اوتار حزينه

البارت الخامس عشر

اوتار حزينه
بقلمM.M
رجعت اتصلت بي جاوبني نعم
هلوو گلبي شلونك شوكت تجي تاخذني
ريم شبيج
شنو زعلان مني لو.ممشتاقلي
ريم شبيج انتي صاحيه
حبيبي انت اللي شبيك
لج ريم انتي مو ردتي تطلكين
يعني شنو
يعني اني مطلكج
وكع التليفون من ايدي ظليت بحاله صدمه ليش طلكني واني طلبت الطلاك معقوله كمت ادك والطم محسيت غير واني مضروبه بالحايط واغمى عليه ..،مااعرف وره شكد كعدت لكيت بيبي وعمتي يمي
بيبي ليش احمد.طلكني
ولج يمه شبيج.انتي
انتو.اللي شبيكم شنو بس اسال ع الموضوع تكولولي شبيج شبيه فهموني احجي بصرخ وابجي ،كامت بيبي حضنتني وتقره ع راسي ايات وتبجي وتكولي ولج يمه مو انت اللي ردتي يطلكج وحجتلي كلشي صار
اني انهاريت واصيح احمد ولك ليش هيج الكل كامو يبجون عليه وع حالي واكولهم جيبوليا دخيلكم بس اريد احجي وياا
اتصلو بي واجه مو هذاك نفسه احمد ضعفان كولش واللحيه ثخينه وجوه عيونه اسود
السلام عليكم ،كولهم ردو عليكم السلام اني كتله شبيك ياعمري انت
باوع عليه ودار وجهه عني وبجه واني كمت ابجي سالته حبيبي شبيك بس فهمني
مسح دموعه وتقدم كعد يمي ع طرف السرير
شلونج ريم
موزينه بدونك ياروحي
بنيتي اهم شي صحتج ،لزمت ايده باوع ع ايدي ويباوع ع عيوني وعيونه تلمع بيهه الدموع لزمت وجهه وجريته بحظني اني اشهك وهو يشهك احجي وابجي واكوله ليش عفتني ليش طلكتني ليش تخليت عني بسهوله
وهو.يصيح ولج اويلي ولج موتيني كم شهر اروح.ارجع وانتي متقبلين ومتباوعين بوجهي
والله موبيدي احمد والله مو بيدي ياعمري ولك انت كل اهلي فوك النص الساعه لا اني اللي سكتت ولا هو بعدين هو.حس ع نفسه وخر عني كال انتي هسه مو زوجتي ماعرف شلون حظنتج اسف
اسف !!! احمد اني مرتك اني مو بوعيي مو طلكت منك
ريم شنو التريدي اني حاضر تريدن ترجعين كومي هسه اعقد عليج احمد فهمني شنو.اللي صار .......
كعد حجالي كولشي واني ماعرف اصدك هاي اني االلي هيج سويت اني بعدت عنه كل هالفتره معقوله ليش هيج سويت ومنو السبب واتذكر كلام امه وتصرفاتهه ومااعرف شنو اريد ظليت حايره وهو. شويه وترخص وراح اريد اكوله ابقى بس عبالي شي عگد لساني وره كم يوم طلعت للبيت وعايشه ع المهدئات مره بيوم كاعدين اني وبيبي شويه بديت اتحسن اندكت الباب العصر راحت بيبي تفتح الباب سمعتهه تأهل وتسهل انداريت لكيت ام احمد گبالي حسيت روحي عصفوره وفتحوله باب القفص عبالي جايه ترجعني طبت واني ركضت عليها ابوس واحضن بيهه واسالهه عليهم وراحت بيبي دتجيبلهه ضيافه جان تكولي سمعي لج رجعه لاحمد انسي انتي وليتي وخلصت منج اني اسمع ومصدومه حتى ماعرف شنو اكول ودارت وجهه وراحت   جتي بيبي كالت وين عمتج..بيبي احاجيج عمتج وين
راحت بيبي
ليش يمه
ماعرف بيبي
شكالتلج يمه
مكالت بيبي ،درت وجهي وكمت تمددت وظليت حايره شنو سويتلها حتى هيج شايله حقد عليه ليش هيج تكرهني هسه طز بيه اني معقوله ابنها متهمهه سعادته التفكير اكل راسي لحد منمت
كعدت الفجر كمت توضيت وصليت وبجيت وكلت ربي اللي بي خير اليه سوي وحلفت ماارجع لاحمد لو تصير روحي بروحه وعدت الايام حياتي عايشه بس بالاسم  استلمت نتيجة السادس طلعت معدل 76 قدمت تربيه نكليزي صح جان بالي غير شي بس كلت الحمدلله ع كل حال هاهيه خلي اركز بدراستي ورحت اشتريت هدوم وحضرت للكليه احمد اكثر من مره اشوفه بالشارع عبالك شايب ادير وجهي عنه هو متلهف ع النظره مني بس ماباليد حيله احبه واموت عليه بس امه الله يسامحها بديت اداوم كليه جنت مركزه بالدراسه
تعرفت ع بنات حبابات جنت اشوف شخص ع طول يباوع عليه بس قلبي ممرود ع احمد مكدرت انسى جان عايش ويايه جنت اشوفه يوميه الصبح واظل احترك حرك من اشوفه هيج شضعفه واللحيه شطولها جنت اشوف نظراته احسه يتمنه يحجي ويايه بس مجنت انطي مجال لان اعرف اضعف كدامه واعرف امه متعوفني بحالي عليش ادخل بهاي المشاكل مره ثانيه خلصت المرحله الاولى ونجحت بتفوق الحمدلله بالعطله احمد مجاز مني مااعرف منين جاب رقمي ويوميه يتصل والرسائل ويحرك بقلبي عليه لحد مايوم طلعت بيبي وجدو راحو لبيت عمتي معزومين واني تعبانه مقبلت اروح رحت نمت اول مغفيت وره ماعرف شكد حسيت الباب تندك اباوع الدنيا غوربت طلعت فتحت الباب ماحس الا احمد دفعني حط ايده ع حلكي وشالني وطببني ليجوه طببني للغرفه وقفل الباب ولج ليش هيج تحركين قلبي ولج ليش ريم ولج اني احبج يحجي ويبجي واني حاطه ايدي ع اذني كلي لج ريم نسيتيني نسيتي حظني وثنينه نبجي لزمني من ايدي ويهز بيه لج احجي متحبيني
اي مااحبك احمد جان يضربني راشدي كمت اشهك بالبجي حظني ويبجي لج ليش هيج تسوين بيه وبنفسج مو دا اكولج تعالي اتزوجج وانعل امي ع صفحة ابويه رفع راسي وباسني وبعد محسيت غير واني ويا بدون هدوم ونايمه ع صدره وهو يكولي لج ريم اعشقج كمت طفرت من حظنه والطم ع وجهي ولك احمد شسويت ولك احمد حرام اني مو مرتك والطم وابجي واضرب بي وطردته كام لبس وطلع وبيبي وجدو تاخرو طلع احمد واني ابجي.. دزلي مسج اشتاقيتلج واحبج ريم ظليت ابجي وهو يوميه مسجات ولج بس كولي اي واجي اتزوجج واخذج بغير دوله نعيش واني ماارد يستغزني ويدزلي يكولي منسيت هذاك اليوم عدت الشهور وره فتره سمعت احمد خطب شبعت قهر بس شنو اسوي

صرت مرحله ثانيه وهذا الولد ع طول يباوع عليه واني مغلسه لحد مايوم اجه الولد كالي ممكن دقايق من وقتج ظليت باهته بوجهه ماعرف شنو ارد وهو يباوع عليه منتظر رد بعدين حسين ع نفسي كتله اي تفضل تمشيت ويا شويه وكعدنه كالي اني اسمي ياسر م90 مرحله ثالثه واشتغل وره الكليه
اي والمطلوب
اني انعجبت بيج من العام
قبل ليكمل قطعت كلامه شوف ياسر انت متعرف كولشي عني
احجيلي
ظليت اتنهد وانقهرت وكمت ابجي
احجي ياعيني شبيج
تاسفت منه وكمت وعدت ايام اشوف يوكفلي باب القسم وره اسبوع حجيت لبيبي عنه
ولج يمه انطي فرصه لنفسج
ظليت ابجي وماعرف شكول ، فكرت بحياتي كلت لازم انطي فرصه لنفسي شنو استفاديت من الحب مثل ميكول المثل اخذ الل يحبك ولتاخذ اللي انت تحبه
وره ايام اجه ياسر عليه كالي من رخصتج اريدج بكلمتين رحت ويا كالي مستعد اسمعج بس احجي كتله مااكدر احجي هنا بالجامعه كتل انطيج رقمي كتله لا مااخذ ارقام ولا انطي
كال لعد ع الفيس انطيج الفيس مالتي ونحجي صفنت مااعرف شسوي انطاني اسم حسابه
مراسلته هو يوميه ع نفس وكفته بيوم رجعت من الجامعه شفت احمد كاشخ بالقاط بس مو فرحان عبالك مجبور عرفت احمد راح يتزوج صرنه اني ويا وجه بوجه ماادري شلون تماسكت نفسي ومنزلت دموعي طبيت للبيت طبكت الباب وكمت ابجي ظليت لحد منمت حسيت 3الفجر فتحت تليفوني وفتحت الفيس راسلت ياسر
صباح الخير 3دقايق واتصل ع الماسجر مااعرف شنو اللي خلاني ارد عليه
الوو
الوو
شلونج ريم
يم الله
مراح تحجين شبيج
راح احجي ... وبديت احجي كولشي وهو ساكت واني ابجي واحجي
كال خلصتي ريم
اي
اني احبج واريدج بس مااعرف اهلي اذا يقبلون بمطلقه
ياسر تره اني مدا احجيلك ممنتظر منك تقبل لو لا مجرد دا احجيلك مع السلامه وسديته بوجهه
وعدت الايام والاسابيع واني دوام واحمد اكثر من مره اشوفه ويه زوجته بس عيونه عليه مشفت هذيج اللهفه اللي جان يباوعلي بيها ع زوجته عادي يعني
ياسر وره شهر اجه كالي راح اتقدملج اهلي حجيت وياهم وهايه حياتي مو حياتهم تقدملي وتزوجنه وهم عرس سويت وطلعت احلى من زواجي الاول بس اني لداخلي مفرحانه شفت احمد يبجي من دا اطلع من بيت جدي دموعي نزلت قبل دموعه انداريت ع بيبيتي وحظنتهه وكمت ابجي بحظنهه عرفت بيبيتي وشافته كالتلي ولج يمه حطي عينج بعين الله وصت ياسر عليه بيبيتي كالها بعيوني حجيه صعدت بالسياره ويا وشفت احمد جاي ع بيبيتي طببته وبعد مااعرف ياسير يحاجيني بس اهز براسي وبالي مو يمه اريد اعرف احمد شعنده راح ع بيبي
اتزوجنه وطلعت السبعه وام ياسر جانت بالوجه مرايه وبالكفه سلايه بس جانت اهون من ام احمد فعادي ماادير بال وره زواجي بشهر كمت ادوخ واني اشتغل من اريد ادرس مااركز وتلعب نفسي ومجنت اتخيل ممكن بيوم اصير حامل حجيت لياسر كالي امشي نسوي تحليل حمل كتله هاي شبيك ياسر اني ميصير عندي حمل كال شخسرانين رحت ويا حللت وومتاكده ماكو حمل صاحو اسمي ريم كمت اخذته كالي .....