قتلت امي!!

البارت الرابع

.....قتلتُ أمي .. ....

حاولت اناااام ما كدرت بقيت
الليل كله افكر بيها هيج بنيه مثقفه من تتكلم
ما تخطأ بكلمه جميله نظيفه
واعيه ليش قتلت امها ...
وليش الشرطه ما كدروا ينتزعون الاعتراف منها
قررت الصبح اروح ع العميد وافتهم السالفه ..
الصبح ....
رحت للسجن وبوجهي على غرفة العميد....
=صباح الخير ...
=صباح النور اهلا دكتور تفضل ..
=زاد فضلك ...الحقيقه اني عندي استفسار صغير
حول المجرمه زينب ...
=اي كول ..
=هي بتقريرها ما ذكرت هي ليش قتلت امها ..
=شوف هي اجت للمركز بعد تنفيذ الجريمه بفتره
وبيدها السلاح ...وحتى بكشف الدلاله تكلمت بدون اي خوف ولا حتى بجت ...
=هل كان اكو مشتكي عليها ..
=من عائلتها ماكو ولا كدرنا نتصل بيها بس حسب المعلومات
اخواتها بالخارج حتى اخوها ...
=وابوها ...
=متوفي ...لكن المشتكين اخوالها تهموها قاتله امها ...
=هل كانت امها انسانه منحرفه ...
=تقرير الطبيب الشرعي يؤكدعدم ممارسة امها للجنس من مده طويله ....
=معقوله ...
=اي معقوله ....

طلعت من غرفة العميد واني مذهول اذا امها ما منحرفه
ولا طالعه عن الطريق ليش قتلتها .....
اخذني الشرطي للزنزانه مالتها ...شفتها كاعده تقره قران
من شافتني ابتسمت ...كان عدها غمازات حلوات ...
=صباح الخير ...
=صباح النور ..
=اتمنى ما اكون قطعت عنج القراءه ...
=لا اني خلصت ...الحمد لله ..
=الحمد لله ...نكمل ..
=اي نكمل ....

خلصت الثالث متوسط وبديت افهم اكثر وصرت احاسب
امي ع الزغيره والكبيره ...
لبسج ..مكياجج ...لطلعين راسج من الباب ...
على كلشي ...حتى اذا ضحكت او تكلمت بكلام كدام اخواتي
كانت تتعارك وياي وصارت تحجي وادكول
انتي مو بتي انتي شريجه الي ...
.....كنت ما اهتم ...وكنت استمد القوه من كلام ام داخل
دائما ادكلي انتبهي على امج وتصرفاتها ....
وصرت حتى ع المصرف احاسبها ع المسواك ضايقتها
كلش ...مو كرها بيها لا والله
لكن خوفا عليها خصوصا ..من اخواتي كبرن وبديت الاحظ
يكتسبن طباع امي ...
وبيوم كنت نايمه الظهريه ...اندكت الباب بقوه ...
فتحت اختي سوسن الباب كانت سياره بيها
من جماعة الجيش الشعبي بيك أب ..ووياهم ابو هادي من جماعة المنظمه الحزبيه ...
وشايلين واحد بدوشك ومغطينه بجرجف ...
سمعت اخواتي يعيطن لا بابا شبيك بابا ..
طلعت اركض شفت ابويه متصوب واصوابه بظهره ...
وصار لا كومه ولا كعده ....
امي تأثرت وكالت ناخذه للمستشفيات نعالجه
بقينا حوالي شهر ما اعرف شهرين نعالج بي
كل دكتور يحجي شكل وكل دكتور ينطي علاج شكل
لكن ما صارت جاره لابويه ..
صار طريح الفراش يقضي حاجته جواه
وكثرة ديونه لان يحتاج علاج واكل خاص ...
شغل المكينه ميوكل ولا يكفي مصاريف
والتقاعد مالت ابويه...يادوب يكفي مراجعات اطباء
وعلاج ...

الياس سيد الموقف وامي انهارت وصارت ادك وتلطم
منين الله سلط عليه فلاح ليش هيج يابه
ظلمتني بهذا الفكر هالنوب اصوب وحرت بدنياي
وتلطم وتشلع بشعرها ....
كومة لحم عاف على كلبها ....
=واقربائكم ...
=لاحياة لمن تنادي ...
=جدج ...
=بعد اصابة ابويه باربع شهور تقريبا توفى ..
=اخوالج ...
=مخانثه كل همهم نسوانهم ..
=خالاتج ...
=ساعدونا لكن مساعده خجله هاك بس لذب حملك عليه ..
=كملي ...