زهرة الفصل الثاني بقلم سوزان المندلاوي الناشربارق العراقي

الفصل الثاني الجزء٣٢ بقلم سوزان المندلاوي الناشربارق العراقي

#مساء_الطيب
#قصة_زهرة
#الفصل_الثاني
#الجزءالثاني_والثلاثون
#بقلم_سوزان_المندلاوي
#الناشربارق_العراقي ..

يكولون العشگ
مثل البرد ..

اذا يدخل ..لقلوبنا .. ويجمد كل المشاعر ..ويا كل شخص

وينبض بس بدفو المعشوك ..

اني مابني سعادتي ع تعاسة غيري ..

منير /يعني شنو

يعني واضح كلامي ..صعبة منير لا اني الي ردت فلوس ولا اني دورت شي ..اني حياتي غلط بغلط والصح الوحيد هي دموع وهذا حالي بس ..

كل الي جنت اريدة اعيش بهدوء ..

وتريد هسة اكون ضرة وزوجه ثانيه صعبة ..

وادخل بدوامه جديدة ومتعبه ..
وبركبتي 3اطفال .

بقى يباوع عليه ..

منير/ هه والله وكمتي تحجين يازهرة ..وتعبرين ..صح .
واني من بين ذولي كلهم منو وشنو ..
كل مرة تصديني وارجع وارجع ..الى ان صفيت بلا كرامه وياج ..

احس نفسي مبتذل المشاعر ..
بين ماضي ..وحاضر ..
ماضي مشوهه بذكريات .
وحاضر مجهول ..
مثل الجرح ..ويجي واحد يحفر بي ..

هذا اني وياج .
دومه ينزف ويون ..
.
طريق واحد ودربين درب مسدود ودرب مفتوح ..

المسدود ..انت وانت بي

والمفتوح بكل ركن انت بي ..

بقيت صافنه عليه ..وع  كلامه ..

كتله اني وياك مرضى ..

لا انت تكدر ادوي جرحي لان انت سبب دائي،
ولا اني اكدر ادوي جرحك لان اني دوائك .المفقود .
يمكن اني نزوة
ويمكن انت تحس بذنب تجاهي،وهذا كله ردود افعال ..

بس منير ..
حياتي مو حلوة ولا صافيه مثل ماتظن..
حياتي دائرة مفرغه ..واني اقف بوسطها
وادور وارجع لنفس البداية ..
منير/ كلنا نغلط ولازم نغفر وانسامح وانعيش ..
تصدكين ..بعدج ذيج  زهرة ترفه ..الي،اخاف المسج ..
لا اذي غصنج ..
بعدج زهرة ..وعطرها يفوح ..
رغم قساوة الزمن .
تبقين ..زهرتي ..

وكعد ع الدرج ...

كعدت ..وراه ..
منير ..

نعم زهرة ..

اكو اشياء متعرفها عني صارت بحياتي غيرت بيها هوايه اشياء

سلبت مني اشياء
ومنحتني اشياء ..

اولها الصبر والقوة ..

والي اخذته ..مينعد ولا ينوصف ..غباء مني ..

قله وعي ..وضاع العمر ..

اندار عليه ..

كال صعدي زهرة دنيا لليل ..

اصعدي ..

كتلة..هالمرة اني الاسفه ..واعتذر منك ..

ضيعت فرص ..ضيعت عمر..كامل بغبائي ..