كرونيك جديدة بعنوان:🌹الحڨرة🌹

1⃣7⃣

الحلقة_26: حليم: هيا زهرة نروحو .. زهرة وقفت شافت فيه بحقد : نوكل عليك ربي على واش درت فيا وفي خاوتي .متحسبش بدراهمك راح تقدر دمرني ..لااا قدما تكون قوي كاين ربي قوي عليك وهو يجيبلي حقي وحق خاوتي متخافش ... حليم: هيا زهرة خلينا من هذي الهدرة درك تعيشي معايا وشوفي .... زهرة هبطت عينيها وراحت طلعت فالطونوبيل .. حليم طريق كامل يسوق وزهرة ساكتة وتبكي بالسكات صورة خاوتها متنحتاش من بالها ..قدما شدت فيهم مقدرتش وجا نهار لي فرقوهم.. لحقو لدارو لحليم .. زهرة شوف في الفيلة لي ساكن فيها ..شابة. ..تنهدت بقهرة ...تمنات كون خاوتها معاها كانت راح تكون افظل مي درك ماهيش حاسة بوالو جوز فيها برك. حليم فتحلها الباب دخلت . حليم تبسم : تفظلي لدارك. . زهرة بقات شوف فالدار ماهيش حاسة بوالو لا فرحة ولا شي... حليم دخل دوش وزهرة راحت لبيتهم خرجت حوايج باش تلبسهم وشافت شومبرة وحدوخرا باش ترقد فيها خرج حليم مالدوش وهي دخلت وراه... خرجت ولبست ....لقات حليم قاعد يتفرج.. زهرة: رايحة نرقد تصبح بخير... حليم : وين ترقدي؟؟ زهرة : مراحش نرقد معاك نرقد وحدي ياك المهم قدام الناس راني مرتك.. حليم: خوذي راحتك... دخلت زهرة لبيتها وغلقتها بالمفتاح.. زهرة: هكا نرقد الاز... حطت. راسها باش ترقد مقدرتش تفكرت خاوتها تنهدت .. زهرة: سمحولي ...سمحيلي يايما مي الله غالب ماشي بيدي...كون جات ليا راني كفلتهم مي القانون ظدي الله غالب ...وانا وحدي طفلة منقدر ندير والو.حتى انا راني ضحية للراجل هذا . .... جازو يامات وزهرة تلعب دور مرتو لحليم وتتبسم قدام الناس بسيف ...ومعاه الهدرة متهدراهش معاه ...عايشة معاه وتكرهو. ..مي قدام الناس تحمرلو وجهو. باش يخليها شوف خاوتها وميحرمهاش منهم .. زهرة كل يوم فاليل تتفكرهم تتوحشهم تبكي عليهم الدم ..مزالو صغار وموالفين بيها وموالفة تتهلا فيهم وترقدهم معاها .درك رجعو كي البراوية. . كانت ساعة ساعة تروح شوفهم تشبع بكا كي ترجع ..متحبش تبكي قدامهم باش يوالفو بلا بيها ... تشريلهم حوايج والعاب وتديلهم .. زهرة كانت ديما خايفة من نهار يبعدو عليها. خاطر ممكن تتبناهم كاش عايلة ومتقدرش شوفهم وراح يبعدو عليها دربة وحدة.. وحد النهار رجعت من عندهم قاعدة فالدار وتبكي ..كانت عند خاوتها ورجعت... حتى سمعت تقربيع فالباب ..مسحت عينيها باش تتظاهر باابسمة ...# Rezak Fouad فتحت الباب لقاتها احلام... بقات شوف فيها معرفت تفرح معرفت تزعف. احلام حشمانة:زهرة. ...خليني ندخل ونحكو.. زهرة شافت فيها بنظرة تتع انسان مدمر.. زهرة: واش بقالنا نحكو؟؟ كاشما بقا؟؟ خلاص فرقتو بيني وبين خاوتي ودرتو وتش حبيتو ...واش مزال
• خلاص فرقتو بيني وبين خاوتي ودرتو وتش حبيتو ...واش مزال زيدو ديرو.. ودخلت وخلاتها واقفة احلام دخلت وغلقت الباب موراها وراحت قعدت قدام زهرة. احلام: زهرة علابالي كون نحلفلك مراحش تامنيني مي والله مكنت عارفة....مكنتش عارفة بمشكلتو لحليم ولا بواش كان مخطط!!! زهرة: وراجلك ياك صاحبو !؟ احلام: راجلي قالي حسبتهم تفاهم على كلش ميقدرش يدخل ... وانا كون عرفت نمدلو ملاك !!! مكنتش عارفة يازهرة انا كي عرفت تشوكيت....سمحيلي زهرة سمحيلي كنتي لباس عليك انا لي وصلتو ليك باش صار فيك هاك. زهرة دموعها نازلين: دمرني يااحلام ..خاوتي صغار بعاد عليا ...وبلاك درك تتبناهم كاش عايلة ويبعدو عليا كثر... احلام: علاه محاولتيش مع حليم بلاك يقبل يتبناهم !!! زهرة: مستحيل باش نعقد معاه. ..جاامي . عارفة مايقبلش واذا فت عقدت معاه راح نغرق روحي .. احلام: لا حول ولا قوة الا بالله. .كيما خممت ملقيتش حل ... زهرة تنهدت ودموعها نازلين بلعقل..: الحل عند ربي ...حليم عرف يلعبلهالي مليح ..استغل ضعفي واستغل فقري ..استغل ضروفي لصلاحو ..بصح معليش ربي كبير ....انا شادة في ربي وغير هو لي يقدر ينتقملي ويفرج عليا ....طول الزمان باباااا
• #الحلقة_27: خرجت احلام من عند زهرة...زهرة طل عليها مالتاقة ...حتى رجعت متبانش...تنهدت.. ترمات في فراشها تخمم كاش حل ولا كاش عفسة تخلي حليم يرجعلها خاوتها .. زهرة: بففف مراحش يقبل قلبو حجرة والله مانهمو ...وزيد حتى ويطلقني وين نروح ..بففف حصلة ...هذ ا كامل بسبة صالح ..هو لي عاونو باش قدر يضحك عليا ويبعدني على خاوتي .. ..... جازو اليامات ومكان حتى جديد... وحد النهار زهرة خرجت تقضي صوالح للدار....وكاشما تشري حوايج... قضات بزاف صوالح ليها ولخاوتها ...حتى عيات مقدرتش ترفدهم . زهرة: بففف عييت واش يوصلني للدار ..نعيط لحليم يجي يديني . رفدت تليفون تعيطلو طافي زادت عاودت طافي... زهرة: اااه ياربي طافي راهو مشغول مع الخدمة ...ودرك كيفاش ندير باش نروح للدار... بقات تخمم.. زهرة: نروح بلعقل حتى نلحق .. بقات زهرة تمشي ورافدة قضيانها عيات والسخانة تقتل ...تمشي بلعقل وتحبس... الترنسبور مبجوزوش من ثم لي تروح فيهم هي.. بقات تمشي قطعت الطريق .مفاقتش حتى سمعت فران . طلقت كلش من يديها وغمظت عينيها وعيطت.. زهرة: اااااي... فتحت عينيها بلعقل .. شافت روحها لباس شافت قدامها طونوبيل حابسة.. محمد : مدموزال لباس ؟؟ زهرة شوف فيه هذا محمد..ايه هو عرفتو... زهرة نسات كامل بلي قريب قاسها ...شافتو محمد اول حب في حياتها لي حباتو وحب يخطبها وفلخر رفظاتو لضروفها وكي رجعت ليه كان خطب.. بقات شوف فيه رجعها 3 سنين لور... هبطت عينيها ..وتنهدت. محمد مع لول معرفهاش مي كي قرب ليها باش يشوف كاشما يكون صرالها ...عرفها... هبط عينيه حتى هو حس بغصة في قلبو ...تفكر نهار جات ليه ورفظها ...طلع راسو لقاها لابسة خاتم تاع خطبة ولاليونس معناها مزوجة... هبط عينيه .. وهبط يرفدلها قشها لي طاح... زهرة: خلي عليك خويا. بقات ترفد معاه حتى رفدوهم كامل .. زهرة مسحت العرق من جبهتها هي اصلا كانت عيانة والسخانة وزادتلها الخلعة. محمد شافها عيانة ...بلا مايفيق قاللها .. محمد: تحبي نوصلك .انا نخدم كلونديستان.. زهرة:اااه!!!؟؟ محمد : متخافيش بنتي راهي معايا فالطونوبيل ... زهرة سمعت كلمة بنتو حست بغصة شافت فالطونوبيل لقات طفلة تلعب عمرها عامين هكاك .. محمد: كيما تحبي...# Rezak Fouad زهرة: معليش مذابيا توصلني ... طلعت زهرة ملور معاه وبنتو ثم تلعب... محمد: بشرى ...ريحي . زهرة شوف في بنتو قاعدة وتلعب تنهدت... محمد: وين تسكني مدام.. زهرة قاتلو على لادراس ديمارا محمد طريق كامل ساكتين وهو ساعة ساعة يشوف فيها مالتروفيزور وهي غايسة في عالم وحدوخر... زهرة تنهدت...كانت راح تكون هي ام بنتو مي الله غالب ..هذا مكتوب ربي هي في واد وهو في واد... وصله
• zوصلها محمد نزلت زهرة ومحمد يشوف في دارها فيلة... تنهد وحط نواظرو وقلع . محمد: اااه يازهرة بصحتك مول الشكارة عرفتها بلي بدلتيني بيه...معليش ربي يهنيك.. زهرة دخلت للدار وغلقت الباب راحت طل عليه مالتاقة ودموعها نازلين وماهيش عارفة حتى علاه ...بقات شوف فيه حتى رجع ميبانش
• #الحلقة_28: الليلة هذيك زهرة في فراشها مقدرتش ترقد بقات تتقلب وتخمم في محمد..تفكراتو وتفكرت هذوك ليام تنهدت وتبسمت زهرة: ياحسرااه كون يرجع الزمان وراني مع يما وجا محمد خطبني كون رانا تزوجنا وعندنا بنوتة كيما بنتو ... بصح الله غالب ...يما توفات ...وهو رفظني ..صح رحت ليه وحكيتلو حكايتي ومشاكلي .وهو صدني بكل وقاحة ..ااااه كي نتفكر النهار هذاك نحب نقتل روحي ...نسب روحي الف مرة ..شحال كرهت روحي فالدقيقة هذيك... ااه يازهرة هذاك ماضي ودرك راني مرت حليم...رغم كلش راني مرتو وميلزمش نخمم. في غير و..سيرتو اذا كان ميستاهلش كيما محمد.. وديجا هو تزوج وراهو ببنتو ..ربي يهنيه.. حست زهرة بغصة في قلبها ...بلعت ريقها وتنهدت... حتى فيقها من غيستها صوت حليم داخل . ناضت من بلاصتها وراحت ليه. زهرة: تتعشى ؟! حليم: اوااه تعشيت برا.. زهرة: امم معليش ..تصبح بخير. حليم: ونتي بخير ..حتى انا عيان نروح نرقد رجعت زهرة لبيتها حطت راسها تفكرت خاوتها توحشتهم خمت الصبح تروح ليهم وتديلهم واش شراتلهم.. الصبح زهرة ناضت بكري باش تروح لدار الايتام.. راحت عند حليم لقاتو راقد.. زهرة: حليم...حليم.. حليم:اممم زهرة: راني رايحة عند خاوتي .. حليم: امممم ايه. زهرة:متوصلنيش؟؟ حليم: راني عيان .روحي وحدك... زهرة: اوك... وجدت زهرة روحها ووجدت واش راح تدي لخوتها... خرجت متبسمة راح شوف خاوتها توحشتهم.ومن جيه قلبها وجعها خاطر كلما تروح يبكو عليها باش تديهم معاها وهي متقدرش... .... لحقت زهرة دخلت شوفهم...جاو ليها يجرو....زهرة شافتهم تبسمت بقهرة... عنقتهم وتسلم عليهم ... زهرة: واش راكم اميرة فيصل ملاك...راكم ملاح ؟؟؟ اميرة: زهرة علاه خليتينا هنا ..علاه متديناش.. زهرة تنقهر من هذي الهدرة ومتلقاش واش دير ولا واش تقوللهم. زهرة: ياك راكم مع لولاد وتلعبو وشوفو واش جبتلكم حوايج والعاب... زهرة ديما تسكتهم هاك باش ميضغطوش عليها وتبقا تتبسم وهي في قلبها محروقة عليهم . لولاد داو العابهم ولبستهم زهرة حوايج وهو ما فرحانين ليهم... زهرة مقدرتش تشد دموعها...ودعتهم ...وخرجت دموعها نازلين.... لحقت للباب تنهدت .شافت قدامها لقات محمد داخل هو وبنتو... بقات شوف فيه واش جا يدير هنا...شوية هاك خرج...وبنتو ماشي معاه طلع في طونوبيلتو وقلع ديراكت.. زهرة رجعت دخلت لقات بنتو تبكي وتعيط بابا .بابا.....بااابااااا زهرة مخلوغة كيفاه سمح فيها ...محاالل هذا هبل ويماها وينها ... بشرى تبكي وهربتلهم تجري موراه وتبكي حتى شدوها وهي تعيط . بشرى: بابااااا باباااا
*************
فوت & كومونت بليز