مذكراتي العزيزة (كاملة)

الجزء السابع عشر: طلب مساعدة

نور تفكر وهي في طريقها للكلية

النهاردة أخر يوم لي في الامتحانات. أخر يوم لي في الكلية. انا حاسة ان اول يوم لي كان يا دوب امبارح. حصلت حاجات كتير قوي في السنين ده. أوقات كتير حلوة. كسبت أصحاب وخانوني. اتعلمت على يد أساتذة ممتازين. لكن أسوأهم وأفضلهم في نفس الوقت هو دكتور أر كيه. هو خلى حياتي جحيم. لكنه ساعدني اكبر مساعدة. من غيره انا كنت ضعت في الكلية ده. هو كان قاسي علي. لكنه ساعدني أوصل لهدفي. وأنا ما اقدرش انسى جميله معي في موضوع سانيا ودكتور عاطف.

ثم تذكرت ما حدث

فلاش باك

نور دخلت مكتب أر كيه في ثاني يوم امتحانات لها

"أيوة يا أنسة مالك!" أر كيه

"أنا جيت علشان أمتحن" نور

"لكن جاية هنا ليه؟ ما تروحي لجنتك" أر كيه

"حضرتك قولت هامتحن في مكتبك لغاية لما مشكلة الغش تنتهي" نور

"أيوة لكن دلوقتي تقدري تروحي تمتحني في لجنتك عادي جدا علشان خلاص الموضوع انتهى وسانيا ودكتور عاطف انفصلوا من الكلية" أر كيه

"بجد. حضرتك قصدك اني خلاص ظهرت برائتي. حضرتك أثبت اني بريئة من تهمة الغش" نور لم تصدق اذنيها

"أه دلوقتي تقدري تروحي تمتحني ولا هتتأخري كالعادة" أر كيه

"ماشي يا دكتور شكرا خالص" نور خرجت من مكتبه في قمة السعادة

فلاش باك ينتهي

هو بالفعل ساعدني كتير وانا مدينه له بمستقبلي. انا لازم اروح الامتحان دلوقتي واخلص وابقى حرة من الكلية ده

نور وخرجت وهي في قمة سعادتها لحلها في الامتحان كما تمنت وايضا لإنتهاء مرحلة الدراسة. هي تحررت من الكلية ومن دكتور كابوس. ولن تراه مجددا. وهي سارحة في افكارها أحد ما اصطدم بها. وقتما ادركت ما حدث لها وجدت حقيبتها سرقت منها. حرامي صدمها وخطف حقيبتها وجري. هي تبعته وهي تصرخ بأعلى صوتها حرامي ليساعدها أحد لكن لا أحد ساعدها. ظلت تجري وراءه حتى وجدت نفسها في شارع مهجور بدأت تخاف وقررت أن تعود لمحطة الأتوبيس. وصلت محطة الأتوبيس وبدات تسأل نفسها

"اعمل ايه دلوقتي معيش فلوس ولا موبايل أتصل بماما تيجي تساعدني؟ اروح ازاي؟ وكل الطلبة روحوا. مفيش غير واحد بس هو اللي يساعدني. هو دايما يساندني ويساعدني وقت ما احتاجه. يتهيألي انه هيساعدني. بالرغم من اني مش عاوزة اشوفه تاني. لكني مجبورة. لازم اروح له. يا رب يكون لسة في الكلية" بهذه الفكرة رجعت للكلية واتجهت لمكتب أر كيه

"أتفضل" أر كيه

"أزيك يا دكتور" نور

"أهلا يا انسة مالك. انت لسة في الكلية ليه؟ الكل مشي" أر كيه