مروه- مرت يومين مخابر واني ممخابره. عليه طبيعتي مااعرف اذب روحي على احد لذلك استغربت رويده عليمن طالعه لاماما لابابا هيج مر اليوم الثالث بدون مكالمات واني الوب كوه نمت حسيت الصبح سرى تكعد بيه
ها سرى
عفيه مروه تكدرين تجين ويايه عدي امتحان
حسون موكال اخذج اني
اي بس ميكدر يدخل انتي تدخلين لان جامعتج ورضا. رجلج
ابتسمت كمت اوك راسن بدلت مكياج خفيف لبست احلى جبه عدي تانفت كلش كحرم الدمتور رضا ومكتله حجي. سرى كانت ماجله الاماحانات علمود السفره وبعد فصخها مقبلت تمتحن خوفا من اللقاء وي معد بس والدي جبرها تالي قبلت على مضض المشكله مفتحت كتاب بس صافنه هي ورويده تاذينا عليهم والدي تعب اكله قل ونومه زاد وبليل كلسا يطب يطمئن عليهم جان خايف كلش بس الحلو بالموضوع رويده كدرت تسيطر على روحها وتغلبت على نفسها بس للاسف صلاه مدتضبطها الا سرى تقربت اكثر وزاد التزامها وحجابها حتى كدام ولد عمي بالذات فرات وعلي اللي نادرا ميجونا ووره هالمشكله كامو داما. يجون
تريكنا وطلعنا ماما لبستني دنبوس الحلو بماما طبيعتها مو دائما تمدح بينا على احنا حلوات ونخبل وهالسوالف تخاف لا نشوف روحنا ونكابل المرايه جانت دائما تغذينا بانه
الخلقه مو صنعج حتى تفتخرين بيها خلق الله والفخر لرب العالمين شسوي شي انتي تفتخرين بيه افتخري باللي مسويته وهذا الاساس جنت من اباوع لروحي مااهتم لجمالي ابد جنت اكول وي روحي اتباها باللي اني اسوي والحمد لله وصلت للردته وطمحت له. وكان من ضمن طموحاتي المستحيله رضا والحمد لله وصلتله بس بقه التعيين
طلعنا وي حسون وكلسا يباوع لسرى المرتبكه حاول يخفف التوتر بالتصنيف جنت اضحك بس سرى ساكته صافنه سكوتها دمر العائله رووف اربع مرات يجي يسال عنها وعن رويده رويده تطلع تحاجي وهي تكول كولوله نايمه
جان يعرفها كاعده ويغلس ويطلع
لمح حسون الجيس الجايبته بيدي
هاي شجايبه مروه
معليك سوق
شبايكه من بيت اهلج موديته لرجلج هااا
ههه ولك فطاير مال جبن
يا خطيه ولج بقيتيلي
اي بقيت
زين
وصلنا ونزلنا حسين ركن السياره كال
سرى خلصي امتحانج وتعاي راسن
سرى- اوك همست وعيني على باب المعهد مروه ويايه طبيت الجامعه وملكيته جنت مرعوبه من عيونه تلفوني مقفول عد بابا مااخذته بعد نفس مالي باي شي وكلشي ماريد احس جنت مرعوبه من عتابه وشنو الصار بابا كالي كتله من عرفتك انت المراسلها عبالك موخوش ومعجبني تكمل وياها ميشرفني انطي بنتي لشخص يدور هيج بنات واندك ببنتي وهسه جاي تقدملها
تاذيت اكثر لان هالشي كان سرنا اليوجع كلبنا ثنينا ماريد اشوفه واشوف عتابه امشي واحجي وي روحي مختنكه طبيت للممر قبل لا اوصل لقاعتي مروه كالت
سرى حبيبي حطب اسلم على رضا
