الـحـلقـة #الـخامـسـة5⃣
.
.
.
.
.
.منقووووووولة
.
.
.
.
.
.
#مـكـتـوبـتـلـگ❤
.
.
.
اني..اااه يا كتفي
كلمني يوسف ع الفون رديت عليه..ايوا وسيفة
يوسف..كيف حالك
اني..ااه الحمد لله وانت
يوسف..الحمد لله شن صاير غادي؟
اني..شن صاير
يوسف..علاش قمر منزلة بوست مقايلة فيه الحمد لله ع سلامتك شموستي وطلعتي منها بأعجوبة ومنزلة صور وحجات مفهمتش شي فهميني ليا اسبوع اني حاس ان في حاجة لكن انتم ادرقو😡
اني..ءء هو تبي الحق مابيناش نشغلوك ونحيروك وانت عريس قاعد
يوسف..شننن في تكلمي شن صارلك
اني.. (وحكيتله كل شي )...
يوسف..وهدا كله مانندريش عليه اني
اني..ماهو مابيناش نفسدو عليك ياوسيفة بسس
يوسف..ع كل حال اني غدوا طيارتي تو نروح ونتفاهمو
اني..علاش مروح توا مزال
يوسف..هوا هدا اني من قبل حاجز هكي
اني..باهي تمام نتلاقو سلملي ع اميرة
يوسف..يوصل ماشي
اني..سلامات
سكر مني يوسف ومضايق ع خاطر ماقلنالاش
اميرة..حبيبي خيرك
يوسف..خليني في حالي ماتكلمينيش
اميرة..بببه براحتك
قعد يوسف متكي ويفكر من الي دار في اخته هكي وشن يبي منهم!!!
تاني يوم ناضو بكري وطلعو كانت رحلتهم مع الظهر
اميرة..يوسف نسيت ألاء بنت خوي ماشريتلهاش هدية كنت بنشريلها يومها وروحنا لاننا تاعبين ونسينا
يوسف..هاك فلوس اني بنخش للقهوة اهني نستناك لين تجي
اميرة خدت الفلوس وحزت في خاطرها ان هو خلاها بروحها..باه🙁
مشت اميرة لي اقرب محل اطفال خشتله قعدت تشوف في حجات وخدتلها قفطان للعيد وشرتلها ليه كندرة وشنطة😍وطلعت قعدت تتمشى وتفكر في يوسف خيره وشن الي غيره بعد مكالمته مع اخته
اميرة..ان شاءالله خير يارب
مشت اميرة للقهوة الي فيها يوسف ولقاته حاط يده ع خده ويفكر
اميرة قعمزت قدامه..وسيفة😊اني جيت
يوسف..شريتي؟
أميرة..يس شوف
قعدت توريله وهو مش معاها يقولها باهي وخلاص قعدو مقعمزين في قهوة جنب المطار تغدو وطلعو مشو ركبو الطيارة ع طول
أميرة..عادي تقولي خيرك؟
يوسف..في موضوع صاير بس خلاص ماتشغليش بالك تو ينحل
أميرة..باه براحتك امتى ماتبي تحكيلي نسمعلك نبيش نضغط عليك
يوسف..😊تعالي اتكي ع كتفي
اتكت اميرة ع كتفه وانقلعت الطيارة
يوسف..اسف ع امس مكانش قصدي حبيبتي
اميرة..لالا عادي كان ماتحملتك من بيتحملك؟
يوسف..نحبك
أميرة..حتى اني نحبكـ❤
رقدت أميرة ع كتفه وهو قعد يفكر من الي دار هكي قعد شاك في شخص بس مزال مش متأكد منه
وصل يوسف جاه تيم خداهم
تيم..الحمد لله ع سلامتكم
يوسف..الله يسلمك
تيم..شن جو شهر العسل😉
يوسف..الحمد لله😂
تيم..الحمد لله كيف حالك يا مرت خوي😍
أميرة..الحمد لله
يوسف..قدامي يا تيم😒
تيم..😂😂
جابهم تيم كنا نستنو فيهم وفرحانين
ماما..وسيييفة وليدي الحمد لله ع سلامتك يمي
يوسف..الله يسلمك استاحشتك وحق ربي
باس ع راسها وحضنها
اني..اميرة انستينا😍الحمد لله ع سلامتكم
أميرة جت سلمت عليا..الله يآنسك ..الله يسلمك حبيبتي😘
سلم يوسف عليهم كلهم وجي وقف قدامي اني..😔
يوسف..طشتي استاحشتك يامعفنة هكي معاش تكلميني
اني..مابيتش نزعجك قلت خلي يرتاح شن نضايق فيكم
يوسف..الحمد لله ع سلامتك ان شاءالله ربي ياخد فيهم الحق ونوعدك حنلقاهم من هما الي دارو فيك هكي مسالة وقت بسس
ماما..تربح ياوليدي فكنا من المشاكل بوك شاف حوش وعرض الحوش هدا للبيع وبنحولو من اهني
يوسف..مافيش حد متحرك من اهني يما وتو يطلعو من هما الي دارو هكي
اميرة زي الاطرش في الزفة كانت مش فاهمة شي تسمع وبس
اني..اميرة خيرك؟
اميرة..لا شي بس مش فاهمة شن صاير
اني..ماقتلهاش؟؟
يوسف..ايه
أميرة..شن صاير
اني..كانو في مجموعة مسلحة يلحقو فيا بعدين(وحكيتلها الموضوع)
أميرة..يارووحي الحمد لله ع سلامتك والله ماقالي ره كنهدا راه كلمتك سامحيني 😢
اني..لالا عادي مش مشكلة قعمزي خلي نجيب العصير وهي فتحناها نكد😂
أميرة..لالا انتِ ارتاحي تو نجيبه اني
أني..عيب عاد ضيفتنا انتِ لاحقة عليه هدا😂
أميرة..براحتك
ماما..نوض ياحازم وانت عيونك بينفقصو من التلفون اختك ماتقدرش تجيبه
ناض حازم جاب العصير وفرقه علينا
اني..مشكوور وخيي الفالح😂😍ان شاءالله ديما هكي
يوسف..عاد حصلت باش تشدها جرتك
اني..😂😂
حازم..غر عيب بس كنهدا راه وريتها
بابا خش علينا..من الي بتوريها بعدها نرقدك في المستشفى مزال غر بنوتتي تمسها
اني..😜😜يناااري
حازم..تفضل بوي عصير
بابا..اااه صحيت
قعمزو
بابا..اميرة بنتي كيف حالك
أميرة..الحمد لله يا عمي
بابا..شن يوسف معاك كويس والا ؟؟
أميرة تحشمت..لا الحمد لله
بابا..اهو قدامه حتى هوا يدير اي حاجة ماتمشيش تقولي لبوك لا تعاليلي اني ناخدلك حقك منه اني بوك
أميرة..حاضر 😊
يوسف..شن اتفقتو عليا والا شنو انتم هي نوضي بنروحو خير ما حتى امي تنقلب عليا
الكل..😂😂😂
قعدنا نهدرزو ونضحكو وكان جونا حلو بس اميرة كانت متحشمة هلبا وماتكلمتش بكل لين نكلموها احني
عجبني طبعها هادية وتهدريزها حلوو
ناضو مع صلاة العشي روحو لحوشهم تاني يوم مشت لي حوش بوها اميرة وجي يوسف قعمز عندنا يهدرز علينا كنا مستاحشينه هلبا💖
.
.
.
.
.
فاتو ايام يجوني مسجات من مروان بس مانردش عليه كنت راقدة جاني مسج مكتوب فيه📲
~
~
~
-آمـان الله عـليكـ ويـن مَ گنـت💙
يَ روح ســمـتهـآ راحـتيِ❤️
'
~
~
~
نضت ع صوت المسج📩
فتحته قعدت نقرا فيه ابتسمت😊
اني..بدت راحتي كل مانشوف مسج منك نفرح ونرتاح💕
تغمرت فوني ورقدت😴
تعودت ع مسجاته وع كلامه ليا حسسني انِّ ملكة👑
.
.
.
نضت الصبح مشيت للجامعة🤦حضرت محاضرات وقعدو البنات يشرحولي في الي فات ونروح تعبانة ونرقد ونوض نقرا وتجيني قمر تقرا معاي وتشرحلي لو مش فاهمة حاجة💜
تجينا أميرة تهدرز علينا
أميرة..طلعت طاولة برا وحطيت عليها شاهي وقهوة ودرتلكم عصير طبيعي انزلو اقرو لوطة كل يوم وانتم اهني ماتعيوش؟؟ ع الاقل تغيرو المكان نفسيتكم ترتاح شوية😁
اني..والله خير مادرتي😍😍
نزلنا اني وقمر قعمزنا في الجنان نقرو وهي جنبنا مرة مرة نهدرزو وكان ماعرفناش حاجة تساعدنا كانت عندها معلومات ع كل شي مثقفة هلبا وواعية وكان مافهمناش حاجة تقعد تمثللنا وتفهم فينا
بدت اميرة تتقرب مننا اني وقمر وكنا نتقبلو فيها لانها عرفت كيف تخش فينا💞
يوسف..اوووه تقرو
اميرة..ايه لقيتهم مقعمزين في الدار نزلتهم ع الاقل يشمو هوا ربي💖
يوسف..خير مادرتيلهم قعمز يوسف يهدرز هوا ومرته واني وقمر نقرو ومرات نشاركوهم في الحديث
قمر..شوفيهم كيف طالعين ع بعض😍
اني..ايه هلبا مشاءالله عليهم🤗
جي المغرب خشينا اني وقمر واميرة خشت هيا وماما يطيبو في العشي واحني خدينا راحة تعبت اني وكتفي قعد يوجع فيا خديت دواي ورقدت😴
.
.
.
أميرة..وين شمس
قمر..رقدت قالت كتفي وجعني نبي نرتاح
اميرة..عندها الحق من بكري هي تقاوم
قمر..ايه وهلبا تعرفي ان شاءالله خير
أميرة..ان شاءالله ربي ينجحكم😊هي نوضيها العشي وتي
قمر..ان شاءالله هي تو انوضها
نوضوني ونزلت تعشيت معاهم وكملنا اني وقمر وبعدين جي خليل بيروح بقمر
اني..تصبحي على خير😘
قمر..وانتِ من اهله حبوبتي ارقدي زين باش غدوا نكملو
اني..ان شاءالله😊
طلعت قمر واتكيت اني خشتلي أميرة قعمزت في السرير الي جنبي
أميرة..يوسف ساهر برا قالي باتي عندهم نقدرش نخليك بروحك واني ماعنديش حوايج
اني..افتحي دولابي طلعي الي تبيه احسن خلي نسهرو كان نندري راهو قلت لقمر تبات
أميرة..حتى اني هدا وين كلمني
اني..عادي تزعليش قداش ليه ع صحابه هههههه مابعدك يوسف يموت في السهور معاهم😂
اميرة..نكرههم من قبل وزاد توا😒زعما تجي عليا هدي
اني..اكيد تجيك
اميرة..ان شاءالله
خشت اميرة للحمام بدلت وقامت شعرها وجت اتكت جنبي
اميرة..اي احكيلي ع حياتك
اني..اممم بنت وحدة مع اربعة ولاد 😂
اميرة..يوسف ديما يحكيلي انك دلوعة الحوش وبذات هوا😅
اني..يوسف هو الاخير وبعده اني يعني ديما روسنا في بعض ونهدرزو ديما نطلعو في مقالب 😂
اميرة..ايه ديما يحكيلي ههههههه
اني..اي وحياتي عادية مافيش بوي فرند لعند توا😂
اميرة..اممم لعند تواا
وفجأة جاني مسج
~
~
~
اناني فيك حتى ضحكتك لغـيري تحـرق اعـصآبي🌚
❤
~
~
~
ابتسمت من ريتها
اميرة..اممممم صار مافيش بوي فرند😂😉
اني..😅عليك تزليط
اميرة..احكي احكي
اني..تبيلها سامينسة وشيبس
اميرة..عندي سامينسة وين مانمشي معاي 😂 اما شيبس لا
اني..افتحي دولابي غر كتفي مش قادرة انوض
اميرة..باااه
اني..اي وتحت الحوايج تلقي شكارة فيها ليز شطة وليمون😍جيبيها
اميرة..😍😍حي نموت فيها اني
اني..هاتي هي
اميرة..استني نجيب صواني نحط فيهم سامينسة وشيبس
اني..اوك
نزلت اميرة جابت الحجات واتكينا ناكلو ونهدرزو وحكيتلها على مروان وحكايته
اميرة..شن اسمه
اني..تبي الحق والله نسيته مش عارفة شن قتلي بكري قمر اسمه نسيتت😂😂😂
اميرة..بالحقق
اني..والله ماهدرزتش معاه اني حتى يجينا في العيادة وهكي لكن ماتكلمتش نضحك عليه وخلاص
اميرة..هبلة😂
اني..قمر لقت ايميله البنت ماتخلي حد هدي😂
اميرة..وريهولي ترا
طلعته ووريتهولها
اميرة..اوووووه تي وعيونك مغمضات 😂
اني..مش هلبا حلو مش عارفة كيف عجبك انتِ وقمر 😏
اميرة..بلا غباء😑ياحمارة والله قنين الولد اهوا اسمه مروان
اني..ايوااه مروان
اميرة..ومروان زيادة تي قنين ياحمارة
اني..لا مش حنقبله اهو يبعت في مسجات ويعاود ياحمارة ردي بالك تقولي لي يوسف اي شي بيني وبينك
اميرة..حمارة شن بنقوله هبلت امالا
اني..وانتِ كيف تعرفتي ع خوي وكيف حبيتيه وشن شعورك توا
وقعدنا نهدرزو لين خداني النوم ورقدت وهيا رقدت نضت الصبح مالقيتهاش جنبي خشيت للحمام حشاكم ودوشت ولبست حوايجي ونزلت لقيتهم مقعمزين يفطرو
اني..شن الروائح الحلوة هدي😍
ماما..اميرة دايرتلنا الفطور اليوم😘
اني..امممم تو نذوقو ونشوفو😉😊
بابا..ماعندك ماتقولي مشاءالله عليها بنتي😊
تيم..وين يوسف
أميرة..امس ساهر مع صحابه
حازم..رجعت حليمة لعادتها القديمة😂
بابا..لالا توا هوا متزوج المفروض ينساه البيتان برا
أميرة..ماه قداش ليه معاش شافهم حتى غادي ماكلمهمش بكل هدا باش
ماما..هدا يوسف مهبلنا بالسهور برا 😂 ديما تحامي عليه شمس وتسهر ع خاطره باش ادخله عقابات اليل ويخش يتستل لي داره يلقا بوه راقدله في السرير 😂😂
أميرة..😂😂😂
اني..كان ديما ياكل في طرايح اكتر واحد ينضرب في الحوش من كتر ما مهبلنا بصحابه عنده هما وبسس
أميرة..ان شاءالله خير😂😂
ماما..لالا تو يعقل خلاص عاد توا تزوج ودار عيلة ساده لعب
اني..اي اي تو يعقل😂😂 تو نشوفو
.
.
.
ومشـت الايام ودرنا امتحانات اني وقمر والحمد لله نجاوبو فيها ومروان مش مال بكل ومش مبطل مسجات وكل يوم نشوف فيه قدامي لعند مانروح وهو وراي ببساطة تعودت عليه💕
.
.
جي يوم وماريتش فيه مروان استغربت ولا مسج ولا اتصال
اني..اليوم مروان ما اتصلش ولا بعت مسج ولا ريته
قمر..الولد مل ومشي اكيد فهم انك ماتبيشي
اني..بس ماقلتش مانبيكش قتله نفكر ولهيت في الامتحانات وهم القراية هدا
قمر..يا شمس انتِ غالطة الباقي يا لا يا ايه هكي نعرف اني خلاص فد ومل وطفشتيه
اني..اوووف ياربيي😓 بعدين علاش اني قلت هكس يمشي شن بنديرله لا نحبه لا شي
قمر..اممم اي اي تقول حق
اني..اففف اسكتي بالله عليك
قمر..باه هاه سكتت🤐
فتحت قمر المسجل وروحنا مع بعضنا للحوش
اني..اااه كتفي تعرفي يوجع من السواقة لازم تتعلمي يابنت ع الاقل ترفعيني انتِ لين يبدا كتفي تمام
قمر..حميدا يبينيش نسوق من قبل متفقين عليها لا
اني تلفتلها..حي باش تبي تحرقيله دمه واعصابه بري تعلمي سواقة😉😈
قمر..اي والله فكرة😎تم اليوم نقول لي بابا نبي نتعلم
اني..طقيها
قمر..🤚🏻
اني..خليها في عرسك😂
نزلنا ونضحكو للحوش وبعدين جي خليل روح بقمر واني اتكيت رقدت شوية ونضت مهناكش نوم طول الوقت نفكر فيه زعما شن في علاش اختفي فجأة هكي شن صاير ياربي💔 زعمك نتصل بيه؟! اي اي خلي نتصل بيه😊 حييي وكان قالي علاس متصلة شن بنقول🤔عادي نقوله ماريتكش اليوم او ندير روحي ان اني بنتصل بيه اليوم اي شي نقوله المهم نطمن ياربي قلبي مش مريحني حاسة ان في مصيبة🤦
اتصلت ونلقا الفون مقفل تيرارم تيرارم👏🏻وكملت معاااي ياربي شن ندير اني توا التلفون ومقفل واخته ماجتش اليوم وهو ماجاش اليوم شن صااير حي عليا كان ماصارتله حاجة💔
اني..ايوا اميرة
اميرة..ها شموسة
اني..تعاليلي محتاجاتك
اميرة..خيرك شن في
اني..نبيك ضروري موضوع يخص مروان😢
اميرة..باه تو نقول ليوسف يحطني عندكم
اني..استعجلي شوية
اميرة..حاضر هي
.
.
اميرة..وسيفة طالع؟
يوسف..ايه تبي حاجة حبيبتي؟
اميرة..حطني عند اماليك مانبيش نقعد بروحي
يوسف..باه هي وتي روحك ع السريع
اميرة..هي لحضة بس
لبست اميرة عبايتها وطلعت مشت
.
.
جتني اميرة قعمزنا واني نبكي وبالي مشغول ونلود في الدار ومش عارفة شن ندير
اني..قوليلي شن ندير
اميرة..اهدي بس بالك فونه شحنه تام
اني..بس كان شحنه تام علاش ماحاش اليوم
اميرة..مرات مش فاضي او صارت معاه حاجة
اني..خايفة من التانية
اميرة..شموستي اهدي قعمزي اهدي قتلك خلاص عادي اي شي يصير كله قضاااء وقدر من ربي سبحانه ف لازم توا بدال التوتر هدا والبكي هدا تمشي تخشي للحمام ادوشي واديري عليك الوضوء وتصلي وتدعي ربي وين ماهو يكون تدعيله وان شاءالله ربي حيفتحها وتلقيه متصل بيك هي نوضي حبيبتي اني تو نوتيلك حجاتك💕
اني..باه
نضت خشيت ندوش طلعتلي اميرة حجاتي ونزلت لماما
ماما..تعرفي راسي يصدع من بكري
اميرة..نديرلك نعناع عميمة يهدي الاعصاب خير من الدوا
ماما..ديريلي☺
خشت اميرة دارت نعناع ليا ولي ماما صبت لي ماما مق وعطتهولها وطفت عليها الضي وشغلت السهارة وركبتلي اني لقتني طالعة ونصلي حطتلي مق نعناع وقعمزت فتحت فونها
يوسف..ها حبيبي نجيك؟
اميرة..لالا عيوني زيد شوية وتعالى
يوسف..غررريبة
اميرة..نهدرز اني وشمس لقيتها خلوقها ضايقة وجوها مفركس من الامتحانات وهكي💫
يوسف..اهاا باه نزيد ساعة ونجيك اني نعست
اميرة..باه ياعمري
سكرت منه وشبحتلي..احسن توا؟
اني..ايه الحمد لله
اميرة..ديما لما تضايقي ديري هكي تتحسني والله💁
اني..ان شاءالله سامحيني نعطل فيك ع يوسف وهكي
اميرة..لالا عادي يستاهل حتى هوا يسهر ويخلي فيا خليه يجرب 😁
اني..باه مليح ههههههه ترا فوني
اميرة..تفضلي
اني..زعما نتصل بيه مرات انفتح فونه
اميرة..جربي
اني..مقفل💔
اميرة..ان شاءالله خير
اني..ان شاءالله
اميرة..ننزل لي عميمة لقيتها راسها يوجع فيها
اني..خيرها
اميرة..نعرفش عطيتها نعناع ننزل نشوفها
اني..اوك تو نلحقكم
اميرة..باه
نزلت اميرة واني قعدت نحاول نتصل بيه هلبا بس مقفل مقفل مقفل اااااه ياربي😭
اتصل فوني بس رقم غريب ومش ليبيا
رديت..الو؟؟
مروان..شمسس
اني..مروااان😍
مروان..ايه مروان
اني..وينك بالله عليك وينك😭مية مرة نتصل بيك خيرك وين مشيت فجأة اختفيت هكي😭😭
مروان..بشوية عليا تو نحكيلك اني توا في مصر مع امي وخواتي
اني..وخيرك علاش؟؟
مروان..امي تعبت هلبا واحني في المستشفى معاها
اني..لاباس عليها ان شاءالله خيرها
مروان وخانقاته العبرة..جاها المرض💔 يا شمس بياخدها مني
اني..كيييف !!!
مروان..ايه
اني نسمع في مروان كيف يبكي بعبرته وجعننني
اني..الله غالب مروان كون في روحك امك محتاجاتك توا خلاص معاش تبكي حرام عليك هكي تزيدها مرض
مروان..مش قادر نتحمل💔امي هدي امييي كيف تبوني نهدا كييف
اني..مراتت تتعالج ماتقطعش اماك بالله خلي املك بالله كبيرر
مروان..ان شاءالله خير ادعيلها بالله عليك محتاجة الدعاء
اني..ان شاءالله ربي يخفف عليها يارب حاضر غر هدي روحك انت وقوي روحك باش تزيدها قوة وان شاءالله تروح بيها تضحك وفرحان يارب
مروان..امين هي ماشي توا ينادو فيا
اني..تمام طمني مرة مرة
مروان..ان شاءالله
سكرت من مروان وكنت مضاااايقة يارووحي عليه اميمته مش حاجة ساهلة ربي يكون في عونه💔💔
نزلت لماما وأميرة هدرزنا شوية وجي يوسف سهرنا وبعدها اني نهدرز وبنطيح ع وجهي خلاص معاش قادرة
يوسف..😂شوفيها
أميرة..😂😂هي نوض
يوسف..هي بس لحضة
أميرة..شن بدير
يوسف..اشش
قربلي يوسف لعند ودني واني راقدة وعيط في ودني..شممممممسسسس
اني جيت واقفة..اااه شن في شن صار من مات حي عليا مروان وووه امه
أميرة علت صوتها وقعدت تضحك باش تغطي عليا..هههههههههههههههههههههههااااااي وووووهه قتلتني بالضحكك هههههههههههه
اني..خزي عليييكم
يوسف..كأني سمعتك تقولي مروان وامه ومش عارف شنو منو هدم🤔
أميرة..ههههههههه شكلك انخلعت معاها يا يوسف شن مروان هدي من هدا هي ماقالتش مروان قالت بوي مات امي ووه هدا الي قالاته😂😂
اني..🤣🤣ههههههههههه اي يا يوسف حتى انت شكلك بديت تصرف من مروان هدا اللطف ياربي
يوسف..امممم باه كويس شكلي بديت نخرط صح هي اميرة نروحو خلاص اني يالله نقدر نسوق
أميرة..واتية اني هي نوض
طلعو والحمد لله انقدتني اميرة كنت ع شوي نمشي فيها ركبت شفت ماما لقيتها راقدة ولقيت بابا يصلي سكرت الباب وخشيت داري وفتحت المكيف واتكيت نفكر في مروان وكيف بيصير فيه🤕
فتحت الفيس لقيته فاتح نت بعتتله مسج
اني..اهلا مروان كيف حالك؟ وكيف حال امك ان شاءالله احسن من قبل؟
في الاول ماشافهاش بعدين شافها رد عليا
مروان..اهلا بيك الحمد لله حالي بس امي زادت حالتها اتأزمت ومش عارف توا كيف يصير
اني نضت سكرت داري بالمفتاح وخشيت فراشي واتصلت بيه ع الميسنجر
اني..اهلا
مروان..اهلين كيف حالك
اني..الحمد لله اي كيف قتلي
مروان..ولت حالتها صعبة وبكري عطوها جرعة كيماوي حالتها تقطع القلب امي يا شمس تمشي من بين يديا زي ما مشي بوي بالزبط علاش مكتوبلهم يتعذبو ويعذبوني معاهم💔
اني.. #يتبع
.
.
.
ان شاءالله تنال اعجابكم 😘 وطبعا كالعادة اني جمعة مانزلش في حلقات مانفضاش 😣 المهم هياااا نبي رأيكم في الحلقة😍 #حـنـو
أنت تقرأ
مكتوبتلك
Humorمنقوووووووول للكاتبه #حنو حكمه:ما بين النصيب والقدر مقبرة دفنت فيها مشاعر البشر
