زهرة الفصل الثاني بقلم سوزان المندلاوي الناشربارق العراقي

الفصل الثاني الجزء ١٣ بقلم سوزان المندلاوي الناشربارق العراقي

#مساء_الفل
#قصة_زهرة
#الفصل_الثاني
#الجزءالثالث_عشر
#بقلم_سوزان_المندلاوي
#الناشربارق_العراقي

كلي حجي العالم هواي يازهرة

وانتي بعدج جاهله ..

ولازم تزوجين ..

ومسير عليج ابن ابو صكبان

صح هو مزوج وجبير بس خوش وليد
وراعي بيت ..

وانتي ابن عمج مارحمج وطلكج زهرة ..

اني راضي ..بي ..

وحتى خوانج ..
واتفقت ويا الزلم ..تمشي اليوم بعد المغرب ..

ومنا للجمعه تزوجين ..

خوش بويه ..

كتله يابه لا تظلم بختي فدوة اروح الك

لا صكبان ولا غيرة ماريد ازوج

دخيلك يايه ..

كال زهرة هو مرته ميته والج اجر تربين جهاله..

واني لوما كال بيت بوحدة وانتي موافقة.مارضى والله

هل عالم تبقى تنهش بلحمج نهش..

يابه  ماموافقة مازوج ماريد ..

اجة وطبطب ع جتافي ..بعدج جاهلة ماتعرفين وين مصلحتج ..

اني اريد ازوجكم واطلع من خطيتكم

امج الله لا ردها ..اذا اموت ..اتهدكم بشوراع

كام مشى ..

يابة بس اسمعني دخيلك .

ماريد ازوج .
شنو ماكو غيري بالديرة ..

ماريد والله ..

لا صكبان ولا غيرة

ورحت علية وكعت ع ايدة

فدوة اروحن الك ماريد ازوج ..

كالي ..زهرة انتي مو رضيتي ..وكلتي لامج..

اي زوجوني..

كتله لا والله لا حاجية ولا كايله ولا الي نيه ازوج ..

زهرة امج صارلها كذا يوم تنك براسي وتكول اقبل البنيه ..تريد زواج ..

بالاثناء ..طبت امي .تضحك بوجوهنا .

ونزعت عباتها ..وعلكتها ...

شبيكم الوجوة مچفايه ..

لزمها من شعرها ..
وجرها ..

كلها ع بيت ابو صكبان شكلتي

ضلت تمتت ..احجي شكلتي ..

كالت ماكلت شي ..

ولج مو كلتي زهرة مواففقة وتريدة

من عزة بعينج كون ..

ولج اني شنو بالبيت خراعه خضرة ...
وبكيفج سوين