كرونيك جديدة بعنوان:🌹الحڨرة🌹

8⃣

الحلقة_10: الليلة هذيك زهرة بايتة تخمم زعما تروح تقولو لمحمد واسكو راح يقبل بوضعها...يعني ممكن يقبل وتفرج عليها...وترجع لقرايتها ...؟ زهرة: بففف راني نحلم محاال يقبل .. اااه يازهرة فيقي لعمرك كيفاه راح يقبل بيك وهو عازب حابني انا برك ماشي بخاوتي وسيرتو عندهم باباهم... تنهدت حزينة ومقلقة. معليهش نجرب ماني خاسرة والو...خليها على ربي هو لي عارف صلاحي وين .. رقدت زهرة الصبح وصلت ملاك عند سعاد واميرة وفيصل للبريماار وكملت طريقها للخدمة... .....جازو يامات.....زهرة متلاقاتش بمحمد وبقات متردة باش تعيطلو جاتها طيحة ..وحست بالاهانة .. ... نرجعو لمحمد ..رايح يخدم...وصل جماعة وجاي راجع شاعل ڨاارو ويتكيف وعقلو عند زهرة حتى شاف طفلة فالطريق طايحة.. حبس مخلوع...نزل ليها ينوض فيها . محمد: مادموزال...مدموزال...نوضي... بقا محمد ينوض فيها محبتش تنوض والو... رفدها حطها فالطونوبيل وقلع بيها للسبيطار... يسوق ويشوف ورااه مقلق الطفلة ميعرفهاش وزيد معرفش واش صرالها... لحق للسبيطار دخلها وهو رافدها في يدو... من زهرو بالصدفة شافتو زهرة لي كانت تسيق ...بقات تبع فيه وشوف فيه من بعيد محبتش تقرب... دخلها الطبيب وهو رايح جاي مقلق عليها... زهرة شوف فيه مالبعيد...ماهيش عارفة علاه تبع فيه بعينيها...وهو رايح جاي... ممكن انها تحبو ...ممكن انها توحشاتو وممكن حتى تخمم اذا راح يقبل بعرضها ...شافت الطفلة لي معاه تبان قدها فالعمر ومن لبستها تبان لاكلاس.. تحسرت وراحت تكمل شغلها مكاش كيفاه تهدر معاه وهو في حالة ومقلق...زهرة خمت بلي هذيك فاميلتو ولا ممكن يعرفها. ... محمد يهدر مع الطبيب كي خرج.. محمد: خير واش بيها ؟؟ الطبيب: مابيهاش ممكن تعرضت لدفعة ولا صدمة. ..وصفتلها دوا....ونشالله تريح... دخل محمد عندها لقاها فاطنة .. محمد: لباس عليك مادموزال...انا لي وصلتك لهنا.. منال: ااا اوك .انا منال ..عيشك خويا.. محمد: يسلمك...واجبي ..تحبي نوصلك عادي انا كلونديستان . منال تنهدت حزينة منبعد طرطقت بالبكا...محمد نخلع. محمد: شبيك خير؟؟ كاشما قتلك ؟؟ منال: ياخويا. .. كون غير خليتني مت ومجبتنيش لهنا . محمد قرب ليها : استغفري مولاك علاه تقولي هاك؟؟ منال: انا حابة نموت ونريح . محمد: علاه ..فهميني...متخافيش سرك في بير راني ولد حلال . منال: حتى انا حسيتك ولد حلال....انا...انا...تعرضت للاغتصاب .. محمد مخلووع : اغتصااب ؟؟ منال: ايه...واحد كان حابني بسيف وكي رفضتو اغتصبني ...وكيلو ربي حطملي حياتي والبارح رحت ليه تحت تهديداتو باش يبيعني لدارنا ورفضت ضربني ورماني فالطريق كيما لقيتني... محمد: لا حول ولا قوة الا بالله. هذا ماهو
محمد: لا حول ولا قوة الا بالله. هذا ماهوش بنادم . منال: راني عايشة في جحيم معاه...وعارفة نطول ولا نقصر نقتل روحي ومنخليهش يمس شعرة مني انا بنت فاميليا بصح هو رخييس حطملي حياتي . محمد تنهد: والحل كيفااه ؟؟ منال: عندي حل واحد...يلزم نلقا ولد حلال لي يسترني...رفضت شحال من خطاب بسبب حالتي...خفت مايفهمونيش...تعرف مجتمعنا...وراني حاصلة راهو جايني خطاب ودارنا حالفين يمدوني... محمد تنهد بقا رايح جاي غاضتو حالتها .. محمد: مانيش عارف اذا راح تقبلي عرضي مي كون نخطبك انا زعما تقبلي ؟؟ منال شافت فيه مخلوعة : وعلاه عليك خويا ؟؟ . محمد: راكي ولية والناس مترحمكش..وانا حاب نسترك.. منال : ربي يسترك خويا...خمم مليح.. محمد تبسم : راني متاكد...نسترك فلدنيا وربي يسترني فالاخرة وهذا هو الصح...واش رايك قابلة ؟! منال : ايه قابلة عيشك خويا عمري مننسا خيرك..ريحتني محمد ضحك؛ مانيش خوك...انا خطيبك... منال حشمانة : كي اليوم نشالله... منال مدت نيميرو ولادراس تاع دارهم وتفاهم معاها تقول لدارهم ويجي يخطبها رسمي .. خرج هو وهي يتبسمو. . منال: نروح نمشي راني مليحة .. محمد : اوك...كيما تفاهمنا.. منال: اوك... راحت منال تمشي ومحمد رايح يطلع فالطونوبيل... حتى شاف زهرة خارجة مالسبيطار ...هبط راسو...حتى شافها جاية ليه...استغرب... زهرة حشمانة : معليهش نحكي معاك في موضوعنا..؟؟ محمد : تفضلي !! زهرة: انا....انا...قبلت بعرضك..بصح عندي ليك شرط...انا عندي خاوتي صغار يلزم تقبلهم خاطر ماما ماتت و....وانا نربيهم زهرة تهدر ومحمد ماهوش يسمع عقلو عند منال وبلي وعدها...بقا يشوف في زهرة وهي تحكي حشمانة وهو في عالم اخر.. زهرة : هذي هي حكايتي.. محمد : واش اسمك ؟؟ زهرة: زهرة.. محمد: ياازهرة ..جيتي روتاار بززاف انا خطبت ولي كنت معاها درك خطيبتي...الله غالب.. زهرة حست ما باارد ترما عليها هي اصلا الكلام كانت تخرج فيه بسيف حاسة روحها ذليلة وطيحت بروحها.. وهو مقيمهاش ...مكانتش عارفة محمد بلي وعد منال ومكانتش عارفة بلي هي تحكي وهو عقلو راح بعيد ومسمعهاش مليح . هبطت زهرة راسها ذليلة...حست بال#الحڨرة خاطر هي ومنال فرق كبير...وباين من لبستهم... مشات وبعدت على محمد لي تحسر وتنهد... بعدت شوي زهرة لحقت للدار خاوتها عند سعاد..ترمات في فراشها تبكي بالشهقة وبالحرقة.. بكا وقهرة وذل ميحسها غير لي مجربها...بكات زهرة وانقهرت ...حست روحها متسوااش وندمت على الدقيقة لي راحت حكات معاه... جبدت فوطو تاع يماها وتبكي.. زهرة: علااه علاااه يماما مديتينيش معااك علااااااااه
الحلقة_11: جازو للايااام والشهور...وزهرة في خدمتها شاقية. ..الحاجة الوحيدة لي كانت تفرحها هي كي شوف خاوتها يضحكو ويلعبو فرحانين....عندها تسوا الدنيا ومافيها. ...اصلا هي تخدم باش تفرحهم وتسعدهم لابغا على حساب سعادتها. ... زهرة تلهات مع الخدمة ونسات الباك لي لحق...اصلا مدام هي متقرااش مبهمهااش الباك..الحاجة لي كانت هامتها دخل دراهم... لحقت النتيجة تتع الباك...زهرة رايحة الصبح تخدم ..شافت صحاب الباك لي جابوه يحكو ويضحكو مع بعضاهم...حبست شوف فيهم من لبعيد ...غاضتها عمرها تفكرت كي كانت يماها عايشة وطلعت للباك فرحت بزاف وكانت طامعة تخدم وتعاون يماها وتريحها بصح الله غالب ....الموت خطفتها...راحت الام الغالية وخلات زهرة تكافح وحدها هم الدنيا وهم العباد لي مترحمش.. زهرة تخدم وعقلها فالباك تاعها لي رااح بقات تخدم حزينة . جا ليها جمال ...شافها حزينة . زهرة شافتو هبطت عينيها اصلا هي تبعد عليه قدما تقدر... جمال: الزينة بست هيا نخرجو...؟؟؟ زهرة ساكتة محبتش جاوبو .. جمال: نهدر معاااك اي..جاوبي !! نخرجو نحوسو ونعاونك بالدراهم وفرحيني ...خير من الخدمة هذي !! زهرة قلقت منو ..جات رايحة وقفلها.مقلق منها لي رافضاتو . جمال: تشنفي عليا يالطلابة..يالجيعانة... وشاف فالبيدون تاع تسياق وضربو برجلو ...الدنيا رجعت كامل ما وهي مقبيل وهي تسيق فيها... زهرة شافت فيه مخلوعة وهو يشوف فيها بمكر.. جمال: شفتي ...يلزم هااك معااك وديما هااك حتى ديريلي واش حااب... وراح وخلاها متحسرة.. زهرة: حڨاااار ربي يعطيهالك متخافش...حسبي الله ونعم الوكيل فيك... ورجعت تمسح فالما وتسب وتدعي عليه.. جمال ديما عقابها يكرلها في حياتها باش تقبل تخرج معاه....زهرة قلقت منو والنسا لي ثما قالولها اشتكي بيه. راحت زهرة للادارة وقدمت الشكوى تاعها . زهرة كانت حاسبة راح يعاقبوه وهي تريح...مي جمال كان بمعارفو....وصار العكس جمال مصرالو والو وهي لي خرجوها وردو التهمة فوقها بلي هي لي ماشي شادة نيفها..... وتم طردها من السبيطار...زهرة خرجت ذليلة... الله غالب وقت وزمان #الحڨرة...وقت يا تاكل يا ياكلوك .. زهرة رغم كلش محاال تتخلى على نيفها... رجعت للدار جابت شوي قاطو لخاوتها... استقبلوها يجرو ويضحكو. وااااي جابتلنا قااطو واااي.. زهرة رغم كلشي كي شوفهم تفرح . زهرة: هيا الشاطرين نروحو للداار... خرجت زهرة مع خاوتها...حتى عيطتلها سعااد.. زهرة: نعم ؟؟ سعاد: زهرة علابالك بلي خاوتك داو عطلة اليوم ..وانا منقدرش نشدهملك في ثلاثة ...يلزم تلقاي حل... زهرة بقات واقفة شوف في سعااد من جيه حاوزوها من الخدمة ومن جيه خاوتها داو العطلة ومتقدرش تخليهم وحده
ومتقدرش تخليهم وحدهم.. رجعت للدار تجر في رجليها حاسة روحها رجعت للضياع ورجعت دخلت في نفق مظلم... جازو يامات وزهرة بداو يخلاصولها الدراهم لي خباتهم... خاوتها درك 3 صغاار وين تخليهم وتروح تخدم...مكااش كيفااه... زهرة : ااااه ياااربي حصلت ودرك كيفاااه راح ندير كيفاااه.. خمت زهرة وخمت بزااف وملقاتش حتى حل ...مي الدنيا رماتها زهرة...رغم ناس كانو يعاونهم بشوية ماكلة ولا لبسة كي يعرفوهم يتامى مي مستحيل يغطو كامل المصاااريف .. الصبح ناضت زهرة راحت عند سعاد.. زهرة: خليهملي عندك اليوم برك
"***************
فوت& كومونت بليز