#ظلموني_ولكن....
الجزءالعاشر....
ليث:ظليت اسبوع بالمستشفى كل اهلي وعمامي وحتى بيت خالتي جوي ورشا هم وشافوني بس شفق من اخر مرة جتي بعد مشفتهة،واليوم اجاني ابوية و ولد عمي لان راح اطلع واخيرا للبيت وجتي امي وياهم تلملم غراضي وطلعت ع كرسي متحرك لان رجلية ما اكدر احركهة لازم عملية من يطيب الكسر...
الدكتور:مثل موصيتك ابني التزم بالعلاج علمود عمليتك وشغلة ثانية لاتحاول تمشي ع اليمنى لان عدك تمزق بالاعصاب ومنريد نخاطر بيهة،،،
ليث:دكتور هي بقت عليهة...
الدكتور:لا ابني ليش هاليأس خلي ايمانك برب العالمين قوي وياما حالات اصعب من حالتك وربك سبحانه يسرهة ونجحت كول يا الله وتوكل...
ليث:ونعم بالله،الله كريم دكتور...سلمت ع الدكتور وطلعنة ونفسيتي زفت منا وضعي ومنا شفق،جوي ابوية و ولد عمي شالوني وصعدوني بالسيارة كرهت روحي اول تالي هيج يصير من اول يوم وحسيت روحي عالة عليهم استغغرت الله وظليت صافن اباوع ع الشارع...
مصعب:هاي ابو فهد وين صافن????
ليث:ابتسمت واني عيني ع الشارع،ظل ابوية وفيصل واحد يباوع ع الثاني وجان كاعد يمي وليد،طبعا اني وفيصل و وليد مو بس ولد عم لا اصدقاء واخوة الروح بالروح سرنة واحد كعدتنة وطبتنة وطلعتنة سوة....
وليد:لك مو دحجي وياك شبيك الشاغل بالك يتهنى...
ليث:لا اراديا اذكرت شفق وابتسمت...
وليد:عاط هاي يالخاين يعني اكو من شاغل بالك????
ليث:ظل يدغدغ بيه،ولك لا يول مابيه اضحك،
فيصل:يمعود عوفه مصدكنة طلع لتسويله سالفة والنوب نرد نرجعه...وضحكنة كلنة وانتبهنة ع ليث رجع يباوع ع الشارع...
وليد:يلة حضر نفسك راح يبوسك جبير وصغير وغمزلي..
ليث:كفخته الله يطيح حظك،دنزل..انزل...فتحت الباب نسيت نفسي ردت اوكع وراسا تلكاني فيصل...
فيصل:ع كيفك ابو الشباب ندري مستعجل ع البوس بس مو معناها هيج تجيت...
ليث:جتي امي جانت وية جدي بالسيارة يلة يمة سمي وع كيفك،باوعت ع الكرسي خلوه كدامي وشالوني وكعدوني ع الكرسي وفتنة جوة ذبحوا الذبايح بالباب ودخلت للديوان العمام والكرايب كلهم جانوا موجودين ظليت كاعد بعدين صحت ع فيصل و وليد:شباب اريد ادخل ارتاح كلش تعبت من الكعدة،طلعوني وخلوني للبيت هم تلكوني النسوان وبيبيتي هلاهل وجكليت واني نسيت الكل وعيني ادور عليهة وكلش ضجت واختنكت صحت بفيصل:يلة يمعود طكت روحي من الكعدة...
فيصل:جنة نسولف ونضحك وية بيبيتي وعاط ليث ظل الكل صافن اخذته وديته لغرفة بالطابق الارضي نيمته ع الجرباية راد تليفونه بس جان بعيد عليه ع الكومدي ظل يحاول مكدر ردت انطيهيا عاط بية وهاج صار اعصاب وظل يصيح ويغلط وكمت ما افهم شيكول هالكد ما معصب وصاك ع سنونه،
ليث خوية اهدء شبيك????
وليد:جنت بالمطبخ داكل وسمعت صياح ليث رحت ركض لكيت اهلنة كلهة واكفة وامه تبجي وخواته سألتهم شكو كلهة تكول ما ادري،طبيت للغرفة شفت منظر ليث بحياتي مشفتهة هيج عصبي،لك فيصل شكو????شبيه???لك بابا ع كيفك راح اطك وتموت شدسوي بنفسك???
ليث:لك خليني اموت ولا شلعان الكلب لك راح اظل عالة عليكم كلسة يا شايلن يا حاطين لكم ما اتحمل لك هذا التليفون مكدرت اوصله....اتهسترت وظليت اصيح...طلعوا...طلعوا....
شفق:شفته لليث اول مدخل كاعد ع كرسي متحرك،حسيت بالحسرة الي بداخله وردت اروح علية بس جان كومة شغل بالمطبخ ومخلتني سهام اروح،دخل للغرفة وظل يصيح ويعيط شبعت بجي عليه هذا ابو طول الحلو هيج حالة،(اللهم لا اسلك رد القضاء ولكن اسألك اللطف فيه)ياربي ارحم حاله وساعده يتجاوز محنته،ياربي لا تواخذه بفعله وكلامه انت اعلم بالبشر شكد ضعيف...ظليت ادعي واني ع السجادة،سمعت صوت بيبيتي:هالكد تحبينه يا بنتي شكد كلبج جبير ونظيف...جتي كعدت ع الجرباية،لميت السجادة ونزعت حجاب الصلاة ومسحت وجهي مكدرت اجاوبهة ظليت ساكته،
بيبي:لو شكد مسكتي دموعج وعيونج فاضحتج اني حسيت بيج من اول مسمعتي بالحادث وانتي مثل الوردة الي غابت شمسهة وذبلت،نزلن دموعي،
سهام:شلون يمة لحكيلي???
بيبي:شكو ولج خرعتيني??
سهام:ليث مديسكت محد يكدرلهة فقد وتهستر فدنوب..
بيبي:كومي بنيتي كومي بلكت يهدأ اذا شافج...
سهام:مستحيل تفوت علية لو تموت...
بيبي:بس عاد اني كلت تروح وخلص عوفي حقدج هسة ع صفحة وحيري بأبنج...
شفق:لبست حجابي ودكيت الباب وجنت شايلة صينية الاكل،وفتت،جانوا وليد وفيصل يمه،ظلوا صافنين...
فيصل:والله خوية ما اتوقع ياكل دشوفين حالته...
شفق:بلكت ياكل شوية...
ليث:ظلت اعصابي تفور وشكد احاول اهدء مداكدر اسيطر ع نفسي،وظلوا خطية الولد واكفين سكتت بس نفسي الي برة الغرفة يسمعه،طلعوا يولد ممحتاج شي بس سمعت صوت صفني وخلاني بعالم ثاني...
شفق:شفت وضعه وجعني كلبي علية وكال للولد طلعوا،تشجعت وكتله اهدأ موزين عليك وتقربت علية شوف سويتلك المعلاك مثل متحب وخبزتلك خبز عروك...قدمت الصينية وايدي ترجف خايفة منه...
ليث:صفنت عليهة وهي تحجي وحسيت بيه خايفة،شبيج ???
شفق:باوعت علية وع الولد استحيت منهم...
وليد:دغيت فيصل لك شفت الي شفته???
فيصل:يمكن هي الي...
وليد:اي يا اثول هي...امشي خل نطلع احسن...
شفق:وليد وفيصل ترخصوا..احنة بالمطبخ اذا راد شي بس صيحي علينة..
ماشي،طلعوا وظليت واكفة ولازمة الصينية اخاف اتقرب اكثر...
ليث:ليش واكفة تعالي كعدي..
شفق:كعدت ع حافة الجرباية وبحضني الصينية...
ليث:ليش مجيتي علية بعد???ليش خليتيني هيج اشتاقلج لج انتي متدرين شسويتي بحالي،ليش من احجي وياج تبجين ليش تحسسيني حبي الج ضعف،
شفق:مسحت وجهي لا مو هيج بس....
ليث:بس شنو احجيلي الصدك وريحيني ما اريد شفقة من احد ما اريدج تجين يمي لان مجبورة لو تريدين تساعديني،اريدج يمي لان تحبيني او ع الاقل تبدين وياية من جديد وتحاولين تفهمين مشاعري...
شفق:منو كلك اني اشفق عليك..ليش كلما اتقرب منك تفسر قربي الك لو اتشمت بيك لو اشفق عليك ليش متخلي بالك شي ثاني...
ليث:لان كلماتج الاخيرة الي وتصرفج وياية الى اخر لحظة قبل الحادث يدل ع هذا الشي...
شفق:لا مو هيج ابد انت فاهم غلط...
ليث:كمت اصيح احجيلي الصح لعد فهميني،شنو سبب تصرفاتج وياية شنو لان تعبت واني اريد اوصلج،واوصلج الي بداخلي غلطت وصححت غلطي وتندمت وانتي ولايمج لج ليش لان تعرفين نفسج غالية علية لو شنو...
شفق:لا...والله لا...ولاشغلة من ذني.....
ليث:فهميني الله يخليج،وصدكيني وعد والله لا اوصلج ولا اوكف بطريقج،
شفق:ظليت ساكتة،ودموعي تنزل،،
ليث:ماشي شفق ظلي ساكتة خلي السكوت يفيدج ماعندي بعد شي احجي وياج تكدرين تطلعين واخذي الصينية وياج ومن هاللحظة انسي كلشي صار بينة وكلشي حجيناه واعتبري هذا اول يوم نتلاكه بيه...
شفق:ظليت صافنة علية ليش مداكدر احجي ليش ما اكدر انطق شي كدامه،كمت لحيلي وردت اخلي الصينية ع الميز عاط بيه...
ليث:بصياح كلت اخذيهة ما اريد اتسمم..
شفق:جفلت من عيطته،ماشي اخذت الصينية وطلعت...
ظليت الوم بروحي ليش مكتلهة خايفة من الكل ليش مكتله اريدك واحبك بس الكل ضد هالعلاقة،،اوووف راح اظل الغي زايد وية روحي وماكو نتيجة..رحت للمطبخ والتهيت بالشغل وية البنات لليل كملنة كلشي وردت اصعد اقرة شوية قبل لا انام،شفت رشا طالعة من غرفة ليث وشايلة صينية مال اكل ظليت واكفة شمعنى مقبل ياكل من كتله اني هي فاتت من يمي تباوع صفح وتضحك...صرت اعصاب وبدون تفكير رحت لغرفتة حتى بدون ما ادك الباب فتحته وفتت هو جفل وظل صافن.....
يعني شمعنى هسة اكلت ومن سويتلك الاكل وجبته ليمك مقبلت تاكل هااا???لو هو اكل رشا الهة غير طعم???احجي ليش ساكت???
ليث:كعدت من النوم وشفت الساعة ب11:30باليل وحسيت بجوع دكيت ع امي كتلهة سويلي اكل ميت جوع،ورة شوية جتي رشا وبيدهة صينية الاكل عرفت هاي سوالف امي رفعت نفسي اشو هاي جتي تركض خلت الصينية ع الميز وجتي سندتني...
تسلمين رحمة الله والديج ليش تعبتي نفسج جان خليتي وحدة من البنات تجيب الاكل،النوب كعدت يمي وتخلي الكل بحلكي،رشا فتحي الباب ميصير وحدنة والباب مسدود...
رشا:اي والله صح نسيت ظلت يمي علما خلصت اكل مصدكت كملت،تسلم ايدج بس عود من اطلعين طفي الضوة وياج..
رشا:عرفت يريد يصرفني كلت ماشي الايام الجاية هواية،فتحت الباب داريد اطفي الضوة شفت شغق دتطلع من المطبخ غرفة ليث تصير مقابيل المطبخ تعمدت اطلع كدامهة حتى نسيت الضوة...
ليث:باع هاي النوب نست الضوة جريت التليفون ردت ادك ع الولد اريد اطلع بالحديقة شوية محسيت الا واحد هجم ع الغرفة انداريت هاي شفق صايرة بركان اريد افهم منهة شكو شبيهة متنطي مجال،سكتت تاخذ نفس تعبت....
ع كيفج...ع كيفج...اخذي نفس،ممكن اعرف شبيج ليش هيج داخلة علية???
شفق:ظليت اروح واجي كدامه وافرك بأيدي،اي سوي نفسك متعرف شي???
ليث:باعي ترى مالي خلك احجي من الاخير شكو???
شفق:دمعت عيوني طبعا مالك خلك تحجي وياية متريد تخرب مزاجك،وصدك بالعافية عليك ان شاءالله اكلت زين وعجبك اكل رشاوي???داطلع صاحني..نعم ...
ليث:حبيت اغثهة من رخصتج شوفيلي وليد لو فيصل ...باوعت عليهة رادت اطك من العصبية بس شكلهة يخبل.
شفق:ماشي تدلل...
ليث:عرفت من تصرف شفق ان هي تغار من رشا بس ليش معقولة تحبني لو عدهة اي مشاعر اتجاهي،اكيد اني شلون راح عن بالي الحجي الي كاله ابوية بالمستشفى لعد بسيطة يا شفق الا ادقج واخليج من وحدج تعترفين ان انتي تحبيني...
شفق:كعدت ثاني يوم بالكوة للدوام حسيت تعبانة كلش رحت ع عمي لكيته يم ليث صبحت عليهم:عمو عفية تكدر تمرلي للمدرسة تاخذلي اجازة???
مصعب:خيرج عمي???
ليث:انداريت عليهة شبيج شفق مريضة???
شفق:والله احس مالي خلك شوية وجسمي كلش يوجعني..
ليث:طبعا ظليتي لل12تشتعلين بالمي تلكين بداية فلاونزا
مصعب:روحي ارتاحي بوية اني هسة اطلع واخذلج اجازة اليوم وباجر انتي هواية تعبتي هلايام..
شفق:تسلم عمو،ردت اطلع صاحني ليث...سلم علينة عمي وطلع...
ليث:اشو تعالي تقربي...
شفق:احجي ليث والله مابيه حيل اريد اروح انام...
ليث:بس تعالي...كعدي يمي..
شفق:كعدت ع حافة الجرباية يمه،اشو هذا ظل يتلمس وجهي من كصتي ويلزم خدي اني رحت لغير عالم،
ليث:صحتهة يمي ردت اشوفهة مصخنة لو لا،لان عيونهة وخدودهة حمر،اجتي كعدت وظليت اتلمس وجهة،بس انتبهت عليهة صفنت وجسمهة رخى بعد شوية تنام،ظليت صافن عليهة واتمعن بملامحهة واحجي وية روحي،لج شسويتي بحالي هو من جنت متجاهلتني واني ميت بيج والنوب هسة ذايبة بين ايدي،اوووووووف...
شفق...شفق....
شفق:صحيت من تفكيري ع صوته جاوبته بكل هدوء...هاااا
ليث:انتبهت عليهة حتى صوتهة انتهى...شبيج اكو شي يوجعج محتاجة طبيب????
شفق:هااااا..لا...بس تعبانة راح اصعد انام،داكوم جر ايدي...
ليث:لخاطري ديري بالج ع نفسج دتشوفين وضعي ما اكدر اكوم واصعد اشوفج،ليش متنامين جوة???هيج احسن حتى كل شوية امر اطمن عليج...
شفق:لا والله ماكو داعي هسة انام شوية وارتاح...
ليث:بلا عناد..سهى...سهى...
سهى:ها ليث،هلو فوفة صباح الخير،هاي شنو شبيج هيج وجهج ذبلان،لج هاي شنو انتي مصخنة فدنوب،،
ليث:لج اطي مجال خل احجي باعي اخذيهة للغرفة الجوة خل تنام اخاف لا سامح الله تتخربط شي متكون وحدهة..
سهى:ماشي تعالي،،
شفق:مشيت وية سهى ومجادلت بشي لان كلش مابيه حيل
ليث:جابولي الريوك تريكت واجوني الولد طلعت من الغرفة،صبحت عليهم وحجيت وية جدي وبيبيتي،ترى شفق مالهة خلك فدنوب خليتهة تنام بالغرفة الجوة الي يم غرفتي حتى عينه عليهة،،،
بيبي:ياااا خطية شجاها مسكينة تعبت كلش هالايام وماكو وحدة اشتغلت مثلهة خل اكوم اشوفهة،،
ليث:خليهة هسة حجية توهة نامت شوية ونكعدهة تاكل وتاخذ علاج،،جدي شعجب الحجية لانت ع شفق???
ليث:بوية الحادث الي صار وياك شوفنه معدنهة الحقيقي وتندمنة اول وتالي هاي بت الغالي ومن دمنة ولحمنة...
ليث:من حجة هيج جدي ارتاحيت بقت بس امي....
---
