زهرة الفصل الثاني بقلم سوزان المندلاوي الناشربارق العراقي

الفصل الثاني الجزء٣١ بقلم سوزان المندلاوي الناشربارق العراقي

#مساء_الرياحين
#قصة_زهرة
#الفصل_الثاني
#الجزءالحادي_والثلاثون
#بقلم_سوزان_المندلاوي
#الناشربارق_العراقي

اظن الايام ذبلتج يازهرتي ..

درت وجهي عليه وابتسمت .

منير ماكو شي يبقى ع حاله ..

كلنا نذبل ونتعب ..

كال حتى عيونج ..نضرتها تغيرت ..

ضحك ..وربج احلى صدفه بحياتي صارت ..
اليوم ..

حيل فرحان ..

مداعرف شحجي ..

كتله ..اني هم حسيت براحه من شفتك ..

لان انت الوحيد الي دائما تسال عليه ..

كتلة هذا منو الطفل ..

كال ابن ابتهال .

فدوة حبيبي الله يحفظه ..الكم ..

ابتسم ..تتوقعين لو مزوجين ابنة اكبر منه مو ؟

درت وجهي للجامه كتله كل شي قسمه ونصيب

واحنا مالنا نصيب بالدنيا هاي ..

منير/ رجلج وين زهرة ..
وكلامج واسلوبج كله متغير ..

كتله رجلي راح ويا الي راحو ..

منير/استشهد ؟

لا سافر ..

منير/وانتي ..

شبيه اني عايشه الف الحمدلله ..

منير/دخيل ربج لا تخبليني ..شنو عافج وسافر

وصلنا قريب ع الشقه كمت اوصف اله منا ومنا ..

وانسد الموضوع الي فتحناه ..
ع الحجي ..

وصلنا لباب العمارة ..

كتله هنا كاعدة
منير/منو وياج

وحدي اني والجهال ..
ووحدج ؟؟؟-

اي

بالله عليج حرمه صغيرة مثلج وحدها ليش ..

لا تخبليني شنو السالفه

اريد افتهم ..

طفى السيارة ..

وكمت الم الغراض .مالتي ..

نزلت ..وخليت الولد بالصدر ..

منير هم نزل ويايه ..

صار قريب يمي ..

كال عليج الله اريد اتغدى وياج ..

ابتسمت اله ..

كتله ..تدلل بس اني وحدي بالبيت ومترهم ..

كال زهرة اني مو غريب ..

كتله حتى لو العالم متعرفك ..

زهرة ابن عمج اني ..