مكتوبتلك

الحلقة الرابعة

الـحلـقة #الـرابـعـة4⃣
.
.
.
#مـكـتـوبـتـلـگ❤
.
.
.
.
.
.منقوووووووولة
.
.
.
.
.
خش حاتم ليا شافهم كيف كملو العملية طلعو الرصاصة ومطلعيني
حاتم..كيف حالها يادكتور توا
دكتور..حالتها مستقرة توا ووبنطلعوها للغرفة تقعد اليومين هدم تحت المراقبة
حاتم..يعني مافيش خطر ع حالتها
دكتور..لالا كله تحت السيطرة الحمد لله
حاتم..الحمد لله
طلع حاتم لمحمد
محمد..طمني يادكتور
حاتم..اطمن الحمد لله عمليتها نجحت واهو توا خليتهم بيطلعوها ومافيش خطر ع حياتها
محمد..الحمد لله والشكر ليك يارب
حاتم..الحمدلله ع سلامتها مرة تانية😊هي اني بنمشي نشوف شغلي
محمد..شكرا بارك الله فيك
حاتم..فيك بارك الله
مشي حاتم وخش للمكتبه
مروان..ها طمني شن صار☹
حاتم قعمز ع كرسيه.. قعمز
مروان..صبيتلي في رجليا الميا ياراجل قولي شن صار
حاتم..الحمد لله تعدت مرحلة الخطر ونجحت عمليتها وكويسة توا خليتهم بيطلعوها
مروان..ااااه الحمد لله ياربي
حاتم..توا قولي شن علاقتك بالبنت
مروان..كنت في الجامعة بنروح بي شهد واني ليا فترة البنت هدي عاجبتني نبيها بس نبي نتعرف عليها قبل كنا نتعاركو اني وياها في الجامعة جبدت منها تلفونها وكتبت رقمي واتصلت بيه وسجلته رقمها خليتها مشت ومشيت وراها بعدها كل واحد مشي من جيهة بعد فترة وقت هكي مش طويلة اتصلت هيا رديت عليها نسمع فيها تعيط وتقولي ساعدني ساعدني شكله في مجموعة يلحقو فيها جت قدامها بالعرض ونزلولها اني ماعرفتش كيف نوصل فيها مانعرفش حتى هيا وين قتلها ماتخافيش من حد دوري وولي قتلي نزلولي قتلها دوري وولي قتلي هيا وين بس مالحقتهاش دورت وولت ومش عارف شن صار معاش ردت عليا الا ورد عليا الراجل قالي لقيتها طايحة في الطريق واسعفتها وبس
حاتم..ان شاءالله خير وخلاص
مروان..ان شاءالله💔ريت الحظ الي عنده خوك
حاتم..تي تمشي تمشي والبنت حالها باهي توا خليت عندها خوها
مروان..ان شاءالله خير
حاتم.. ان شاءالله
.
.
.
فوزي..وين اختك ياولد لعند توا ماروحتش
حازم..مانندريش اني هدا وين خشيت
تيم..نقولك يابوي مش لازم منها السيارة
ماما..غر بالشوية اهدو بس بلكي في حوش عمك
فوزي..اتصلت بيه خوي قالي وصلت قمر ومشت
ماما..ياكبدي هييي بنيتي وييين من بكري حاسة ان في حاجة اني
حازم..محمد وين
ماما..ماتخلعوشي بلكي تجي توا
تيم..امي ماتهبلينيش هي مفروض من قبل الظهر اهني وتوا ساعة 3
ماما..غر بلكي اشبح وين مشت تو تجي 😢
حازم..ماتردش
.
.
.
محمد..شن حالك توا احسن؟
اني..ايه نبي اميا بس
محمد..حاضر هي
شربها محمد اميا شوية
اني..وين ماما
محمد ضرب ع جبهته..حييي ع امها نسيييت ماكلمتهمش
اني..كلمهم اكيد مشغولين
محمد..حازم يتصل ع فونك .. ايواا
حازم..محمد؟
محمد..اي محمد
حازم..وين شمس شن في وين انتم؟
محمد..بشوية شمس دارت حادث وتوا اني وياها في المستشفى الـ.... وتوا حالها باهي كيف فاقت كانت في العمليات ونسيت نتصل اندهبت شيرتي
حازم..جايينكم هي
محمد..ماشي
.
اني..😭
محمد..خيرك
اني..قتلته
محمد..قتلتيه ؟؟؟
اني..ايه قتلته
محمد..من هوااا؟؟ ومنين الرصاصة فهميني
اني..كنت مروحة بعد حطيت قمر ماشية فجأة حسيت بحد وراي قاعدة ما تأكدتش الا ولقيتهم مدرسين بالعرض قدامي بنتصل بيكم ماقدرتش سكرت الرواشن والبطم ونشبح فيهم جاييني تقويت ودورت وجاية بنولي جي قدامي واحد بسلاحه رجلي ع البنزينة وغمضت عيوني وشهدت ضربني بالرصاص بس كنت سخونة ماحسيتش بيها حتى خشت مانندريش ع روحي ضربته بالسيارة ومشيت خليته ملوح في الاول كانو يجرو جرتي وبعدها اني نمشي يمين يسار لين ريحتهم حسيت بدم ينزف شفت لقيته كتفي ماحسيتش بيه في الاول بعدين بديت نتألم وحسيت روحي بندوخ تلفوني يتصل ماقدرتش نرد وقفت السيارة ونزلت منها قلت ساعدوني واني نبكي ومعاش نندري ع شي لعند توا😔💔
محمد..تعرفي وجوههم انتِ؟
اني..ايه
محمد..مليح
جي باس ع راسي..الحمد لله ربي سلمك منهم الحمد لله ياربي
اني..الحمد لله بس اكيد مات😓
محمد..ان شاءالله يموتو كلهم تي كانو بيخطفوك هدم خيرك انتِ
اني..☹
محمد..قمر من بكري تتصل
اني..رد عليها
محمد..ايوا
قمر..الو محمد؟
محمد..ايه محمد
قمر..خيرك راد ع فون شمس وينها عطيهالي مش وقت بسالتك نبيها ضروري
محمد..في المستشفى احني
قمر..علاااااش
محمد..شمس ضربوها بالرصاص في كتفها وتوا احني في المستشفى
قمر..كيف هكككي
محمد..تبي تعرفي تعالي مش حتنحكى ع الفون
قمر..هي هي خلي نقوللهم ونجوكم
محمد..ماشي
.
.
.
ماما..بنيتيي كيف حاالك
اني..ماما الحمدلله
حضنتني ماما..ااااه ماما كتفي
ماما..كتفك؟؟ خيره انكسر والا شنو
محمد..قعمزو تو نقوللكم
ماما..شن في ياولد تكلم
بابا..بنتي خيرك شن جاك نقولك اني معاش تجري هكي توا خوفتينا عليككك😓
حازم..الحمد لله ع السلامة خوفتينا يا فصعونة
تيم..الحمد لله ع سلامتك صغيرتنا
اني..الله يسلمكم محمد
محمد..شن
اني..نحس في روحي دايخة معاش قادرة نقاوم
ماما..ارتاحي ارتاحي
محمد..اناديلك الدكتور؟
اني..لالا غر نبي نرقد
محمد..باه
نزللها محمد السرير وواسالها المخدة ورقدت
وحكالهم
محمد..وهدا الي صار
بابا..لا حول ولا قوة الا بالله من هدم منووو
حازم..وربي نقتلهم
تيم..لازم نعرفو من هدم المرة هدي طلعت منها المرة الجاية لا
ماما..ان شاءالله عطيهم قصة في يديهم
حازم..لكن طلعت قدعة البنت ماخافتش ضرباته بالسيارة ومشت والله ماتوقعت يطلع منها هكي😅
بابا..تربايتي😌
ماما..غر الحمد لله توا مابيهاش وبعدين نفكرو شن يصير
خليل..السلام عليكم
الكل..وعليكم السلام
خشو حوش عمي وسمعو باقي عمامي وجو كلهم وقعدت الغرفة خاشين طالعين وقعد محمد هو الي يحكي واني هربت منهم رقدت ماخاطريش ندوي كل تفكيري في مروان وشن صار فيه ومن الي اسعفني اهني هوا والا لا
.
.
.
.
مروان..لا توا توا نبي نخشلها اني
حاتم..مروان ماديرليش مشكلة تشوف فيهم ولاد عمها وخوتها كل واحد اعرض من التاني واطول ناقصنا علقة معاهم احني؟؟
مروان..باه شن يبو يديرو اهني يطلعو برا الزفت مالقوش الا يقعمزو جنبها هيا😡
حاتم..شن تبيني نديرلك
مروان..ادير روحك دكتورها وتخش تقوللهم لو سمحتو فضو الدار مش باهي ع المريضة هكي والا نمشيلهم اني توا
حاتم..هيا مش مريضتي اننني
مروان اوك برا امشي ارمي لبستك واعطيهالي
حاتم..يا مروان
مروان..ماتهبلنيش خير مانخشلهم هكي
حاتم..حمار والله حمار
مشي حاتم رمي ولبس لبسته وعطي لي مروان لبسة الدكاترة لبسها
مروان..شكلي بنبدا دكتور معاكم😊
حاتم..ماهو ناقصني اني
مروان..طالعة عليا وله صقع عليك احلا منك اني
حاتم..برا خير ما توا يجيك البيرو في عيونك
مروان..😂😂 باه اسمع شن نقوللهم
حاتم..مادخليش دبر راسك
مروان..حاتم ديما نخدم فيك اني
حاتم..ذليتني بي امها الزح تعالى اوقف هكي ودير السماعات هدم ع رقبتك ايواه هكي وخش مس حرارتها دير روحك تشوف فيها وبعدين قوللهم الحمد لله ماعندهاش حرارة لكن غلط هكي لازم تفضو الغرفة لو سمحتو حتى ترتاح المريضة
مروان..تم ادعيلي😎
.
.
.
طق طق طق
محمد..تفضل
سكتو كلهم
مروان خدي نفس وفتح الباب وخش
اني كنت نايضة ونشوفلهم بس ماتكلمتش
مروان..السلام عليكم
الكل..وعليكم السلام
خش مروان شافها..كيف حالك توا😉
نهارك احرف شن ادير اهني ياغبارتي السوودة ووه عليا كان مايعرفو والا شبحو الغمزة..ءء احم الحمد لله بس في وجع في كتفي ونحس في روحي دايخة
مروان ابتسم..😅لازم ترتاحي المفروض ترقدي توا باش تنوضي غدوا مرتاحة ترا نشوف ااه لا باهي ماعندكش حرارة الحمد لله ءءء لو سمحتو لازم ماتفضو الدار توا لانة غلط هكي المريضة لازم ترتاح وانتم مدايرين ازعاج ليها
اني..😕🙃
الكل..حاضر
قمر كانت واقفة ومبتسمة وتضحك
جي وقف جنبها محمد..شن رايك تبطليهم ابتساماتك هدم😒
قمر..😏
قعد واقف مروان ويشبح..سمعتوني شن قلت؟؟
ناضو كلهم وبدو يسلمو ويطلعو
محمد..بنقعد معاها اني مرافق
مروان..للاسف هدا قسم نسائي تقعد معاها وحدة او مش لازم صحتها ماتحتاجش مرافق
ويشبح لي قمر يبيها تتكلم
قمر..ءءء بابا نقعد معاها اني؟؟
عمي..عادي اقعدي
بابا..اي اهي تقعد معاها قمر
محمد..وكانا ولو هدوكا؟؟
مروان..المستشفى هدا امن ومستحيل اطير عليها حتى الذبانة
اني نفنص فيه
محمد..شن قصدك انت تعرف من الي بيجو؟؟
مروان..لا غر قتلك بسس
محمد..اممم🙄باه خلاص خليهم وغدوا من الفجر نكون عندك
قمر..مع السلامة
ماما..تو نجيك غدوا يابنيتي
خليل..الحمدلله ع سلامتك مرة تانية شموستنا
اني..الله يسلمكك😓
طلع محمد وكلعو كلهم وطلع خليل هوا الاخير ووراه مروان قريب ينقز عليه سكر الباب وجاني..الحمد لله ع سلامتك
اني..الله يسلمك كيف صار طلعت دكتور؟؟
مروان..😂😂دكتور اي تي حافظ كلمتين جيت قلتهم وخلاص
اني..علاش طلعتهم
مروان..حسيتهم ازعجوك دوشة وهلبا ولاد عمك شن هدا
اني..باش تعرف ان في ناس تحبني هلبااااا مش انت ماجيتش حتى الجي الا توا
مروان..حرام عليك وحق ربي الا من الصبح اهني اني واني الي كلمت محمد خوك ولما جي ماخليتاش يشوفني بعتت ولد عمي دكتور اهني قاله اني اسعفتها
اني..امممم باه طلعت منك فايدة
مروان..اي اني خلي نمشي ولد عمي يستنى فيا تبي اي حاجة كلميني اني قاعد بايت اهني
اني..سلامتك
طلع مروان وخشت قمر..طرف😍
اني..ريتيه كيف مولي فيها ؟؟😍
قمر..هلبا تعرفي وين كان مدسوس هدا بس
اني..مششش عااارفة😂
قمر..ردي بالك اضيعيه من يدك
اني..مش عارفة والله ماعارفة مرات مايبحنيش يبي يتسلا وخلاص
قمر..ماريتيش الخوف في عيونه والغيرة بتقتله بما شاف ولاد عمي اهني
اني..خليه هكي
قمر..بتهبليه شكلك
اني..حاجة زي هكي😂 بس حسيت محمد ماعجباش الوضع
قمر..غار منه اني نشبحلكم ونضحك مشي جاني قالي ياريت تبطليهم ابتساماتك هدم
اني..😂😂😂😂مهبووول ااه كتفي ياحيوانة وجعني كله منك
قمر..خلاص اهو سكتت 😂 جعت الزفت ماكليت شي
اني..اني ماكليتش ولا حاجة من لما حطيتك في حوشكم
قمر..ننزل اكيد لوطة في كافيتيريا ناخدو منها حاجة
اني..لالا ماتطلعيش من اهني فكينا
قمر..باه كيف هكي جيعانة
اني..حتى اني
قمر..لقيتها باش قال اني قاعد اهني شن تبو قولولي
اني..مصحك مستحيل نكلموه
قمر..اسكتي هاتي فونك
اني..لاااا ننوريك
طق طق
قمر..هييي منوو
الممرضة..اني نخش؟
قمر..خشي
الممرضة..افتحيلي
فتحتلها قمر..خيرك ماتقدريش تفتحي
الممرضة..شوفي يديا معبيات
قمر..ماكلة😍منييين
الممرضة..مانعرفش واحد قالي اعطيهولهم لكن طرف
قمر..اممممم شكرا قوليله بارك الله فيك
حطتهم وطلعت
قمر..😍😍يامامي دجاجة محمرة ونفاص وكل شي تي هدا من وين جايبينه
اني..وووه جيعانة افتحي ووكليني يدي نقدرش
قمر..باه
كلينا اني وقمر لين شبعنا ناضت قمر لمت كل حاجة وحطتها في كيسة واتكيت اني بنرقد وقمر حتى هيا اتكت ع الكنبة وبترقد
قعدنا كل وحدة تفكر في حياتها وكيف حتكون
اني..كيف يكون الحب ؟
قمر..بنبضة قلبك للشخص❤ لمعة عيونك لما تشوفيه ولمعة عيونه لما يشوفك👀 ومش قادر ينحي عيونه منك ولا قادر يشبع من شوفتك😍اول مايبعد عليك تحسي كأنا الدنيا تسكرت في وجهك كأنا حياتك ماليهاش لزمة ومعاش تحسي بطعمة الحياة من غيره💔يبدا قلبك🖤 بس سيطر عليه اللون الاسود لانة ابتعدت عليك شمعته هو ضي عيونك ونور حياتك اول ماتشوفيه بس تشوفيه تحسي كأنك ملكتي الكون كللله❤فجأة تحسي بالدنيا حلوة وكل شي حلو حتى الحزن يولي فرح من بساطة حبك ليه اول شي ابتسامتك حتكون طول ما انتِ معاه هيا معاك حتى تزعلي منه واديري روحك زعلانة ماتقدريش لما تكوني معاه ماتقدريش تخفي ابتسامتك في عز وجعك منه تبتسمي وتكوني فرحانة بس لانة جنبك👌🏻💘تحسيه كأنه قطعة من قلبك اول ماتصيرله حاجة تحسي بيه اول مايضايق تحسي بيه في كل دعاء تلقي روحك تلقائي تدعيله ومن كل قلبك لما يزعلك او يجرحك بكلمة مستحيل تقدري تدعي عليه او تقولي عليه حاجة💔ببساطة خوك مهما دارلي لعند اليوم ماقدرتش ندعي عليه أهاني وقهرني وجرحني بكلامه سيبني وخلاني بروحي خلاني نواجه حجات مش قدها بس قدرتها بروحي لكن في نفس الوقت حبي ليه كل يوم يزيد ولا عمري قدرت ندعي عليه💕 لو تبي تحبي اعرفي انك تكوني قدها وتواجهي اييي مشكلة تصير اي شي تكوني قدها وتطلعي منها لو تبي تحبي حبي الشخص الي يستاهل حبك ليه وماتعطيش حبك من البداية اختبريه في كل حاجة راقبيه خليه من غيرك ايام شوفيه شن يدير حتى لو فاتو سنتين 3 او 5 خليك حريصة ع حبك خليك ديما ادافعي عن حبك وماتخلييييش طرف تالت لانة هو المفسد حتى لو كنت اني ماتخليش اي شخص يدخل في علاقتكم لانة مش زي انتِ وهو زي الطرف التالت مايعرفش شي في قلبكم غير بيتفلسف عليكم وبيمشي🤚🏻 ردي بالك كوني حذرة حتى لو هو يحبك وانتِ تحبيه بجد كوني حذرة ماتعطيش ثقتك كللللها وتقعدي تقولي كنت واثقة فيه حطي كل شي كل احتمال قدام عيونك وديما خليك واعية وراكزة ع كل تصرف تتصرفيه بس في نفس الوقت استمتعي بي كل وقت يمر بينكم واول ماتفوت سنة خليه يجي يخطبك حتى تكون علاقتكم قدام الكل وماتخافيش من حد👌🏻 ببساطة الحب مش حاجة ساهلة الحب مش كلمة "نحبك" وبس!!! لالا الحب اكبر من كلمة "نحبك" اكبر من كل شي لو مشيتو فيه صح ربي معاكم ولو عكستو ربي حيفصل بينكم وديما في كل صلاة تدعي انه يكون نصيبك وانك تكوني نصيبه💖وااااه من الحب وسريبه مايكملش مهما دوينا💜