قتلت امي!!

البـــارت الثـــانـــي

.... ....قتلتُ أمي .....2..
....القصه قديمه ....

بعد ما جاب الشرطي جاي خلاه ع الطبله
بصفي لأن أني كنت كاعد على كرسي
فتحت الجنطه مالتي وطلعت بسكت
وانطيتها ...
بالبدايه ما اهتمت ورفضت لكن بديت احاورها
بطريقه اخرى ... كدرت اجذب اهتمامها ...
تعندت وتخوفت لكن قبلت
اخذت البسكت وبدت تغمس البسكت بالجاي
وتاكل ....
الاكل يخلي الانسان يشعر بالفرح
ويحفز هرمون السعاده ...
انتهبت عليها وهي تاكل كانت ايديها
نظيفه وطريقة اكلها تشبه بنات الاثرياء
اضافر طويله مرتبه وشعر طويل نظيف
وهادئه .....
كلما تحاول تنتبه عليه اسوي نفسي اكل ....
من خلصنا انطيتها مي شربت وشكرتني
كان صوتها موسيقي ....
كنلها احجيلي عنج شويه...
صفنت شويه ولزمت الثوب بايدها حيل
كالت شتريد تعرف ...
=شعورج ...
=مثل شنو ..
=وانتي راح تموتين ...
=الله يكول لكل اجل كتاب ..
=صدق الله العظيم ...لكن خايفه انتي ؟؟؟؟
=من شنو ...
=من الموت ..
=لا...
=شجاعه ..
=حماقه ....
=شنو تحبين ...
=الحياة ...
=شنو تكرهين ...
=الخيانه ...
=اسوأ مراحل حياتج ..
=زواجي ...
=اجمل ايام حياتج ...
=ايام الدراسه . ..
=شنو تتمنين هسه...
=ولا شي ...
=لان راح تموتين ...
=لا ...
=اذا ..
=الي مثلي ميحقله يتمنى اي شي ...
=غلطانه ..
=متوهم ...
=الحياة حلوه .....
=لجماعتها ...
=انتي حلوه ...
=انتي مثقفه ...
=الايام علمتني ...
=متحدثه بارعه ...
=الدنيا مدرسه ...
استمر الحديث وياها ساعتين بهاي الطريقه ...
وبعدها عفتها وطلعت ...عرفت هي
ذكيه ومو سهله اذا الشرطه ماعرفت ليش هي قتلت
امها ...ليلان حكمت
اني شلون ....
رجعت للبيت وراسي يدور بي الف سؤال ...
حاولت اشغل نفسي بغير امور
ما كدرت شغلت كل تفكيري ..
حديثها لايمل نظيفه .جميله عكس ما مكتوب بالاضباره
هي من عائله نشأت بالريف وبسيطه ....
دخت نمت وما اعرف شنو حيصير باجر الصبح ...
كعدت الصبح متلهف اروح للسجن ...وكلي أمل هي تقتنع
تحجي ليش قتلت امها .....
سقت السياره بطريقه جنونيه ....ما اعرف ليش ردت اوصل بسرعه يمكن لان ردت استغل كل دقيقه وياها ....
شي جذبني الها خلاني بس اريد احادثها ....
دخلت للغرفه ع الكرسي كعدت ......
=صباح الخير ...
=صباح النور ...
=نسولف ...
=عن شنو ....
=بكيفج ...
=حدد...
=اخاف تزعلين ...
=لتخاف اسال ...
=ليش ...قتلتي ...امج ....
صفنت ودنكت ثواني بعدها رفعت راسها ليفوك ونزلت
دمعه من عينها وكالت وهي لازمه ثوبها بقوه أوووووف يانار الاحباب .....
=مستعد تسمع ...
=كلي أذان صاغيه ...
=القصه طويله...
=اريد اعرف من الطفوله لحد هذا يومنا ....
=يمكن ما الحك ...وانعدم ....
=لتخافين نلحك ...
=مستعد ...تسمع ...
=حسجل بجهازي كل كلمه ...
دارت وجها ع الجهه الثانيه وكالت راح احجيلك
كلشي ...
مو لان انت طبيب وتريد تسوي بحث ...
بس اني اريد احجي اريد احد يسمعني
ويزيح الهم عني ....
=طلبا للغفران ...
=لا ...
=احجيلي ....ليلان حكمت

انولدت بعائله ذات دخل محدود بسيطه
والدي ابن عم امي يتيم رباه جدي ابو أمي
بيبتي اهتمت بي ومافرقت بينه وبين ولدها
من خلص الثالث متوسط بطل من المدرسه
وصار يشتغل بمعمل الطابوق ...
جدي حاول يرجعه للمدرسه لكن هو رفض
حب يعتمد على نفسه ...
جدي انعجب باصراره وعصاميته قرر
يزوجه وحده من بناته ...
وقع الاختيار على سليمه الي هي امي ...
أمي او سليمه ...
انسانه بسيطه فقيره خياطه ماهره فنانه بالخياط
بعد الزواج ابويه انتقل يعيش بيت
امه بالعشوائيات .....
بالمناطق الريفيه ....امي عدها كم قطعة ذهب وعلى كم
فلس من ابويه فتح بسطيه زغيره
ك مصدر رزق النا ....
وامي اشترت مكينه وصارت تخيط لنسوان المحله
طبعا

الخياط والبسطيه ماكانوا يدخلون وارد جيد للبيت
ومو دائما امي كانت تخيط
لان ريف والخياط قليل ..
والحمل والولادات وشغل البيت وطفل فوك طفل ...
تركت الخياط ...
صار اعتمادنا على بسطيته ابويه ...
يوم اكو وعشره ماكو ...
كثرة المشاكل ..امي ذات الشخصيه القويه
وابويه الخضوع ذات الشخصيه الضعيفه ....
صار تنافر بالبيت وكله يطلع بينه احنه بناتها الخمسه
من تتهستر يطلع الكتل بالصونده ....
ابويه كان ميكدر يحجي وياها لان يخاف من اهلها واخوتها
خصوصا بعد ما تمرض وبعد مايكدر يشتغل بسبب
الحرب العراقيه الايرانيه واصابته خلته طريح الفراش سنتين ...بعدها رجع ع الجيش لكن بالخطوط الخلفيه
صار الضغط على امي اكثر واكثر ...
امي صحيح طيبه وتحب العائله والمحافظه
لكن تتأثر بالعوامل الخارجيه
اذا واحد مدحها وكللها انتي حلوه وزغيره وبناتج مبينات اخواتج تتاثر وتتعارك وتصير مشاكل لمدة اسبوع ....
كثرت عليها الطلبات
راتب ابويه الجندي ميكفي ومصاريفنا ومدارسنا
وطبيبنا ...
صار ضغط هواي على امي خصوصا من كانت تجيها
نسوان تخيط يمها وتشوفهن مرتبات وهنه بنفس عمرها
وماعدهن جهال تتأثر وتنهار .....

ولقصتنا بقيه ....
اتفاعلو. تعليق +تصويت  حتـ̝͒͟ـهہ اكمل