زهرة الفصل الثاني بقلم سوزان المندلاوي الناشربارق العراقي

الفصل الثاني الجزء١١ بقلم سوزان المندلاوي الناشربارق العراقي

#مساء_الورد💜
#قصة_زهرة
#الفصل_الثاني
#الجزءالحادي_عشر
#بقلم_سوزان_المندلاوي
#الناشربارق_العراقي

اسمع احد ورايه ..
كال ..
تردين تشوفي ..مو ..
اندار هذا منير وبايدة اكل..

ذب الاكل بالكاع ..
اني جمدت بمكاني ..

اجة يمي ..

كال ادورين عليه ماكو مو راح ؟

تريدين تشوفي ..جرني من ايدي روووحي شوفي ..

روووحي ..شوفي كم عكال راح طيحين ..

روحي ..عليه ..

ولج انتي شنوو اريد افتهم ..

تفترين بدائرة وحدة فارغة فاااااارغة ..

لا تفهمين ولا ناوية تفهمين شي ..

بقيت ساكته ماعرف شنو اردة ..

ولا اعرف اصرف شي ..

اندار يباوع ..ماكو شي ..يمنا يسرى ..

ضلت عيوني بس تباوع عليه ..

رفع ايدة ..

كال اقسم بالله ..طحتي من عيني حييل ..

رجعت ليورة ..وايدة فوك راسي ..

كلما ابتعد يقرب...

غطيت وجهي ..

وغمضت عيوني..

كال امشي ..
وين فدوة ..
داكولج امشي ولا نفس ولا حركه ..

عوفني هنا بيت اهلي .

امششي طلعي كدامي ..جان عصبي حيل .
ومردت العرس ينكلب عزة بسببي ..

طلع كدامي ..ومشيت وراه ..

اندار عليه لبسي عباتج وامشي ..

منير فدوة شراح تسوي بيه ..

اذا تذبحني ..اذبحني هنا ..

ووالله مسويت شي بس اعاين ..

اندار عليه..كال امشي زهرة

لا والله هسة اروح احرك المختار وجهاله كلهم .

طلعت بسرعه ..لميت غراضي ..

بين الهوسه اختي كالت وين ..

درت وجهي عليها ودموع بعيوني ..

وعفتها ومشيت اسمعها تصيح زهرة

زهرة ..اجت ورايه شكو زهرة
كتلها ماكو شي منير ضاج وراح نرجع
بوستها و

مشيت من الكراج

مشى بصفي كال غطي وجهج ..

مشيت وراه ..

رغم عقلي ع كدي  وعدم دراستي اعرف الي تعشك هنا تنكتل..

كلت هاي نهايتج يازهرة

هاي موتج ..مابيها مجال بعد ..

راح يكتلج ..منير ويذبج بالجول ..