فصلوني للبصره

البارت الثاني

الساعه 6:30 الصبح
بابا..يله ضيو كومي وراج دوام
ني.. اي بابا كايمه حباب ثواني
بابا..يله ياعيني مو وراي شغل
ني..كمت صباح الخير بابا
بابا..صباح النور بنيتي

..كمت دخلت للتوايت خسلت وجهي وفرشت وطلعت بدلت اناضرت خالو يجيني بالمناسبه خالو الصغير هوه يودينا للمدرسه اني وصديقاتي...كملت نبديل وسويت كهوتي وكعدت العب بالفون وانتضره..المهم اجه عليه ورحنه للمدرسه طبعا جنه احنه يصيحولنه العصابه بالمدرسه اني وصديقتي اسمه فاطمه وطيبه ومرام طبعاا جانت فاطمه اكثر وحده احبه ومقربه مني ومن شخصيتي..وجانو الكل يحسدونه ع صداقتنه ..المهم كمل البوم بسلام رجعت للبيت لكيت اهلي كلهم موجودين ماعدا اخويه امير ماما ومريم يبجن وبابا صافن واخواني مبين علهم الغضب ...

ني..شنو شصار ليش دتبجون والخوف ممتلكني
..ماكو رد
رحت لمريم..ولج شبيكم تبجون شكو
مريم.. امير متعارك ويه واحد فبالغلط دافه واكع ع الصبه وميت...
ني..عزه وامير هسه وينه
مريم اخذو الشرطه
ني..لعد بابا واخواني ليش كاعدين هنا ميرحوله
مريم..منتضرين عمامي يجون لان يكولن الولد من العماره وناس كله شيوخ وعشائر

..اني جنت اعرف العادات العشائريه وكلش خفت لمن سمعت عشائر يعني اكيد محتفظ ع خيرر
.
.
.
.
.
.
اعرفكم عن نفسي اني الشيخ فهد عمري 30 سنه استلمت المشيخه وره وفات والدي..عندي اخوه 2 واحد عليش بالخارج عمره 35 لان ميحب عاداتنه وتقاليدنه فماقبل يرجع عمود المشيخه فكال خلي فهد يصير الشيخ اسمه وسام..واخويه الثاني عمره 27 جان قريب عليه اسه حسن ..فديوم جالس بمجلس دك تلفوني بالبدايه مكدرت ارد فاانطيته لمساعدي كتله رد لان هوه دائما من اجلس بمكان هوه يرد عني..طلع بره رد واجه وجه مخطوف

اني..خير ابو علاوي شصاير
ابو علي..والله شيخ ماعرف شلون ابدي واكولهه
اني..كول ابو علي
ابو علي..والله ياشيخ الاتصال جان من المستشفى يكولون خيك حسن انطاك عمره..

بوكته مصكدت الحجي كمت ع حيلي
اني..كول يالله ابو علي بيش مولفله
ابو علي..والله خويه خابرو من بغداد كالو صاحب المبايل انطاكم عمره تعالو استلمو الجثه..

طلعت من المجلس ركض وسلاحي بخصري رحت للسياره وطلعت كبل على طريج بغداد والى ان وصلت جان واكفين يم المشرحه رجال مشيب ويمه ولد ثنين يطلعون بالعشرينات مهتميتلم لان بالي يم اخوي..دخلت اصيح..

اني..وين عضيدي وين اخوي
الدكتور..اهدء ابني هاذا مستشفى
اني..شهدء كلولي وين اخوي
الدكتور انته اخو المرحوم حسن
اني..اي دخيلك اخوي وين مو راح اتهبل شنو سبب الوفاه
الدكتور..والله ياابني جابو الشرطه راسه مفتوح بالنص يكولون متعارك واهل الولد المتعارك يمكن ذول الثلاثه لان اجو بس كالو ننتضر اهل المرحوم
انب..بس اريد اشوف اخوي والله لطلع حكه من عيونهم
الدكتور..تفضل ابني مناا

دخلت وشفت اخويه وصديق مغطينه وخرت العطه وشفت راسه مفتوح بالنص ماكدرت اتحمل الموقف رأسن طلعت لذوله الواكفين بره

شافوني رايح بتجاهم اصيح وينه جتال اخوي
الولد الجبير ..اهدء خويه مو هيج
لزمته من قميصه..ياهو جتال اخويه جاوبوو طبعا الحجي كله بصياح
الاب..ابمي اخذو الشرطه
هديته وكتله الشرطه متاخذلي حقي اله اخذه بيدي

..شويه وانترست المستشفى كله عمامي وخوالي الولد وياهم والشيوخ الجانو بالمجلس كله معكلين والاسلحه بخصرهم ....وللحكايه بقايه

اسفه الباؤت قصير بس عذروني اول مره اتمنى تدعموني حته اتشجع اكثر واكثر..........