#املكيني٢
.
يلا طبعا بعد مشكله الاراضي انتهت
اهل ابوي و امي اغلبيتهم او كلهم رحلو الخرطوم و الابيض بقا فيها ناس بيسيطين
اتوزعو هنا في بحري و الخرطوم
و امدرمان و بما انو هم هنا ماف حاجه بتستخبا يعني لمن يكون في واحد عرس او زول عرسو قربا من الاتنين بنعرف انا مصداقاهم بالفيس لكن هم ما بعرفوني انا بس براقبهم من بعيد
يلا عرفت من منشور انو خالي عمر جلي هو واولادو عشان عرس بتو و طبعا امي بتريد خالي دا شديد هو اكبر منها لكن بريدها شديد
و دايما كانت بتحكي لينا بيو
كان نفسي اشوف لكن كنت متاكده انو مستحيل يوم اجي الاقيهو فيو
اها يوم و انا قاعده في الحوش برا مع الاء براجع ليها الدنيا نهايه عصر قشينا و رشينا الحوش و فرشنا سرايرنا و ختينا طربيزه و جك عصير و كتب الاء و قعدت ارجع ليها الكيميا عشان امتحاناتهم قربت
باب الشارع دق لبست توبي و مشيت فتحتو لقيتو راجل طويل اصفراني كبير في السن لكن ما شديد شعرو اسود و قدام عندو قره بيضاء لابس بنطلون و قميص و ريحتو زي ريحه العطور الغاليه ديك عطرت الشارع كلو و افقه جمبو عربيه دبل قبين كبييره ابتسم لي قال لي دا بيت وفاء عوض
قلت ليو اي قال لي ناديها قلت ليو اقول ليها منو قال لي قولي ليها اخوك طبعا اتصدمت لمن قال لي كدا دخلت المطبخ ناديت امي كانت بتعمل في شاي المغرب قلت ليها واحد برا قال اخوك امي لفحت توبها و مرقت اول ما شافتو قعدت تبكي و هو دخل البيت و مسكه و قعدو يبكو اظن نص ساعه الا اخي واقفه جمبي قالت لي دا منو قلت ليها خالك امي بعد بكت زززين قالت ليو اااحي يا عمر ياخوي
وهو دموع جاري انا كدا عرفتو دا خالو عمر
بعد اخدو بكيتهم جا سلم علي انا والاء و قعد في السرير
عاين كدا قال لينا دا منو الممتحن امي قالت ليو الاء واشترت ليو على الاء و عاين لي قالت ليو دي امل الكبيره اتخرجت قبل سنه تخدير قال لي ما شا الله يا بتي و قعدو يتذكرو في الفات و الحصل و ايام كانو صغار و امي اول مره اشوفها فرحانه كدا اثناء الونسه قال لي امي :و الله يا وفاء لمن خليتك و سافرت كنتي كريمه البخل النزل عليكم شنو ادوني اشرب
قعدنا نضحك مشيت جبت ليو مويه و بارد شرب المويه و عاين للبارد مسافه قال لي امل قلت ليو نعم قال لي دا عصير شنو الفي الجك قصدو القاعده في طربيزه المذاكره قلت ليو تبلدي قال لي اللله اد يني اديني كبيت ليو شربو كلو قال لي و الله زمن
قعد مسافه اتونس و قال عندو
اربعه اولاد امي قالت ليو الرابع دا متين قال ليها بعد سافرنا طوالي قال ليها اكبر من وفاء دي بسنه امي سالتو منهم
قال ليها الكبير (مهند) قرا علوم اقتصاد هناك و اتوظف و اسي بعد العرس راجع تاني و اما (امجد) قرا هندسه معمار و لسه ما حدد مستقبلو هنا ولا هناك و (لينا)قرت طب و ياهو بعد العرس ما معرفو
اما الاخير دا طبعا ما بتعرفو اسمو (مؤيد) قرا محاسبه
امي قالت ليو ما شا الله و الله ربنا يحفظهم و احلام كيف
طبعا احلام دي مرتو قال ليها كويسه و الله طبعا هم ما عارفين انا جايك الليله شلت اللعنوان من صفاء
صفاء دي خالتي هي كويسه و حنينه لكن خلاني غاسبنها
و بعد الونسه كملت المغرب اذن صلى و قال ماشي و ان شا الله يجينا و كت تاني و معاهو اولادو
قبل العرس قال لينا العرس بعد تلاته شهور
و هو مارق سلم على امي في يدها و خت ليها قروش و سلم علينا و مشى بعد مشى امي حسبتها لقتها ٢٠٠٠
لكن انا زعلت شديد من الحركه دي و امي قالت لي دا اخوي ما فيها حاجه ....يتبع
#نسرين_عزالدين✍
