كرونيك جديدة بعنوان:🌹الحڨرة🌹

7⃣

الحلقة_8: ناضت زهرة الصبح كي العادة وخرجت تحوس على خدمة ....دور من جيه لجيه باش تلقا خدمة لي جات المهم خدمة.. راحت لوحد السبيطار بش تخدم فام دو ميناج... قبلوها..وقالولها من غدوة تبداي خدمتك.. زهرة خرجت فرحانة واخييراا لقات خدمة ... زهرة راجعة للدار متبسمة حست بلي بدات تفتح في وجها...صح شهرية قليلة مي تعاون روحها خير من مكااش... تمشي وتقول في قلبها : معليهش المهم خدمة نقية...ميهمش فام دوميناج...المهم ندخل مصروف... دخلت عند سعاد فرحانة.. زهرة: سعاد سعااد...افتحي.. سعاد: خير؟؟ طمنيني !! زهرة: لقيت خدمة مزية ... سعاد: حمد لله يااربي ...قتلك متقطعيش ليااس ...بصح وين ؟؟ زهرة: فام دو ميناج فالسبيطار.. سعاد: مليح.. جات ملاك تجري عند زهرة...زهرة رفدتها منبعد تفكرت...وجها نقلب... سعاد: شبيك زهرة؟؟ زهرة: خااه نسيت مقلتلهمش على ملاك... سعاد: وكيفاه راح ديري؟؟ زهرة : مانيش عارفة. .. سعاد: شوفي كاش وحدة تشدهالك وخلصيها .. زهرة: شكون هذي الكونفيونس ..وزيد هو الخلاص قليل ... سعاد: الله غالب ولادي صغاار وراجلي ميحبش سينو نشدهالك.. زهرة: قوليلو نمدلك مصروف وخليها عندك حتى ندبر خدمة وحدوخرا.. سعاد: والله منعرف .. زهرة: قوليلو شهر برك..ومنبعد نزيدلكم فالسومة... سعاد: كي يجي نقولو.. زهرة: عيشك... راحت زهرة وسعاد كي جا كمال راجلها قاتلو.. كمال: نقولك الصح انا هذاك باباهم صالح غير تاع مشاكل .. سعاد: ولولاد واش ذنبهم وزيد راح تخلصنا.. كمال: ايه كي عادت تخلص معليهش.. سعاد: خلي الشهر هذا تمدنا مصروف حتى تلقا خدمة وحدوخرا.. كمال: معليهش.. سعاد راحت تفاهمت مع زهرة وبلي تخلي ملاك عندها وشنو تمدلهم مصروف.. زهرة قبلت مظطرة معندهاش حل...راح تخدم وتقتصد في دراهمها باش تقدر تصرف للدار وتخلص سعاد وراجلها... الصبح راحت سعاد تخدم فالسبيطار... بدات زهرة خدمة ااشقا...تسيق وتخمل فالسبيطار ... المهم تكون لقمة حلالية.. الحاجة لي كانت تفرق بين زهرة وبين فام دوميناج لخرين انو زهرة كانت صغيرة وشابة ..يعني يطمعو فيها ...ومدام تخدم فام دوميناج معناها تحتاج دراهم ومعندهاش مدخول وحدوخر.. الشي هذا يخلي بعض الذئاب البشرية تطمع فيها. كيما وحد الفرملي ثما اسمو #جمال .. كان يظل يتبع فيها بعينيه...وتعجبو بزااف.. زهرة كانت تخدم وحاطة على روحها مي هو مطلقهاش وبقا وراها... جمال: بسسست زينة زهرة طلعت راسها شافتو رجعت هبطاتو وكملت تسيق . جمال : وعلاه تخدمي هنا ؟؟ زهرة محبتش جاوبو وكملت خدمتها.. جمال وراها ولاسق فيها وهي تبعد وهو يهدر .. زهرة قلقت منو . زهرة: روح بعدني الله يسترك خليني نخدم. جمال: عجبتيني.. ويقرب
جمال: عجبتيني.. ويقرب ليها زهرة عيطت عليه: روح اخطيني ....احشم على روحك.. جمال تقلق منها عيط عليها : اااخدمي خدمتك وبلعي يااخي موسخة تعلمت تحل فمها . وراح. زهرة تسمع غاضتها عمرها دموعها نزلو بلا مافاقت . جات وحدة تخدم معاها تسكت فيها.. اسكتي بنتي متبعيهش هذاك ميسواش وشافك صغيرة طمع فيك...كون تلقاي بدلي منا.. زهرة تبكي: ياخالتي وين نروح هذي الخدمة لقيتها بسيف.. ...معليش بنتي اصبري ومجاوبيهش ...ربي يهدي ماخلق .. زهرة: نشالله.. كملت زهرة خدمتها ورجعت للدار.. درك عندها عشرة ايام خدمة هم الدنيا وزادها حتى هم لعباد وهي حاملة وصابرة المهم توكل خاوتها
الحلقة_9: جازو يامات زهرة تخدم فالسبيطار وتسيق ومين شوف الفرملي هذاك تخطيلو الطريق... وحد النهار كانت راجعة مالخدمة مهبطة راسها شافت طونوبيل حبست قدامها..طلعت راسها لقاتو محمد .. زهرة شوف فيه مخلوعة هي تالمو المشاكل نساتو كامل .. محمد: مدموزال...شفيتي عليا ؟؟ زهرة تعبانة مالخدمة شافت فيه قاتلو ايه..شفيت.. محمد: وعلاه معيطتيليش ؟؟ اذا قابلة وماكيش قابلة كنتي تخبريني.. زهرة هبطت عينها متحسرة وين كانت فالنهار لي شافها وهدر معاها وين رجعت درك...الحاجة اللولى لي خمت فيها هي خاوتها صغاار ومدام راهي مسؤولة عليهم...متقدرش تخمم فالزواج من اصلو.. محمد يشوف فيها غايسة .. محمد: مادموزال...وين غستي ؟؟ زهرة : ااه...هاني معاك... محمد : مجاوبتينيش ؟؟ زهرة : م...مقبلوش.. محمد مستغرب ومتحسر: علاه ؟؟ حبينك تكملي قرايتك ؟؟ معنديش اشكال انا نخليك تقراي من عندي.. زهرة تفكرت قرايتها تبسمت بقهرة واش مالقراية وهي راهي تسيق فالسبيطار. زهرة: نن...محبوش برك.. محمد تنهد حاس بلي هي محبتش ولا بلاك معجبهاش.. محمد: معليهش ...ربي يسهل.. زهرة : نشالله.. هبطت زهرة راسها وكملت طريقها للدار وهو يتبع فيها بعينيه حزين ..هو حبها حتى بلا مايهدر معاها مي كان ديما يشوفها دخلت خاطرو..وكي عول يخطبها رفضاتو.. طلع في طونوبيلتو وقلع حزين تمنى كون قبلت بيه مي هي محبتش... ومن حقها... زهرة تمشي بعدت عليه نزلت دمعة سخونة على خدها مسحتها...وقلبها محروق...تفكرت بلي هي مدامها قايمة ومسؤولة على خاوتها مراحش يكون لها الحق تحب وتتحب وتتزوج كيما كامل لبنات ..راح تكون ام وهي ماش مزوجة...راح تعيش هاك وتبقا هاك وتنحي فكرة الزواج من راسها بشكل نهائي.. لحقت للدار فطرت خاوتها وخرجو لبرا يلعبو... راحت عند سعاد تحكيلها وتبكي... سعاد تسمع فيها غاضتها.. زهرة: يااربي والله راجل لباس بيه ميتعوضش وحتى حسيتو دخل قلبي وحبيتو تالمو عند و مدة يتبع فيا... مي الله غالب هذا مكتوبي نرضا بيه...درك عندي خاوتي هوما الصح.. سعاد: وعلاه مصارحتيهش ...بلاك يقبل بيك وبوضعك..!! زهرة:محاال يقبل...سعاد راكي كبيرة عليا وتعرفي ...كاين راجل يقبل مرا ومعاها 3 خاوتها صغاار.. سعاد: متدري زهرة...جربي .. زهرة: حتى ويقبل ما ليه ميقبلوش... سعاد: جربي زهرة متفشليش. زهرة: وين راح نلقاه درك.. سعاد: عيطيلو تليفون غدوة من تاكسي فون وشوفيه.. زهرة: نشالله... ... نرجعو لمحمد مور مرفضاتو زهرة كره حياتو وقلع بالطونوبيل تاعو لي يخدم بيها كلونديستان.. يسوق وكاره...حاسب هي رفضاتو وماهوش عارف ضروفها لي منعتها من الزواج بيه ولا بغيرو... محمد: محمد: علاه النهار لول تبسمتي حسيتك فرحتي ودرك شفت خزرة تاع حزن في عينيك...علاه واش تبدل... باين جاك مول الصوارد مقنعكش موح الكلونديستان.. ايه نتوما تاع دورو متحبوش الزوالي ... معليهش ربي يهنيك
*****************
فوت & كومونت بليز