مكتوبتلك

الحلقة الثانية

الحلقة #الـثانـية 2⃣
.
.
.
#مكـتـوبـتـلـگ❤
.
.
.
.
.منقوووولة
.
.
.
.
.
.
احمد..طالعة تهبلي
قمر..😭يانااااااس تعالووووليييي 😭😭حووووووول
احمد..اطلعي هي
طلعت قمر وطلع وراها احمد
.
.
.
قمر..واني طالعة من دار الخزين لقيته قدامي😔وهدا الي صار
اني..وطبعا لما شافكم الزوز طالعين فكر انك تكدبي عليه وانك تلعبي ع الزوز
محمد..لا مافكرتش هيا هكي😡
اني..محمد بلا هبال البنت تبكي وتحكي هدا كله مش مصدقها معقولة قمر حبيبتك تهون عليك هكي تسيبها معقولة تصدق بعد حب سنين تصدق انها ادير فيك هكي؟؟ قمر بنت عمنا اول حاجة تاني شي اني نعرفها من صغرنا واحني مع بعض مستحيل ادير فيك هكي حتى بعد سيبتها ..
قمر..خلاص شمس معاش تحكي الي صار
اني..لا بنحكيله شن صار فيك وشن درتي
قمر..قتلك خلاص شمممس
محمد..شن صار!!!
قمر..مش مانهمكش اني باش نكدب عليك باش اني وحدة حقيرة خاينة ونكدب عليك وحدة طماعة وتبي فلوس بس؟؟؟ خلاص برا ورا الي صدقتهم تو ينفعوك
طلع محمد وصلفق الباب
اني..هي ننزلو عطلنا عليهم
قمر..علاش هكي والله بعد ارتحت فكرني في الماضي😭
اني..غر هيا وراس وخيتي هيا
قمر..قلبه حجر مولي
اني..حرام عليك والله حتى هوا شوق ماصار فيه غر هيا نوضي
قمر..باه 😢
ناضت قمر غسلت وجهها ونزلنا
ماما..وينكم هدا كله وبعتلككم محمد مات معاكم😅
اني..هههه اي خدتنا الهدرزة مع بعض😅
قمر..💔
محمد..هيا يام بنموت من الجوع
قمر تشوفله وساكتة💔
محمد مرة مرة يخنب في نظرات ليها
ماما..ناديت خوتك
محمد..
ماما..محمممد ناديت خوتك؟☺
محمد..ااه ايه ناديتهم
بابا..قمر بنتي كولي خيرك؟
محمد شافلها
قمر..حاضر ياعمو
قعدت قمر تاكل وماغير نية بالسيف
اني..بابا اليوم جانا الامتحان ساهل😍
بابا..باه الحمد لله
يوسف..ماتبيش تبطليها العادة هدي من صغرك وانتِ تقولي فيها
اني..ايييه كانا عجبك😒
يوسف..لا مش عاجبني🙂
اني..اي ياحنة معاش عاجبه شي من لما خطب اميرة😒
حازم..قصصف مشت جبهتك😂
يوسف..كولي سلم وخيتي كولي
قمر..😂
محمد سارح في قمر كيف تضحك
ماما نخصت بابا وقعدو يشوفولهم
بابا ابتسم..محمد محمد
محمد..ااه نعم
ماما..وين ساررح من بكري😂
محمد..لا شي شن في
ماما..بعدين نبوك ترفعنا بنشرو حجات عرس خوك بعد شهر
محمد..انتِ قلتيها عرس خوي مفروض الي عرسه يرفعكم😊
ماما..لالا خوك مش فاضي بترفعنا انت هي نوضو يابنات البسو
قمر..ااا مرت عمي اني نبي نروح
محمد شافلها..تو نخطمك
قمر..شكرا🖤
ركبت تجري وخانقتها العبرة
ماما..ياحمار باهي
محمد..منو اني؟؟
ماما..اي انت كيف تدوي هكي تقول قاعدة ع قلبك البنت😞
محمد..هي قالت بتروح قتلها تو نروح بيك هي وتو روحكم دقايق نلقاكم قدامي
ماما..شفته ولدك هدا معاش يتحشم😡
بابا..ربي يهديه
ركبو يبدلو ونزلو
قمر..مانبيش نركب وراه
اني..والله ماك راكبة الا وراه وتعالي جاي بري اركبي داري في مكياج ديري وجهك ومش حتروحي طول هي بري اجري
قمر..لالا فكيني
اني..قتلك اني بري تو تشوفيه كيف يولع هو قبل مانعه عليك والا خلاص ماليشي علاقة هو سيبك مش انتِ هي نووضي
قمر..اووف باه
ناضت قمر ركبت دارت وجهها ع الخفيف وزادت حلاوة 😍 ونزلت مشت ركبت معاهم
محمد عدل المراية عليها وشافها
ماما..ارفعنا قبل بعدين واحني مروحين نروحو بيها
محمد ساكت وماتكلمش ويغلي من داخل
اني رقصتلها حواجبي..😎😂
قمر ابتسمت
شرين فون محمد
ماما..خيرك رد
محمد..مش وقته
شرين مرة تانية وتالتة
ماما..رد كنهدا نرد اني
اني..رد محمد ماما عندها فوبيا مع الي مايردش ع الفون😂😂
رد محمد وهو متعقد..ايوا
هيام..ها حميدا شن جو
محمد..الحمد لله كيف حالك انتِ
هيام..الحمد لله بالله وراس حميدا تشريلي كرت ليبيانا نبيه ضروري ومانقدرش نطلع اني توا
محمد..شن تبي فيه؟
هيام..نبي نفتح بيه نت انت تعرف ظروف مافيش نت وهكي واني ضروري نبي ناخد فكرة ع مشروعي الي بنديره وراس وخيي والله غدوا نعطيك الفلوس غر مالقيتش غيرك
محمد..باهي حاضر تبي حاجة تانية؟
هيام..لالا صحيت وخيي
محمد..سلمك هي سلامات
هيام..مع السلامة😊
شبح محمد من المراية لقي قمر عيونها معبيين دموع
محمد..😊
ماما..منو هدي الي تقولك حميدا
محمد..وحدة يام
ماما..ومن هيا الوحدة هدي ؟؟
محمد..تو تعرفيها
ماما..ان شاءالله خير
محمد..ان شاءالله
اني كتبتلها في فوني ووريتهولها..خليك قوية مش ديما تبكي هو هكي يبي بس انتِ خليك قوية ويا جبل مايهزك ريح فاااهمة امسحيهم هدم مكياجي غالي ياحيوانة
قمر ضحكت بصوت..😂
اني..😂😂
محمد شبح من المراية وتعفلق ويقول في عقله
( كيف تضحك ؟؟ اني كنت نكلم حتى اختها بس ادير فيا الغبابير باه يا قمر باااه تو تشوفي مزااال الخير جايك)
ماما..محمد بشوية عاد كيف بنشوفو المحلات احني وانت تجري
اني..😂😂ماتلوميشي يا ماما
ماما..علاش
اني..لا شي غر شكله غار ويبي يتزوج حتى هوا
ماما..كانا ع هدي ساهلة
اني..ايه
ماما..اي حقا قالك بوك وله؟
محمد..شنو؟
ماما..قالك ان بعد خوك ع طول انت؟؟
محمد..نعممم؟؟
ماما..كان يبيه مع خوك بس اني قتله مانلحقش خلي بعده
محمد..وكيف تقررو هكي
ماما..ماقرر حد يومها قالك وقتله قول لي امي ادورلي
محمد..يصير خير مش وقته توا
ماما..باه
نزلنا للمحل ونزل محمد معانا
اني..شن رايك 😍
قمر..يهبل
جي محمد بيننا..دخلي شعرك يافالحة انتِ وياها وانتِ الي في وجهك تخشي توا للحجرة تنحيه☺
قمر..يكلم فيا !!
محمد..امالا منو في غيرك
اني..ماليكش بيها علاقة البنت حول من علينا خلي ناخدو حاجة باهية تدهبش شيرتنا
حول محمد وقعد واقف ومتعفلق
اني..نبي رقم 40 لو سمحت
هو..حاضر هي
طلعلي القفطان واني متلفتة نشوف في غيره
هو..يا ابلة
قمر..شممس تلفتي
اني..نعم قمر
قمر..طلعهولك
هو..قمر وشمس؟ اسمكم!؟
اني..ايه😊
هو..والله انكم قمر وشمس حق 😍
محمد..هي هي خوي تفضل شن تبي؟؟
هو..سامحنا خوي طلعتلهم القفطان بس😊
محمد..شن قلتوله!
اني..شي طلعلنا القفطان بس خيرك انت بصلتك محروقة برا مع امي شوف معاها حجات
محمد..قتلي خليني بروحي ماتجيش معاي
اني..😊باه
قمر..عليك هم😒
محمد..نسمع فيكمم
قمر..انت اصلا ديما ودانك مكبر
اني..تي ياسر عاد خلي نخش نقيسه عجبني هلبا😍
قمر..هي بري نستنى فيك
خشيت قسته..قممر شن رايك
قمر..يهبل😍عليك
اني..ناديلي ماما
قمر..اوك
مشت قمر نادت ماما وجت..قنين اي هدا خليه للدخول
اني..قبل نبيه للمحضر
ماما..ايه صح
قمر..حلو هلبا الحق
اني..خودي زيني ناخدو زي بعض
قمر..مش جايبة فلوس
اني..خلاص نولو يوم تاني
قمر..تمام
طلعت بالقفطان
محمد..شنو بتاخديه!؟
اني..ايه نبيه
محمد..باه برو للسيارة نخلص الحجات الي خديتوهم
اني..اوك
محمد..اسمعي
اني..نعم
محمد..ماتبيش تاخد شي هيا؟
اني..قالت مش جايبة معاي فلوس
محمد..اممم كم رقمها هيا؟
اني..حبيبتك تعرفش مقاسها!!
محمد..نفسه قاعد ؟
اني..ايه
محمد..تم بري هي
ركبت اني في السيارة معاهم
ماما..خيره عطل
اني..نندريش عليه
ماما..باه
.
.
محمد..عطيني منه 42 هدا
هو..اوك
خداه ودفعله..خليه عندك الصبح نجي ناخده عادي؟
هوا..اوك تمام عطيني اسمك نكتبه ع الكيسة بس
محمد..محمد فوزي الـ...
هوا..تمام خوي غدوا احني نفتحو من العشرة
محمد..تم هي ماشي
هوا..ماشي
حط الحجات في الكوفينو وركب السيارة
ماما..خيرك عطلت🙄
محمد..زحمة تشبحي فيها
ماما..باه توا ارفعنا لي الجرابة بكري يقولو في محلات جايبين حجات جديدة اليوم
محمد..زحمة اليوم يما
ماما..لا توا ترفعنا
محمد..اخ الصبر
مشينا للجرابة 😍 ونزلنا دخنا في المحلات
درنا وخدينا كل شي وقمر في من حجات حجزتها باش تجي تاخدها تاني يوم
.
.
اني..اااه يا رجليا
قمر..اني طبت نبي نرقد بس
ماما..رجيلاتي ااااه
محمد..باش تبو الجرابة هدي جرابة
ماما..هي خلاص نروحو ساد
محمد..باه
ماما..قمر روحي باتي عندنا اليوم
اني..ايه صح روحي عندنا علاش مروحة
قمر..لالا مايخلينيش بابا
ماما..تو يكلمه عمك
قمر..بس والله مانقدر
ماما..اسكتي خلاص بتباتي عندنا خلي نكلم امك
قمر شبحتلي وهي مضايقة
اني..😉
محمد..😊هي حددو شن نمشي نروح لحوشنا والا شنو!
ماما..اي لحوشنا ايوا اهلين كيف حالك
مرت عمي..الحمد لله كيف حالك انتِ
ماما..الحمد لله هدي بنقولك قمر نبيها تبات عندنا شمس مضايقة بروحها وهكي ع الاقل يهدرزو مع بعض
مرت عمي..باهي عادي ماعندهاش حوايج لكن
ماما..يلبسو من بعضهم
مرت عمي..باهي باه
ماما..هي امالا توا بالسلامة تصبحو ع خير
مرت عمي..سلمك قدامك كل خير
ماما..قتلك باهي تو نروحو وعمك يكلم بوك
قمر..باه
روحنا وقعمزنا نتعشو خدينا عشي من برا ونضنا ركبنا قعدنا نهدرزو وسهرنا نضحكو ع مواقفنا زمان وبعدين اني خلاص معاش قدرت نقاوم رقدت
قمر..شمسس شممس نوضي نبي اميا مانبيش ننزل مرات نلقا محمد😒
اني..نوضي خودي بروحك فوتيني
قمر..هفف
نزلت بشوية ع روس صوابعها والدنيا ظلام مابتش تفتح الضيات عبت اميا وهي كيف بتولي حست بنفس وراها جمدت
قمر..مم من وراي😓
قاملها شعرها وباسها من رقبتها
قمر حست بي روحها خلاص معاش قادرة توقف جسمها قشعر وتجمدت معاش قدرت تتلفت
تلفتت شبحاته لقاته هوا
محمد..اسف
قمر..ع شنو
محمد..ع الي درته
قمر..هه الي درته مايمحيشي كلمة اسف يا محمد😔
محمد..اسف والله اسف سامحيني بس يوم الي شفتكم جن جنوني😣
قمر..ع الاقل كنت افهم مني بسس كنت تسمعني بس وبعدها دير الي تبيه انت حتى ماخليتليش فرصة نتكلم او نقول من تاني يوم نسئل عليك وينك اختفيت نكلم اختك تقولي سافر💔 معقوولة تمشي وتخليني !! انت حتى ماسألتش شن صار فيا بعدك لهدرجة الثقة الي عندك فيا مهزوزة !! واني مش حنعاود غلطي تاني ونوليلك ترجيتك هلبا انك تسمعني بس انت هه ولا شي واصلا انت عايش حياتك متعرف حتى ع بنات والدليل الي تكلم فيها بكري ربي يهنيك معاها🖤💔
ركبت قمر وخلت الميا في مكانها وخشت للدار وقعمزت تبكي بقهر لعند مارقدت
.
.
اما محمد قعمز وقعد يفكر شن يدير باش هي تسامحه
.
.
نضنا الصبح لقيت قمر مش جنبي نضت طلعت حوايجي وخشيت دوشت وطلعت لقيت داري مضمومة استغربت منو ضامها زعما😍 طلعت من الدار نشم في ريحة البخور في الحوش والحوش يلمع كبهت من الروشن نشبح فيهم برا في الجنان مقعمزين وجوهم مليح شن الخيانة هدي😒
لبست شبشبي ونزلت نجري
اني..صبااح الخيررر
هما..صباح الورد
اني..شنو شنو الريحات الحلوة هدي اول مرة انوض نشمها ونلقا كل شي مضموم 😍 تي شن صاير ياهوو
ماما..قمر نايضة من الصبح بكريي نضت لقيتها اتضم ودارت الفطور مشاءالله عليها خير منك انتِ ياخميرة النوم
اني..هيييي توا طلعتلك خميرة نوم😨شكراا
بابا..😂😂هكي زعلتوها بنتي هي تعالي قعمزي جنبي افطري هي
قمر..تو نجيبلك فطورك
اني..ريتو الناس الي تفهم😍بابا خودها كنة😉
بابا..في ناس مايبوش
ماما..من الي مايبيش
يوسف وحازم وتيم شبحو لي محمد
محمد..شن تشوفولي😳
بابا..واضح يعني مش ضروري ندوي
محمد..باهي ماقلتش لا اني
اني..اصلا يا بابا محمد يبيها غر يدير في الطروح قدامنا ره😉
ماما..بالحق؟
اني..اييييه
بابا..هدا المطلوب
محمد..بكل هدي ردو بالكم تقولولها حاجة راه طول تنفضحو ماتقعدش كاتمة حاجة شي مستحييل
اني..😋😋😂
جت قمر وحطتلي الفطور وقعمزت جنبي
اني..بابا نمشو للبحر اليوم؟
بابا..خليها يوم تاني نتفقو مع عمامك ونمشو
اني..باه
محمد..الحمد لله يما ديما ديريه هدا مانعرفش شن اسمه المهم ديريهولنا😍
اني..اسمه أُمليت
ماما..مش اني الي درته قمر دارااته
قمر..ساهل تو نعلمه لي شمس
اني..لالا شكرا نبيش نتعلمه😂😂
محمد..خلاص عادي فوتو
قمر ناضت تضم في المواعين نضت اني معاها وقمناهم وخشينا نغسلو فيهم خليت قمر تغسل فيهم واني حطيت الغدي ع النار كملت قمر وقعمزنا نشربو في القهوة ونهدرزو
قمر..ع اساس اليوم بنمشي ناخد القفاطين الي حجزتهم
اني..تو بعد الغدي نخطمك تاخدي فلوس من عمو ونمشو ناخدوهم
قمر..تمام
اني..قمر
قمر..نعم
اني..عيونك باين عليهم التعب والارهاق مارقدتيش امس!!
قمر..ااااه خليها في سرك
اني..شن في
قمر..امس نزلت بنشرب اميا وتلاقيت مع خوك وتعاركنا هو اتأسفلي وعرف روحه غالط بس اني مانبيش نصلح الغلط بالغلط اني صفحة وطويتها ياما جريت وراه وقتله سامحني وهو مايبيش خليه يجري توا😏🖤
اني..عذبيه وديريله زي ما دارلك واكتر صح خوي بس انتِ اختِ وهو الي غالط مش انتِ ويتحمل نتيجة غلطاته💔
قمر..تتفقي معاي؟
اني..نتفق ومعاك للموت يا بنت العم😎
قمر..تم😉
.
.
.
وتينا الغدي وحطيناه في دار الاكل وقعمزنا كلنا تغدينا ونضنا
ماما..خلوهم تو نقيمهم اني انتم يادوب تمشو تشوفو حجات ليكم
اني..تمام
ركبنا بدلنا ومشينا لي حوش عمي
قمر..مامااا تاحششتك😍
مرت عمي..نورتي الحوش😍 يابنيتي اهلا اهلا معاك شمس
اني حضنتها..مرت عمو كيف حالك
مرت عمي..الحمدلله بخير ياشموستي شن اخبارك ؟
اني..الحمد لله بنقولك وين عمو؟
مرت عمي..يصلي تو يجي قعمزي هدرزي
قمر..اني راكبة ندوش ونبدل وننزل
اني..ماتعطليش وقت لانة
قمر..اوك
مرت عمي..وين ماشيين
اني..امس طلعنا شفنا حجات وقمر حجزت فيهم وتوا جايين بتاخد فلوس وبنمشو تاخدهم ماه عرس يوسف قريب
مرت عمي..اي والله ماطلعت اني ولا شريت شي
اني..بعدين ماما بيطلعها يوسف تو نقوللها تخطم عليك كنهدا!
مرت عمي..ايه اديري فيا خير خليل هدا معاش قاعد في الحوش
وانفتح الباب..السلام عليكم
مرت عمي..يموت شباني 😂
اني..😂😂
خليل..ان شاءالله ديما هالضحكات😍 شمس كيف حالك
اني..الحمد لله تمام شن جوك انت شن اخبارك
خليل..ااه يارقبتي والله اهو الحمد لله
مرت عمي..خيرها رقبتك
خليل..مش راقد زين
مرت عمي..تستاهل باش معاش تبات برا
خليل..صحيتي☺
مرت عمي..سلمك😊
اني..😂😂
خليل..تضحكي تي باهي باه
مرت عمي..نوض دوش وبدل حوايجك صنتك دخان دخان
خليل..باااه حاضر اهو نايض
مرت عمي..ربي يهديك ياولدي
اني..اوو عموو كيف حالك
عمي..الحمد لله واني نقول خيرا الحوش منور طلع عندنا شمس😍
اني..😀😍اصلا انت الوحيد الي ترفعلي في معنوياتي😍
عمي..ههههههه وين معاش ريناك اهني؟
اني..والله تشوف في قمر انت ؟
عمي..لالا ديما وهيا في دارها وشيتاتها قريب تلصقهم في وجهها
اني..نفس الشي 😂
عمي..ربي ينجحكم ان شاءالله
اني..ياااااارب ان شاءالله نصفو ونكملو
عمي..ان شاءالله
اني..مرت عمو وين هنادي؟
مرت عمي..في حوش جدها بكري جوها بنات خالاتها رفعوها
اني..اهااا به امتى عرسها
مرت عمي..مزال قاعد يبني
اني..ان شاءالله ربي يتمم ع خير
قمر..اني واتية
اني..هي
قمر..بابا وين نلقاهم الفلوس
عمي..اهو جبتهملك هاك
قمر..شكرا😍
اني..هيا مع السلامة
مرت عمي..بالسلامة
عمي..برو بشوية عليكم وماتجريش
اني..حاضر
.
.
وصلنا لأول محل❤
نزلنا وخشينا
قمر..السلام عليكم
..وعليكم السلام
قمر..خوي امبارح جيت حجزت عندك لبسات بإسم قمر علي الـ..
..اي لحضة نجيبهملك وخيتي
قمر..اووك
مشي جاب الكيسات وعطاهملها
قمر..كم قتلي مع بعضهم
..خالص اختي
قمر..نعم!!
..قتلك خالصات
اني..وااو😍نبي منه الي مخلصهم
قمر..غر لحضة
فتحت قمر الحجات ولقتهم هما نفسهم..اكيد في غلط
..لالا مافيش غلط الحجات خالصات
قمر..باه معاش نبي اني بنردهم
..مانردوش يا اختي تقدري تاخديهم خلاص تم الموضوع خالصات هما مفروض تفرحي وفر ع روحك
اني..غبية شن بديرلها 😂😂 هي اطلعي يا بنت
قمر طلعت بالكيسات..تي كيف صار منو هدا😳
اني..الله اعلم المهم احسن فكنا من المصاريف 😂😂
مشينا للمحل التاني
قمر..لو سمحت اني امس حجزت عندك قفطان
..الاسم لو سمحتي
قمر..قمر علي الـ...
..اوك عرفتك تفضلي
قمر..كم ؟
..سلامتك
قمر..كيف!!😳
..خالص يا اختي
قمر..كيف صار
..هدا الي صار
طلعت قمر بالكيسة واني نشوفلها وهي مصدومة ركبت وقعدت تشوف وخلاص
اني..شن فيي ماتقوليش حتى هدا خالص!!
قمر..ايه👏🏻
اني..😍😍😍يانا عليا منه نبييي منه هدا وين يلقووه
قمر..تي من هوا هدااا
اني..الله اعلم😂
مشينا للمحل الي خديت منه اني قفطان خدت نفس قفطاني ولون مختلف ومشينا للمطعم تعشينا وروحت بيها لحوشهم وروحت اني لحوشنا
اني..اااه عييت
ماما..ارتاحي نجيبلك تتعشي
اني..لالا تعشينا
ماما..باه امالا اركبي بدلي وارقدي
اني..باه
ماما..غدوا نوضي بكري بنمشو نحجزو في صالة و الحلو والعشي والمهم غدوا يوم طووويل
اني..اااخ ياربي علاش جيت بنت وحدة اني عييت😭
بااهي حاضر
ركبت رقدت بحوايجي نضت في نص اليل بدلت ولقيت روحي جيعانة نزلت كليت وركبت وليت رقدت
.
.
.
.
.
.
.
اني..امي هيا وقت ره
تيم..ماتشحورونيش اااه
اني..😒من قالك ترفعنا تحمل مايجيك
تيم..لسانك يبي القص انتِ
اني..اففف
ماما..هي جيتكم
ركبنا السيارة
اني..تيم افتح المكيف نوو
فتح تيم المكيف وقعدنا من مكان لمكان
اني..دخت اني نبي ناكل خلاص
ماما..وقفلنا يا تيم ع مكان ناكلو فيه والله حتى اني بطني تزوي
اني..😂😂
تغدينا برا وكملنا باقي مشاويرنا لعند اليل روحنا وكل يوم هكي
اني..يووسف تعرف نهارها احرف كان ماتطلعش طيبة
يوسف..علاش اللطف شن في
اني..امي ماخلت مادارت رجليا طاحو بسبايبك نهارك الي ادور فيه كان ماتجيش واطلعنا كل يوم
يوسف..😂😂عادي فداي
اني..اااخ ياربي رجليا اني عييت
يوسف..يادرية نوضي خشي داري شوفي بدلتي اليوم خديتها
اني..الله 😍
يوسف..والله
نضت نجري لدراه
اني..اوووو😍😍تهبببل
يوسف..صقع عليك ااه
اني..😍تجنن يما قلبي ولحيتك هكي بتخليها😒
يوسف..لالا بنخففها
اني..ايواه
.
.
فاتو ايام وليالي وجي العرس وتحديداً يوم الفاتِحة😍
.
.
اني..رورورورووروروروروروري😍👏🏻
ماما..قروها؟
اني..ايه ايه
قمر..روروروروروري الف الف مبروك يا مرت عموو ان شاءالله ربي يهنيه😍وتشوفي صغار صغاره
ماما..الله يبارك فيك وعقباليك انتِ ومحمد😊😉
قمر..ششنو
اني..هههه قصدها عرسك وبعده عرس محمد
قمر..ااه ههه ايييه ان شاءالله🖤
اني..هيا افتحو المسجل
قمر..تو نفتحه
فتحنا المسجل وهيجنا وغنينا وفرحنا وجي يوسف سلم ع امي ومن وجهه فرحان هلباااااا
اني..وخييي الف مبروووك❤ان شاءالله زواجة الدهر وعقبال مانشوف صغار صغارك ياربي😢
يوسف..ههههه امين ياااارب
ماما..هي اطلقيه عاد نبيش دموع اني 😢
اني..ع اساس انتِ ماتبكيش
يوسف..هي اني بنمشي لي اميرة بنسلم عليها بري جيببيلي فوق الطاولة في داري تلقي بوكيه ورد و باكو هدية جنبه حيبيهم بنرفعهم
اني..اوك حاضر
مشيت خشيت لدراه خديتهم وجبتهمله ومشي هوا لي عروسته
واحني قعدنا نضمو لانة بعدين بيجونا الناس خشيت دوشت ودرت شعري ولبست لبسة خفيفة قونة قصيرة جينز وكت ابيض وجاكة جينز وكموش وطلعت سلمت ع الناس وفتحنا اغاني ورقصنا وهيجنا لعند روحو الناس وقعمزنا اني والبنات في نص اليل في الجنان نهدرزو ونضحكو
قمر..هي جبتلكم الكراسة هي نغنو
اني..هي هي😍
هنادي..بلا نكد فرخة قمر
قمر..احلا اغاني اغاني النكد😏🖤🔥
اني..😂غر هيا ابدي
قمر..جبت البيانو هي انتِ اعزفي واني نغني
اني..اما اغنية ؟
قمر..هيا مرة وتوبة
اني..اصبري نذكر اللحن انتعها
قمر..اياح اهوا في الفون اسمعيه
اني..امممم اي اي زبطها تمام هي
هنادي..نجيبلك طاولة هديكا تعليلك شوية باش ترتاحي
اني..ايه احسن
مشت هنادي جابت طاول صغيرة حطيناها فوقها شكلنا البيانو في البريزة وقعمزت عدلتها وبديت اني نعزفلها وهي تغني كان صوتها بجد رووعة وكان فاصل بيننا وبين الاولاد الخيمة احني في الخيمة وهما برا
اني..هي 1 2 3
قمر..هيا هيييا هيا مرة وتووبة مابحبووو تووبة💔مابحببو تووبة🖤
اني..هيا مرة وتوووبة مابحببو تووبة💔
قمر..قلبي اشكثر عاااناا💔🔥 من الحب ودروووبة من الحب ودرووبة😢قلبي مات براااحة وانكسر لجنااحة قلبي كله جراااحة جاات منن محببوبة🖤جاات منن محبووبة
اني والبنات..هيا هيا هيييا هيا مرة وتووبة مابحبوو تووبة مابحببو تووبة👏🏻💔
قمر..ياما شففت وياااماا من الحزن وآلااامه والي حبهم قلللبي احكموو بإعدااامه احكمووو بإعدااامه
اني..واااو صوتك😍 وين كان مدسووس
قمر..💔😢
هنادي حبت تغطي..احم ااا شن نغنو تاني ياسرنا من الحزن احني في عرس ره
قمر..نمشي للحمام ونجي ابدو انتم
اني..نجي معاك
قمر..لالا
طلعت قمر برا الخيمة وخشت للحوش ركبت لداري لقتها مسكرة سبقوها دموعها وقعدت تبكي خشت لداره لقتها مفتوحة خشتلها وسكرتها وقعمزت ع سريره وقعدت تبكي💔😭
قمر..😭😭علاش هككي بسس والله نحبه وماقادرة نفارقه ياربي ساااعدني نبي ننساه ياربي😭😭
شدت مخدته وحضنتها وقعدت تبكي عليها
.
.
محمد..شمس يا شمسس
اني..شوية بنات تو نجي ايواا محمد
نبي نركب لداري في حد؟؟ بندوش وبننزل
اني..راقدين كلهم اصبر نفتحلك الباب الخلفي اركب منه
محمد..باه
فتحتله الباب خش واني طلعت قعمزت اني والبنات نغنو ونهدرزو ونضحكو
.
.
.
ركب محمد فتح الباب اول مافتحه جاته ريحة ريحة شخص يعرفه شخص يحبه❤
محمد..شكلي من كتر مانفكر فيها حتى ريحتها تبيش تفارقني تي هي لوطة مع البنات شن بيجيبها اهني
قمر..😭اني اهني بالحق ماتتخايلش
فتح محمد الضي..😳امتى جيتي انت باش كنت لوطة تغني
قمر..ركبت
محمد..علاش تبكي وامتى جيتي اهني وعلاش جاية اهني!!
قمر.. #يتبع
.
.
ان شاءالله تنال اعجاب الكل يااااااارب😍😘 #حنو