الحمره (اعدام )
=سيدي ذني الفايلات حوالي ٣٠٠ حالة اعدام ...
=شكرا تكدر تروح سعيد ...
=شوف دكتور هاي الاضبارات بيها كلشي حتى كشف الدلاله تكدر تشوفهم وتختار واخذ الوقت الي يعجبك ...
=شكرا سيدي العميد ....
اخذت الاضابير وكعدت اكلب بيهم وحده وحده
اغلبها جرائم مألوفه ..
القاتل اخوه علمود الورث
والقاتل جيرانه علمود عركة اطفال
والقاتل زوج عشيقته ...
بدت اثار الياس تطلع عليه ...
مابيهم شي يلفت النظر او يجذبني او غريب او يلفت النظر
جمعتهم وكلت خل يكون اختياري عشوائي ..
تحركت شويه بدون ما ادري وكع كوب الجاي ع الاوراق
بسرعه رفعتهم ...
وكعت وحده من الفايلات ع الكاع وطشرت اوراقها ...
دنكت اشيلها واجمع اوراقها ...
انتبهت على صورتها كانت بنيه تشبه الهنديات
عيون كبار وما لابسه حجاب بالصوره
كلبت باوراقها ...
اتفاجأت ...
قاتله امها ....
قضيه غير مألوفه الام تكون شي مقدس عند الانسان ...
وخصوصا عند البنات ...
تصفحت الاوراق كانت معترفه بدون تعذيب
وكشف الدلاله كامل انتبهت على موعد اعدامها
كان يوم ١٩٩٨/٧/١....يعني باقي ٤٥ يوم حتى يعدموها ...
بهاي الحاله لازم اشتغل بسرعه بسرعه ...
طلبت من سيادة العميد ان التقي بيها واسولف وياها
ما اعرف ليش شدتني وخلتني افكر بقضيتها
العميد من شاف فايلها ...
كلي شوف ابني هاي الابنيه اعترفت هي الي
راحت على مركز الشرطه وكان
وياها سلاح الجريمه ...
وسلمت نفسها ...
اعترفت بدون أي ضغط عليها ....وتصادقت اقوالها
حسب كشف الدلاله وانحكمت اعدام ....
....بعدها بثواني صاح على شرطي وطلب منه ياخذني
على زنزاتها ...
حتى اسولف وياها ....
كنت مستعجل لان ماكو وقت ...
فتحت باب الزنزانه كانت معتكفه على رجليها
وكاعده بزاويه ....
سلمت عليها ...ماجاوبتني ...
كعدت يمها سالتها عن اسمها ...ماجاوبت
ركزت على وجهه كانت هنديه بلا منازع جمال
وطول وجسم صحيح خمريه لكن كانت تجذب الناظر الها
حاولت وياها بكل طريقه مافاد لاحياة لمن تنادي ...
عفتها وطلعت ...
وقررت ارجعلها ثاني يوم ....
رجعت ع البيت سبحت واكلت اخذت نسخه من اضبارتها
قريت اسمها ..زينب فلاح عواد .....
عمرها ٢٨ سنه ....
ربة بيت ....مطلقه ....
نمت على جربايتي التفكير براسي كل
شويه فكره مامعقوله تقتل امها لو نغله لو مخبله
مهما سوت الام تبقى أم والها فضل ...على ابنائها
ياترى شنو الصار وشنو الخلاها تقتل ....
بقيت افكر لحد ما نمت وما كعدت الا على صوت أمي
اكعد صلاح تأخرت على شغلك ....
صبحت على امي وسبحت واكلت لكمه ع السريع
ورحت ع السجن ......
دخلت السجن وسلمت على العميد
اخذني الشرطي الزنزاتها كعدت يمها جابلي الشرطي
كرسي وكوب جاي ...
طلبت منه يجيبلها جاي وكتله عدنه سوالف هواي اني وياها
يــتــبــع
...........
للقصه البقيه
اتفاعلو حت. اكمل
تصويت +تعليق + مشاركه +متابعه
أنت تقرأ
قتلت امي!!
Mystery / Thrillerقصه بنت قتلت امها وسلمت نفسها للشرطه وحكمها الاعدام تابعو القصه لتعرفو ماهي الاسباب التي دفعتها لقتل امهاا. !!!!!
