مرحباا اني ود عمري 18 سنه عندي 4 اخوان(كرار و كاظم و علي و حسن) وامي اسمه لمياء وابوي اسمه وائل. اني اكبر وحده عن اهلي يعنئ البجر مثل مايكولون. اداوم صف ثالث متوسط جنت ماحب المدرسه جان كل همي من اداوم بس اتونس من اشوف صديقاتي ونسوالف ماجان عندي طموح مع الاسف رجع الظهر ساعه 2 ونص من المدرسه دخلت للبيت شمرت الكتب علئ امي وابوي جانو كاعده يشربون جاي. كتله بعد ماداوم بطلت ضلو يحجون عليه امي ضلت تغلط وتتوعد بيه اذا مارجعت اداوم راح تقسه وياي بشغل البيت وابوي حلف اذا ترك المدرسه بعد طول عمري مايخليني ارجع واني جنت مصممه علئ قراري خلص بعد تركت المدرسه. مر اسبوع عليه ونبع الحنان الله يستر عليه ماخلت شي بلبيت ماخلتني اغسله ومسحه. كمت اباوع من الباب الشارع اشوف صديقاتي يروحن للمدرسه شافني واكفه مرن عليه ضلن يسولفن وياي انو ارجع. بس اني كتلهن لا مستحيل ماريد ارجع للمدرسه المهم مرت عليه قتره واني وقت الدوام وقت الحله مال المدرسه ابقئ واكفه بلباب اباوع. ضليت اختنك واضوج كمت كل ماشوفن البنات يروحن للمدرسه ابجي. جان ابوي كاعد يتريك هو امي
كتلهم راح ارجع للمدرسه. امي كيفت كالت اي وابوي كال لا انتهت المدرسه انسيه ....... بجيت اطيتهم وعد انو انحج ونطوني فرصه
