#املكيني9
.
الاء اتغيرت شديد مني وكل ما احاول اقرب منها هي مصره انها تبعد حسستني انو انا بكرها او دايره ليها الشر
يلا يوم و انا في الكوفير شغاله جات خطيبه مهند لرانيا طبعا هي صحبتها جات تسلم عليها لمن شفتها سبمت عليها بس هي ما اتذمرتني و كان ظاهر عليها انها ترفانه وبت راحات من لبسها و العربيه السايقاها عاينت لي باذدراء قالت لي ما بعرفك قلت ليها انا بت عمه مهند جيت حضرت خطوبتكم قالت لي ايوا
اها رانيا وين
لئيمه شديد😳رانيا جاتا قالت لي امل كملي شغلك حسيت بذله شديده لكن كتمتها في قلبي😡
مشيت
يلا هي دخلت معاها مكتب رانيا جوا وانا كنت قاعده في غرفه الفيشيل مع وحده زميلتي قالت لي دي صحبت رانيا ؟ قلت ليها اي قالت لي اكيد ح تكون زيها قلت ليها كيف قالت لي رانيا دي ما تشوفيها كدا و الله وحده خبيثه و ما تمام تصرفات كعبه ما رديت و عشان اختصرها و ما اجيب سيره زول مرقت من غرفه الفيشيل و جيت ماره بمكتب رانيا سمعتهم بتكلم
رانيا : والله مبروك الخطوبه🤣🤣🤣بعد قلتي ادبك كويس اسي جياي للمسكين دا
قالت ليها : يا بت المسكين دا انا دايره بيهو شنو 😂 ما دايراهو و الله كلها ايام واخليو بس العايزاهو القاهو اول
ردت ليها رانيا : لكن شكلو ود حلال حرام عليك🤣
قالت ليها : يا زوله مالي مالو اصلا هو ما دايرني و خطبني عشان ما لقا اقرب بت بعرفها
انا سمعت الكلام و ما فهمت حاجه قلت يا ربي اكلم 😳خلاي بالسمعتو لكن انا ما عندي دليل
ولا هم بعرفوني اصلا
بعد دوامي انتهى مشيت لامي حكيت ليها قالت لي يا بتي نحن مالنا ما تتدخلي احسن قلت ليها كويس و اثناء كلامنا داك الاء جات داخله تنطط و تصرخ
امي قالت ليها مالك قالت لي مؤايد قال جاي يتقدم لي🙉🙈🙈🙈
امي فرحت شديد وانا برضو فرحت ليها و هي طبعا موافقه و فعلا مؤايد كلم ابوهو و جونا و طلبو الاء ليو و حددو زمن الخطوبه ....يتبع
#نسرين عزالدين
