مذكراتي العزيزة (كاملة)

الجزء السادس: فرصة ثانية

مذكراتي العزيزة

أنا مش عارفة أعمل ايه. كل حاجة ضاعت. كل أحلامي تحطمت. وده مش أحلامي أنا لوحدي لا أحلام والدتي ووالدي كمان أنا خذلتهم. أنا بنت سيئة. أنا ما قدرتش أحقق أحلام والدي ووالدتي. هم ضحوا علشاني كتير وأنا ايه اللي عملته أنا ضيعت كل حاجة في الهواء. كل تعبهم راح على الأرض. لأول مرة ما أقدرش أحكي لأمي على اللي حصل هي افتكرت اني تعبت علشان ما فطرتش. ما تعرفش اللي عملته. وحتى لو حبيت أقولها هقول ايه؟ هيحصل ايه لو عرفت باللي حصل هي وبابا وازاي هقدر أواجههم يا ريتني كنت مت قبل ما يجي اليوم ده اللي أكون خجلانة اني اواجه اهلي.

لو بس أر كيه يسامحني. لكن هيسامحني ازاي. أو يديني فرصة تانية ازاي. أنت مجرد طالبة وهو أمير الكلية. أنت تحدتيه ودخلتي المحاضرة بتاعته غصب عنه. عمره ما هيسامحك.

لكن أنا لازم اعمل أي حاجة. ماينفعش اقعد كدة واشوف احلامي وأحلام أهلي وهي بتتحطم قصادي أنا هاعمل أي حاجة علشان يسامحني ولو ما سامحنيش هاكلم دكتور مدحت هو على طول كان كويس معايا السنة اللي فاتت. لكنه هو يبقى ابوه. معقولة هيقف معايا مجرد طالبة ضد ابنه

أنا مش عارفة. لكن أنا لازم أعمل أي حاجة. مش ممكن أقف أتفرج وبس. ده مستقبلي. ده أحلامي. ده عائلتي. كل حاجة هتضيع. أنا مش هاقول أي حاجة لماما ولا بابا. وبكرة هروح الكلية وهحاول أعمل أي حاجة كل حاجة. أيه اللي هيحصل لي أكتر من كدة. دلوقتي تصبحي على خير أنا لازم أنام وبكرة ربنا يدبرها أنا مؤمنة بالله وهو أكيد هيساعدني.

مذكراتي العزيزة

لأول مرة النهاردة أسمع أبويا بيتكلم بالطريقة اللي أتكلم بيها على البنت ده. هو معجب بها جدا. مش عارف يمكن أكون كنت قاسي عليها شوية. لكن هي فعلا بتنرفزني جدااااااا بالطريقة اللي بتتعامل بها. هي اتحدتني النهاردة ودخلت محاضرتي غصب عني ايه لازمة الاستئذان اذا كانت هتدخل بالعافية؟ أنسى الموضوع يا أر كيه. ممكن تكون فعلا بنت كويسة زي ما ابوك قال. هو بيحكم على الناس صح. معنى كدة أنك هتديها فرصة تانية. لكن برضه انا مضايق منها وكل ما اشوفها أحس ان الدم بيغلي في عروقي. هاعمل ايه دلوقتي؟ أحسن طريقة علشان ما يتكررش اللي حصل هو أني ما اتكلمش معها ولا اسمح لها انها تكلمني. أتجاهلها تماما. كأنها مش موجودة. بالطريقة ده هي تاخد فرصتها التانية وأنا ما أعكننش على نفسي بسلوكها.

اليوم التالي

نور غارقة في بحر افكارها عندما جاءها طالب يخبرها ان أر كيه يريدها في مكتبه. توقف قلبها تقريبا من الخوف. ماذا سيحدث لها؟ وماذا ستقول له؟ وما هو قراراهم بالنسبة لها؟

نور ذهبت لمكتبه واستاذنت للدخول

"أتفضلي" أر كيه