#ظلموني_ولكن....
الجزء السادس.....
شفق:بعد متعرفت ع الكل وبالكوة حفظت اسمائهم رحت وياهم للمطبخ كلهن يتبسبسن واني كاعدة،ياربي اني وين شلون راح ادبرهة وياهم،قطعت صفنتي صوت بنية تقريبا بعمري الي هي سمر اخت ليث:ها حبي ليش كاعدة وحدج شافت التجمع،،امممم عرفت السبب،باعي عيني مالج دخل بيهم شما يحجون ترى ميعجبهم العجب ومن ضمنهم امي وضحكت...
شفق:ضحكت اطمئنيت حسيتهة نفس ذبتي وظلت تسولفلي ع الكل وشنو يحبون وشنو يكرهون،ظليت صافنة عليهة واضحك ع سوالفهة وحركاتهة،طب ليث علينة ها سمورة شلونج بنت عمي???
شفق:الحمدلله زينة،بس ليث ممكن احجي وياك????
ليث:تفضلي محتاجة شي????
شفق:بس حبيت اوضحلك شغلة الي صار البارحة،اني مو هذا طبعي لكن لو عشت بنفس الظروف الي عشتهة اني من جنت اشوف ابوية يبجي لان اهله رافضي او من توفوا اهلي واني اعرف سبب وفاتهم بسببهم همة...واذا تحب تعرف اكثر اسأل عمي مصعب هو يحجيلك كل التفاصيل...
ليث:هاي هي بنت عمي مصار شي بس اني من حجيت هشكل حبيت انبهج ع تصرفاتج حتى لاتجيبين حجاية لاهل امج ان معرفوا يربون،لان هذا التصرف لو صاير كدام غريب راح يفهم اكثر من هذا،صح كلامي لو لا???
شفق:اكيد صحيح وان شاءالله متتكرر،،انتبهت علية عينة مركزة بغير مكان ع صدري عدلت حجابي وهو انتبه..
ليث:اسف مو بقصدي بس جذبتني هاي الكلادة منيلج???
شفق:ضحكت كتله احزر???
ليث:ضحكت وحكيت راسي،اممم هي تشبه وحدة جانت بركبة ابوية ابد مينزعهة اذكر عمي نطاهيا..
شفق:هي هاي نفسهة عمي نطانياها...
ليث:يلة ماشي محتاجة شي????
شفق:لا تسلم...راح ليث وجتي سمر ها شعندج واكفة هنا???
شفق:اريد اصفط غراضي بعدهن كلهن بالجنط،تعالي يمي اذا تريدين???
سمر:اخاف اضوجج???
شفق:تعالي بابا شضوجيني.صعدنة فوك بغرفتي ورتبت الغراض وسمر تعجبت عليهن وشافت الصندوك مال الذهب بس ابد مدخلت كلش عجبتني وارتاحيت الهة،كملنة ونزلنة تلكني نسوان عمامي زهرة وسهام:وين جنتي خاتون???
سمر:هنا يمة جنة نصفط غراضهة كلهن بالجنط،والله ماما شفق كلش مرتبة ونظيفة....
قاطعتهة امهة:انجبي ولج مشغلتج خدامة يمهة منو كلج تصعدين تشتغلين وياها هااا ولزمتهة من ايدهة...
سمر:اوووي شبيج يمة ايدي وجعتيني...
شفق:عمة مصار شي وحتى مخليتهة تسوي شي بس كعدت يمي و....
سهام:عمة الدبب عمة عشتوا شلون ميتة عليج اني باعي لج معبالج انتي هنا اميرة واحنة نخدم بيج تشتغلين حالج من حال البنات وحسج عينج الكاج يم ليث تريدين تجرجريه مثل امج ال...من جرجرت علي الله يرحمهة ام السحورة...
شفق:متحملت كمت ابجي ليش عمة تحجين ع امي ليش شمسويتلج وحتى حرام عليج ميتة شلون تغلطين عليهة????
جرتني من ايدي حيل :باعي لج هاي دموع التماسيح مال امج ما اريدهة وكل الي حجيته خلي ترجية بأذنج يلة ولي من كدامي...دفعتني حيل ع الدرج....
ظليت صافنة دخيلك ياربي هذا اول يوم الي هنا شلون بيه..
رحت للمطبخ لكيتهن كاعدات:شسوي عمة???
سهام:امشي نظفي الاستقبال والغرف والدرج من تكملين الغرف ومن تكمليهن تطلعين ع الطرمة ورشي الحديقة...
شفق:ظليت صافنة وفاتحة حلكي...
سهام:يلة ولي شكو بعد....
شفق:عفتهة ومشيت وبلشت بالشغل ودموعي تنزل وين جنت و وين صرت راح العز والدلال والله هاي سهام العوبة راح تطلع القضى والمضى من خشمي، كملت الغرف بقت بس وحده،طبعا بس بيت عمي مصعب عايشين وية جدي بنفس البيت وباقي عمامي ببيوتهم وكل واحد اله باب ع الحولي مال جدي وكل واحد منهم عده حديقة وباب تطل ع الباب الخارجي....
المهم بقت غرفة وحدة دخلت انظفهة حلوة كلش وجبيرة وهي الوحيدة بيهة حمام وبيهة تخم صغير وشاشة بلازما وستلايت اخشابهة ضخمة ولونهة اسود باوعت ميز التواليت كله عطور ماركة وشفت لابتوب ع الميز كلش حلو وكتب هواية لملمت الغرفة ورتبت الغراض وعدلت ميز التواليت مسحت الكاع والاخشاب كملت شلت الغراض وطلعت نزلت نظفت الدرج ودخلت للاستقبال كملت طلعت للحديقة والطرمة خلصتهن دارش بالزرع وحسيت بدوخة تذكرت مماكلة حلاى من البارحة ومماكلة زين الدوخة كامت تزيد النوب اريدلي واحد ماكو كمت اختنك...وبدت تظلم الدنيا وبعد محسيت بشي...
ليث:كملت شغلي كالعادة ورجعت الظهرية للبيت طببت السيارة ونزلت اني دائما افوت من باب المطبخ بس هالمرة فتت من يم الديوان ردت جدي بشغلة وصلت للحديقة ولكيت شفق مددة بالكاع،دخيلك ربي هاي شبيهة ركضت عليهة النوب ملابسهة كله مي ولاطشة عليهة،تعوذت ابليس وشلتهة ع المرجوحة واضربهة خفيف اريدهة تكعد ماكو ظليت اصيح ع سمر طلعت تركض من المطبخ:يايمة هاي شبيهة????
ليث:ما ادري مو وكت سوالف هسة جيبيلي اي شي حلو دبس عسل ركضي...جابتلي ركض وجتي،شلت بالخاشوكة وحطيت بحلكهة وخليت سمر ترفع رجلهة شوية والكل طلع امي والبنات وابوية حتى جدي ركض:بوية شبيهة بنت عمك???
ليث:من رخصتك جدي بس دقيقة واحجيلك....
شفق:كمت اسمع اصوات بعيدة وشوية شوية بدا الصوت يقترب بالكوة فتحت عيني شفت الكل فوك راسي، وليث حاط راسي بحظنه ومرت عمي فوكاه عيونه اطلع شرار...
حاولت اكوم بس ما اكدر مو بيدي...
ليث:ع كيفج وين كايمة هيج????هاج اكلي...
شفق:نطاني خاشوكة مال عسل بالكوة اكلتهة وساعدتني سمر كعدت ع حيلي وكلش خجلت هدومي مبللة...
ليث:شصار شفق،دخلت للبيت لكيتج واكعة بالكاع وجانت الصوندة مال مي مفتوحة ومشمورة بصفج...
شفق:بالكوة احجي بعدهة الدوخة لازمتني،ما ادري دخت فجأة ومحسيت بعد بشي...
ليث:انداريت ع امي وين جنتو عنهة همزين مصار بيه شي وربج ع حظهة اليوم مريت للديوان والا جانت انتهت ومحد حس عليهة.
جدي:ليش شبيج يا بعد جدج مريضة اكو شي يوجعج???
ليث:اني احجيلك جدي انتي ارتاحي سمر اخذيهة لغرفتهة خل ترتاح بنات تعالوا وياها وحدة منكم تعصر برتقال وتنطيهيا،
جدي شفق عدهة مشكلة بالسكر صارت عدهة من وكت الحادثة مال عمي وزوجته الله يرحمهم يصير عدهة هبوط حاد بالسكر اتصور أذا يوم مر بدون متاكل حلويات وتشرب عصاير هيج يصير بيهة واي تعب زايد يعني صرف طاقة او عصبية او قهر هاي حالتهة هيج تصير،واذا صار هبوط حاد مفاجأ تدخل بغيبوبة مال سكر،
جدي:صدك تحجي زين علاج ماكو لهيج حالة شي???
ليث:لاحجي هو علاجهة الوحيد الحلا والراحة
جدي:سمعتوا الحجي الكل يدير باله عليهة كافي الي مرت بيه.
سهام:والله يا الله هاي بعدهة بالبداية وبدت افلامهة والله مطلعتي هينة،بس اني الج...
شفق:تمددت بغرفتي ومن التعب نمت بعد محسيت ع روحي،
_____________________
ليث:متعودين بالبيت انام الظهر،كعدت العصر الكل كاعد يم جدي وبيبيتي وصينة الجاي والحبشكلات وياها(كليجة وكعك وهاي السوالف)كعدت وصبتلي امي جاي وياه ماعون كليجة بس انتبهت ماكو شفق،سمر..سمر...
سمر:ها ليث شبيك خبصت الدنيا????
ليث:وجع وين صرتي???اكلج اشو شفق ماكو???
سمر:بعدهة نايمة..
مصعب:روحي بوية دكي عليهة الباب خل تكعد تاكل لكمة بعدهة بلا غدة لتتخربط.
سهام:وانت ليش ادز سمر شنو خدامين الهة بناتي يصعدوهة وينزلوهة???
مصعب:سكتي ونصي حسج ليسمعج ابوية وبعدين ليش خدامة بنت عمهة وتمون عليهة...
ليث:يمة ليش هيج حاقدة ع البنية ترى فقيرة ولحد الان لا غلطت ولا اذت احد...
سهام:شصار عليكم اكلتوني بكشوري انت وابوك....
جدي:سهامة شبيج ادرمين اكو شي معاجبج???
سهام:لا عمي هيج شغلة وية ليث.
شفق:جتي سمر علية وكعدتني،لج سمورة ميتة جوع حتى بطني دتغني.
سمر:ههههههههه كومي..كومي...شلتلج غدة ع صفحة من راس الجدر،انتي غسلي ولحكيني تلكين الاكل حاضر.
شفق:تسلمين،طلعت من الغرفة وغسلت بالحمام الفوك وعدلت حجابي ونزلت شفتهم ملتمين بس بيت عمي مصعب مسيت عليهم وترخصت رحت للمطبخ لكيت سمر حامية التمن والمركة ومحضرة زلاطة وطرشي،الله هاي شنو،هاي السفرة المعدلة تفتح النفس.
سمر:دكعدي اكلي الف عافية اني هسة اجيج.
شفق:كعدت اكلت مسحت الماعين مسح وشبعت وحجيت وية نفسي الف الحمدلله ع نعمتك ربي هسة يرادلهة كوب جاي اني داكوم سمعت صوت وراية.
ليث:وهذا كوب الجاي تفضلي...
شفق:ضحكت،تسلم اني هسة راح اصب،
ليث:هاج هذا الكوب سمر دزتهة الج شربت اني هسة،
شفق:ماشي شكرا
ليث:العفو،شلون صرتي هسة ان شاءالله احسن???
شفق:الحمدلله رحمة من الله.
رشا:طبيت لبيت جدي امي دزتني ع خالتي سهام وشفت ليث بالمطبخ ديسولف وية شفق تخبلت اني الج يالعوبة،رحت للصالة لكيتهم كاعدين سلمت عليهم ورحت ع خالتي:خالة امي دزت ع الي كالتلج عليه،وغمزت لخالتي يعني كومي،كامت خالتي لحكتني
سهام:شكو شبيج كومتيني??ويافصال هذا???
رشا:درت خالتي ع المطبخ وسويت نفسي زعلانة،خالة اذا ناوية تزوجين ليث عادي ماعندي مشكلة بس خطية امي لاتخليهة تتأمل ع الخالي بلاش واني هم دتجيني خوش قسم وامي ترفض لخاطرج صح انتي خالتي واحبج بس كرامتي عزيزة علية وما اقبل احد يقلل من قيمتي...وذبيت كم دمعة.
سهام:حيلج،حيلج،اكلتيني وشربتيني لج منو هاي الي تكدر تاخذ ليث منج هااا ولج انتي الروح والرية وداعت هالعيون محد ماخذة ليث غيرج بعد،لج انتي بنت اختي مني وبيه افضل الغريبة عليج ليش هيج تحجين وتزعليني منج تعالي حبيبتي،
دخلت للمطبخ:ليث يمة اطلع وصل بت خالتك
ليث:مابيه حيل وبعدين هيانة بيتهم مثل مجتي ترجع.
سهام:ليث انت شصايرلك هااا احجي اشو متبدل طبعك فدنوب قبل يوم مجنت هيج،طبعا احجي واباوع صفح لشفق بلكت تحس ع روحهة،دخلت رشا وكالت ماكو داعي هي راح تروح تخبلت وتعاركت وية ليث لان اخاف لاصدك ابوهة يسمع ويزوجهة اني كلش احبهة ومن زمان رايدتهة لليث،طلع ليث
ليث:امي دائما ادور حجج حتى تقربني من رشا بنت خالتي بس اني ما ارغبلهة لان طبعهة ابد ميناسبني مختلفين بكلشي وماعندي اي مشاعر اتجاهة واتمنى لو اكدر اضبهة شوية بس ما اكدر لان كلهم يفسروهة ع اغار عليهة يمعودين خلوني هيج احسن،رادتني اوصلهة ومقبلت ظلت تصيح وتحجي حجي ماله داعي كبال شفق،اني ادري بس تريد تغثهة زين ليش شنو سبب كره امي الهة المهم عفت المطبخ وطلعت،
سهام:ورة مطلع ليث عطت بشفق:باعي لج ليث مالج دخل بيه ولا توصلين يمه من تشوفيه بمكان اطلعين ماشي واياني واياج الكاج فديوم يمة فتهمتي???
شفق:اني هزيت راسي بمعني اي خفت منهة لتضربني وصاحت بيهة حتى احضر العشة لان البنات عدهم مدارس باجر،
مرت الايام عادي ماكو جديد يومي يخلص بشغل البيت والشغل الي مرت عمي اطلعه من جوة الكاع ومن عرفت اخبز ذبت حتى الخبز علية كمت اكعد من الفجر اصلي واكمل واعجن حتى يلحك يختمر علما يكعدون للريوك لان متعودين ياكلون خبز حار وية كل وجبة،وطبعا كمت ما التقي بليث ابد اخاف مابيه حيل للمشاكل واشتاقيت لبيت جدي هواية،وهاي صارلي يم اهل ابوية شهرين.
وهااا بالمناسبة مرت عمي موصيتني ان من اخلص الخبز واحضر الريوك ارجع لغرفتي انام اني كل ظني عود حتى ارتاح ما دريت هي عدهة غير غاية،
ليث:انتبهت شفق صارلهة فترة تجنبني قررت اليوم من ارجع احجي وياها،وفعلا خلصت شغلي ورجعت الظهر مثل كل مرة ادخل من المطبخ سمعت امي موكفة شفق وترزل بيه وسمر واكفة تبجي والطامة الكبرى سمعت امي شتحجي وية شفق
سهام:لج بت الفكر اني شحاجية وياج مو كايلتلج ابني وبناتي مالج دخل بيهم جريت ايدهة حيل وايدي الثانية احر بملابسهة شوفي نفسج يا مهتلفة تريد تقارنين نفسج بنتي كم مرة اني كايلة ماكو وحدة من بناتي تمد ايدهة بالشغل هااا احجي، وانتي عوبة اللخ الشغل شغلهة انتي تتبرعين ليش???
سمر:يمة والله حرام كله عليهة مو كفاية تكعد من الفجر تخبز وتحضر الريوك وراها تكمل البيت لا والنوب الغدة والله حرام عليج حتى العبد يعتقوه ويرحموه.
سهام:داضربهة لشفق وحسيت ايد لزمتني انداريت لكيت ليث
ليث:عفية يمة عفية رحمة الله والديج والله وصنتي الامانة شنو هالجبروت الي عندج هدي ايد البنية بصياح.
سهام:كمت ابجي لك هااا يا ابن بطني من ورة هاي الساقطة تصيح ع امك...وانداريت ع شفق جريتهة من حجابهة وملخت شعرهة وموتتهة وليث يدفع بيه اي ولج مثلي علية خلي يموت من وراج عود انتي المسكينة والفقيرة لك وخر جلب حقير توكف بوجه امك من وراها روح بعد ما اريد اشوف خلقتك،طلعت من المطبخ وعطت بسمر اياني واياج اذا اجة احد وحجيتي الصار اموتج فهمتي???
سمر:هزيت راسي ورجعت ركض للمطبخ لكيت ليث كاعد ع الميز واعصابه فول ويهز برجله وشفق المسكينة كسرت خاطري كعدت يمهة رفعت راسهة تشهك وتبجي،سامحيني شفق والله قصدي اساعدج اشو هاي انفضت وكامت تصيح
شفق:جنت انظف وجتني سمر لحت تساعدني واني مقبلت لان ادري امهة راح تكلب الدنيا وفعلا جتي وسوت هوسة وظلت تغلط واجة ليث وهم تعاركوا وضربتني وملخت شعري وجتي خطية سمر تواسيني بس اني انفجرت بيهة وظليت اصيح:كافي رحموني والله حرام عليكم شنو الي تريده امج هااا بس كليلي ليث اشو عايفته حتى ما اباوع بوجهة الشغل اشتغل مثل الزمال وبالاخير تكول رشا جتي ساعدتني وهم انجب واسكت وضربت ع حلكي حيل انشكت شفتي،بس فهموني شسوي بعد شسوي كمت اضرب ع رجلي حيل اجاني ليث.
ليث:كافي..كافي..بلا خبال لتموتين نفسج...
شفق:شفايتلي والله اشتريه شراية للموت بس وينه هو وينه عني رب العالمين مو يأخذ الاب والام والجهال تتيتم ربي دخيلك اخذني وريحني ع الاقل محد يتأذه بعدي،
ليث:ليش محد يتأة واذا كتلج اني يتيم بعدج،مثل الطفل وفقد امه،لج انتي ملكاج بالنسبة الي مثل فقير وجابولهة هدوم للعيد ميصدك شوكت يجي العيد ويلبسهن لج بكل نضرة جنتي تجاهليني بيهة سحينة بنص كلبي تصير،،
شفق:ظليت صافنة علية رحت بغير عالم،عالم بيه بس ليث وكلامه الحلو الي فقدته من زمان بس اذكرت امه وكمت من حضنه،انت شدسوي?شدتحجي?هي امك بدون كل هذا محاربتني النوب اذا سمعتك تحجي هيج كمت داطلع جرني حيل وصرت قريبة علية ودنك راسه علية لان اطول مني ولزم خصلات شعري،،،،
وداعت هالعيون الي غركت بيهن من اول يوم ما اصير لغيرج ولا تصيرين لغيري لو اعرف اموت،،،لج انتي صرتي النفس الي يصعد وينزل،اتصوري كمت من ارجع ما ادور احد عيوني ادور ملكاج وبس وحگ رسمج وحگ الي رسم رسمچ معشكت عيوني غيرج ما ادري شسويتي بحالي،،،،،،
شفق:تبسمرت بمكاني من الخجل دخيلك ياربي هذا شديحجي،،،،عفية ليث خليني اروح اني وين وانت وين اني مالي خلك حجي وطلايب وبعدين شنو الي منتظرة مني بعد كل هذا الحجي اذا بالك ابادلك المشاعر فأعذرني ما املك اي مشاعر من الي عندك اني عايشة حياتي هيج ع الهامش لان اول وتالي انت ورشا تتناسبون ولو تركنة كل هذا امك رمراح تقبل ولا راح ترتاح،واني بالنسبة الي راح اعتبر كل هذا الكلام مسمعته منك وحاول تتقرب لرشا ودرت وجهي ومشيت اجر بروحي جر اني وين يا ليث وانت وين لو جايني بغير زمان ومكان جان ممكن افتحلك كلبي واتقرب منك بس هسة وبهالوضع مستحيل هي سهام بلياها موتتني النوب اذا درت بكل هذا ،،،،
ليث:تخبلت من كالت ما افيدك وما اكدر ابادلك اي مشاعر ادري بيهة خايفة من امي بس وينج لو مو امي لو كل الدنيا ضدي هم اظل وياج، وياج ،رحت لغرفتي طلعت ورقة صغيرة وكتبت بيهة:وراج...وراج..اذا مخليتج تذوبين بيه مثل ممذوبتني بعيونج اني مو ليث واخذج حتى لو غصب عنج الظاهر بعدج متعرفين السبع لو نوى شراح يسوي...
وفتت من يم غرفتهة دكيت الباب وشمرت الورقة من جوة الباب...
شفق:جنت هستوني مددة واندكت الباب كل ضني سمر لان بس هي تجيني للغرفة صحت ومحد جاوب كمت دافتح الباب صارت جوة رجلي ورقة شلتهة قريتهة ضحكت شلون بلة هذا راح يشد وهو مابيه اي عيب حتى ينرفض يلة راح اخليك للايام يا ليث ونشوف منا لوكتهة الله شكاتبلنة يصير....
---
