زهرة الفصل الثاني بقلم سوزان المندلاوي الناشربارق العراقي

الفصل الثاني الجزء١٨ بقلم سوزان المندلاوي الناشربارق العراقي

#مساء_العافيه
#قصة_زهرة
#الفصل_الثاني
#الجزءالثامن_عشر
#بقلم_سوزان_المندلاوي
#الناشربارق_العراقي

صعدت بسيارة ..ومشت بيه ..

بقت عيني ع خالتي ..

وهي تسد الباب لحد ما ..ابتعدنا عن شارع ..

اخذت نفس ..رفعت راسي ..

من طلعنا الفرع ..انتبهت اكو افران براس الفرع ..
اعاين ع الي يسوق ..

كتله فدوة الناس الي راح توديني الهم خوش اوادم ..

عاين عليه من المرايا ...دنج

ولا حجة شي وعلة الراديو ...

جريت الجنطه ..كلبت بيها
اتاكدت بقجة الذهب موجودة ..

طلعت الفلوس وضميتها وياهم ..

درت وجهي وكمت اعاين ع المحلات ..

والناس ..

والدرب ياخذج وين يازهرة
ومنهو هالعالم الي راح تلبدين يمهم ..

وشراح يصير بيج بعد ..

كل شويه اعاين ع الرجال ولا نطق حرف ولا كال ..

ضليت ادردم ويا روحي
اوف يازهرة هذا حالج

مثل الي بايك اله بوكه من مكان لمكان يشرد

زين هذاالحجي شيريد مني شيصخم بيه

شصخمت بروحي اني
وبقيت احجي ..
والظاهر صوتي مسموع جان

الولد كال ..اختي محتاجة شي ..

كتله اكولك اذا اصعد منا ل ...شلون

كال شنو منا ..
لازم ترحين للكراج ..

لو العلاوي لو النهضه الاثنين يودوج

كتله وهذا شكد بعدة منا. .

كال اني الي عليه اوديج ..

للمكان الي كالولي عليه

مكالو اوديج ....

كتله فدوة لعينك وانت مبين خير ..

اريد اروح لاهلي ماريد لا خالتي ولا غيرها ..

كافي تبهذلت هواي ..

كال وصلنا ..احنا...

وصلنا لمنطقة ..حلوة تخبل ..

وشوارعها نظيفه وجديدة ..

خاله ايدي ع خدي واعاين ع الشوراع

من جيت بغداد لليوم محبوسة هالحبسة لا اطلع ولا اطب بس كاعدة بلبيت ..

استدارت السيارة ..

بفرع وبدت البيوت تكبر ..وكل بيت 3طوابق

والبوب مالتها ابيض وذهبي واسود ذهبي