Isang gabing malalim
Sa gitna ng daang kay dilim
Sa ilalaim ng nagtatagong buwan
Ramdam kong may sumusunod sa akin.
Huminto ako't lumingon
Subalit wala akong nakita
Isang daga lamang ang umahon
Mula sa gabundok na basura.
Ako'y nagtaka at muling naglakad
Guni-guni lamang iyon walang dapat ikabahala
Ngunit muli ay narinig ko ang mga hakbang
Papapalapit at papalapit, ako'y nangamba.
Binilisan ko ang paglalakad
Bumilis din ang mga yabag
Bigla ay may kumalabit sa akin
Lumingon ako't, "ate pahingi ng pagkain."
