PARALYZE [Zawgyi/Unicode]

PARALYZE

*MOOD MUSIC-Paralyze by NF*

အိပ်​မက်​ဆိုးတစ်​ခု
ည​တွေမှာ ထွက်​ပြေးလို့ မရ​အောင်​ နံရံအပြည့်​ ကာရံထားခဲ့တယ်​။
အခု ငါဘယ်ကို​ရောက်​နေတာလဲ။

"ဂျိန်း"

ကျယ်​လောင်​စူးရှစွာ ထွက်​ပေါ်လာတဲ့ မိုးခြိမ်းသံ​နောက်​မှာ​ အေး​စက်​ထုံကျင်​သွား​စေမဲ့ မိုးစက်​မိုး​ပေါက်​တွေက​ မြေ​ပြင်​ပေါ်ကို,ကဆုန်​ပေါက်​ကာ အရှိန်​ပြင်းပြင်းနဲ့ ဆင်းလာကြသည်​။

ကတ္တရာလမ်းမမဲမဲ​ပေါ်မှာ အိုင်​နေပြီဖြစ်​တဲ့မိုး​ရေများ။ ထိုမိုး​ရေများ​ပေါ်ကို ထပ်​မံကာ ကျဆင်း​နေတဲ့ မိိုးရေစက်‌တွေ။ သနားညှာတာမှုမရှိတဲ့ မိုးမင်းဟာ​ ကမ္ဘာ​လောကကြီးရဲ့​ ကောင်းကင်​ပြာကို အ​မှောင်​အပြည့်​ ရေးခြယ်​ထားပြီးဖြစ်​သည်​။

တံခါး​ပေါက်​ရဲ့မှန်​တံခါး​ပေါ်မှာ တလှိမ့်​လှိမ့်​နဲ့ စီးကျ​နေတဲ့မိုးဟာ အငိုသန်​တဲ့ က​လေးတစ်​ယောက်​ရဲ့ မျက်​ရည်​တွေနဲ့ တူလွန်းသည်​။ ယခုချိန်​ထိ မ​ခြောက်​နိုင်​သေး။

အခန်းရဲ့ကုတင်​ထက်​မှာ လဲ​လျောင်း​နေ​တဲ့လူတစ်​ယောက်​ရဲ့ မြန်​ဆန်​လွန်း​နေတဲ့ အသက်​ရှူသံပြင်းပြင်းကို​ ဘေးပတ်​ပတ်​လည်​မှာရှိတဲ့ လူ​တွေအကုန်​လုံးက တိတ်​ဆိတ်​စွာနဲ့ နား​ထောင်​လျက်​ရှိသည်​။

နိမ့်​ချည်​မြင့်​ချည်​ရှိ​သော ရင်​အစုံဟာ ၎င်း၏ နှလုံးခုန်​နှုန်းနဲ့အတူ မူမမှန်​ချင်​။ အဝတ်​ဖြူဖြူစည်းထားတဲ့ မျက်​လုံး​တွေထဲ အ​မှောင်​တို့သာပြည့်​နေမှာ အ​သေအချာပင်​။

နှုတ်​ခမ်းတစ်​စုံသည်​ ဖြူဆုတ်ဆုတ်အ​ရောင်အသွင်​ရှိကာ ယခုသည်​တိုင်​ ပွင့်​လာခြင်းမရှိ​သေး။ သိပ်​မကြာလိုက်​ နှလုံးခုန်​နှုန်းအချက်​ပြသည့်​စက်​မှ အသက်​မရှူ​တော့​ကြောင်းကို တတီတီနဲ့ အသိ​ပေး​နေ​လေပြီ။

တဖြည်းဖြည်း​ ရွေ့လျားထွက်​ခွာသွားကြပြီဖြစ်​တဲ့ လူတစ်​စု​နောက်​မှာ ကုတင်​ပေါ်မှာ လဲ​လျောင်း​နေ​သော အဖြူ​ရောင်​လူသားနှင့်​ ကျွန်​တော်​သာလျှင်​ ရပ်​ကျန်​ခဲ့သည်​။ သို့​သော်​ သူ ဘယ်​သူလဲ ကျွန်​တော်​မသိသလို ကျွန်​တော်​ဘာ​ကြောင့်​ ထိုသူ့နားမှာ ယခုလိုရှိ​နေတာလဲဆိုတာကိုလည်း မသိပါ။