خسرت طفولتي

حياة جديده

.
.
.
.
.
كريمه بعد ماودعت عمه نوران ومهند وفاطمه

ركبت بسياره والي علساس (بابا)  حط جنتي

بلسياره  وركبت بلسياره سودة اشويه طويله

عاديه وودعتهم الوح ابيدي من الجام

والدموع تجري بدون اذن عبالك شلال احساس

بلغربه فقدان للاحبه لثاني مرة انكسار بعد انكسار

عمه نوران الي مجان اله غير حل وهذا قانون

الميتم و فاطمه الي كانت اختي الجبيرة الغاليه اشكد

حاولت تجي ويايه بس مقبلوا تباوعلي بعيونها

عتب وحسنه ومهند الي فقد عزيز على قلبه

بعيونه حجي هواي مكدرت افسرة اشكد حاول

يخلصني لكن حكم القوي على الضعيف الظروف

كانت اقوى منا وهذا مصيرنا بلاخير

ماادري اذا كانت هاي الحظات الاخيرة او لا 

وانطلقنا وبدت رحلتي الى طريق هل هو طريق

نور او ظلام الله اعلم . طول الطريق واني

اباوع من الجام وحاظنه لعابتي المخيطه

شفت الناس وشوارع الله والهوة الحلو حسيت

باحساس حلو اشوف الاطفال اشلون يلعبون

والبنيه الي شابكه ايد امهه وديشترون وغصت

باحلامي وافكاري الخوف من المجهول وقاطعت

زينه صفنتي حبيبتي كريمه اشبيج الطريق كله ضاربه صفنات هههه

. هاا لا دافكر بيهم خطيه فاطمه راح تشتاقلي

خطيه .

زينه :اني وعدت ست نوران اني اوديج الهم
بعد شكو وهسه نروح للبيت ونلعب سوة
وناكل وتفتر واشتري الج ملابس حلوة واسجلت
مدرسه احسن وقريبه بعد شتريد الحلوة

.كريمه :غرتني بصراحه طفله من حقي احلم واشوف احلامي تتحقق

فرحت كلش واخيرا راح يصير الي اتمناه

،صدك خاله اني احبج انتي حبابه وطيوبه
بس فطومه ليش مااجتي ويانه

.ضرغام :يلا وصلنا نزلوا